img
الرئيسة / حلويات / طريقة الكنافة الخشنة ملكة رمضان

طريقة الكنافة الخشنة ملكة رمضان

/
/
/
2578 مشاهدات

 

طريقة الكنافة الخشنة ملكة رمضان

#ملكة_رمضان طريقة الكنافة الخشنة

طريقة الكنافة الخشنة ملكة رمضان

طريقة الكنافة الخشنة ملكة رمضان , معكم صديقة زاكي الشيف الموهوبة ,

المقادير

  • نص كيلو كنافة خشنة
  • نص كيلو جبنة كنافة او جبنة بلدية
  • بخلطها جبنة متزريلا
  • ربع كاسة سمنة
  • للوجة:
  • فستق حلبي

الخطوات

بفتح العجينة وبفتفتها بايدي حتى تتفتح العجينة كلها وتتقطع كاملة بضيفلها السمنة وبفركها حتى تتشرب كلها من السمنة الجبنة انا استخدمت جبنة بلدية قطعتها شرائح رفيعة وبنقعها حتى تحلو الجبنة وتطلع منها كل الملوحة بس انا بفضل تكون فيها ريحة ملوحة بتكسر الحلا وبس اوصل للحلاوة الي بدي ياها بالجبنة بصفيها وبتركها تنشف ميتها تماااااام وبخلط معها ربع كيلو جبنة متزريلا وبعدين بجيب صينية وبدهنها سمنة وببلش اوزع الكنافة عليها بالتساوي وبجيب صينية اصغر منها بشوي وضغط على العجينة بالصينية حتى تنرص مزبوط وعدين بعمل فتحة باصبعي بنص الصينية عشان اشوف تحميرها بالفرن وبوزع الجبنة بس ما بوصلها للطراف ولا للفتحة الي فتحتها بنص الصينية وبعدين بحط من ورق التنشيف تبع المطبخ فوق الجبنة حتى تمتص كل السوائل الي ضلت فيها لو كان فيها وبعدين برشلها شوي من العجينة عالوجة عشان بس اقلبها ما تلزق بالصينية بعدين بدخلها فرن وسط محمى مسبقا وبتركها اول عشر دقايق وبعدين بشوفها وبضل الف فيها حتى تتحمر مزبوط طبعا ببين من النص والاطراف كيف صارت اذا تحمرت او لسى وبس تتحمر بتطلعيها وبقلبيها على صينية الكبر بشوي وبسقيها قطر وبرش عليها الفستق الحلبي

والف صحة وهنا يا رب لاتنسونا من دعائكم ودعمكم يا غاليات

52 تعليقاً

  1. اخخخخخ بس مش لاقي حكي احكيه شوو هالجمال شو هالمطه هاي شو هاللون الرائع يا رائعه 😍😍😍

    يسلم دياتك ياعمري فعلا دمااااااار يلا هاي بالعزومه بعد الاوزي والجاجه التعبانه هههههههههههههههههههه 😂 😍😍

    • يسلملي قلبك المطاط هههههههه حبيبتي كلك زووووق 😙😙😙😙😙
      اكيد الكنافة ملكة الحلويات لو شو ما اشتهينا اخريتنا نرجعلها ههههههههههه

  2. يسلم ايديكي روحي منظر بغرف القلب ولونا بشهي وحلو كتير يعطيكي الف عافية وصحةوهنا بس لاتنسيني من قطعة😋😉😀😗😗

اترك رداً على كندا أردنيه إلغاء الرد

لن يتم نشر عنوان بريدك الإلكتروني.