img
الرئيسة / معجنات / طريقة عجينة السمبوسة والكلاج بمنتهى السهولة ملكة رمضان

طريقة عجينة السمبوسة والكلاج بمنتهى السهولة ملكة رمضان

/
/
/
4745 مشاهدات

 

طريقة عجينة السمبوسة والكلاج بمنتهى السهولة ملكة رمضان

عجينة السمبوسك والكلاج بمنتهى السهولة ملكة رمضان

طريقة عجينة السمبوسة والكلاج بمنتهى السهولة ملكة رمضان

طريقة عجينة السمبوسة والكلاج بمنتهى السهولة ملكة رمضان , معكم صديقة زاكي الشيف الموهوبة ,

المقادير

  • كوب طحين
  • 2 كوب ماء
  • بيضة
  • م.ص خل
  • 2 م.ك نشا
  • رشة ملح

الخطوات

السلام عليكم ورحمة الله وبركاته

ورقة السمبوسك بهاي الطريقة من انجح واحلى واسهل الطرق راااائعه فعلا وتستحق التجربة ، هشه جدا وخفيفة ومابتشرب زيت عالقلي وقرمشتها ما بتنوصف ، خلينا نشوف الطريقة

أولاً/ خليط العجينة

بنضرب كل المواد سوا بالخلاط لحتى ينتج خليط سائل اخف من خليط القطايف ، ممكن تحتاجي كمية مي اضافيه حسب نوع الطحين المهم ماتكون ثقيلة العجينة ولا خفيفة بالمرة وسط يعني.

ثانياً/ الصب والتسوية

بنشتغل فيها دغري

—اول شي بنسخن قلاية او صاج عالغاز وبندهنه مسحة زيت خفيفة جدا .

—بنبلش بالفرشايه ندهن الخليط عالقلاية السخنة ( بنوطي النار اثناء الدهن وبنرفعها بعد الدهن)

بنبلش بالدهن من الطرف الخارجي للقلاية لحد ما نوصل للوسط وبنسكر كل الفراغات وبدك تكوني سريعه بحركة الدهن لانه بنشف دغري وانتي بتدهني.

—بنعلي النار وبنتركها حوالي دقيقة بتنشف وبتبلش تفك لحالها عن الاطراف بتمسكيها بايدك بلطف وبتفكيها من القلاية.

—فورا بدك تدهنيها زيت ذرة وتغطيها ببلاستيك.

ملااحظة/

جهزي البلاستيك وصحن زيت وفرشايه قبل ما تبلشي بالشغل عشان يكونوا جاهزات .

—بتكملي بنفس الطريقة كامل الكمية.

ملااحظة/

كل ما تعملي وحدة بعدي القلاية عن النار لحتى تدهني الورقة زيت وتغطيها ، بتكون القلاية هديت شوي.

—كل 3 ورقات بترجعي تدهني القلاية زيت خفيف جدا.

ثالثاً/ الحشو والقلي

بنتج عندك ورقات شفافة خفيفة وطرية رائعه وشغلها ممتع.

—احسن طريقة للحشو طريقة الرولات البوريك .

—إذا بتحبي تعملي سمبوسك مثلثات بدك تكوني عامله الورقات كبااار عشان تتخلصي من الاطراف وتعمليها مستطيلات وتلفيها مثلثات.

—بتنقلى بزيت غزير وساخن.

رابعاً/ التفريز والاستخدامات

—لتفريزها بعد الحشو بترتبيها على صينية جنب بعض وبتفرزيها وثاني يوم بكونوا جمدوا بتخزنيهم باكياس بالفريزر.

—استخداماتها

للبوريك

للسمبوسك

للبقلاوة

للوربات

وكل استخدامات عجينة الكلاج تنطبق عليها.

—لازم تجربوها رااااائعه جدا جدا

وصحححتين وهنا

151 تعليقاً

  1. ماشاءالله تبارك الرحمن ابدااااع بكل ما تحمل الكلمه من معنى ربي يسلمهم هالديااات الي بلتفوا بالدهب👌😘🌷💝

  2. ما شاء الله ولا حول ولا قوه الا بالله شو هالجمال والرررروعه الصراحه أبدعتي يا عمري وعنجد شكلهااااا بشهيييي ربي يسلم ديادك ويبارك بصحتك وعمرك ياا ملكه زاكي 😙🌷

    • لولو بعتذر عالتأخير بالرد انشغلت شوي بالعزايم عذرا منك.

      شيش بالفرن
      بتقطعي الدجاج مكعبات وسط وبتبليها بملح وفلفل وزيت الزيتون وخل وعصير بصل ورشة بهارات بس لا تكثري وصلصة بندورة بتدعكي الدجاج فيهم وبتنقعيه ساعتين.

      وقت الشوي بفضل تشكي القطع على اسياخ خشب عشان الخرم اللي من السيخ بساعد استواء اللحمة من الوسط بسرعة وبتحطيهم بصينية فرن وعلى فرن محمي بالرف الاول نار عاليه واتركيه نص ساعة وافقديه ممكن يوصل لحد 45 دقيقة بالكثير وبكون تحمر او بتحمريه زيادة والف صحة وهنا يارب.

  3. ماشاءالله اكلك كتير زاااااكي وبشهي ومتكتك انا لما الاقي وصفه الك مابفتحها الا لبعد ماافطر لاني اذا شفتها وانا صايمه بموت ههههههه😂😂

  4. الوصفه مش هينه للمبتدأ زي حالتي رح اعملها بعد رمضان اذا ربي جعلني من اهل الدنيا بدها تركيز
    اما ام جاسم بقولك ««قل اعوذ برب الفلق »»خير الكلام ..كلام الله تعالى

  5. كتير سهلة ومدام بتزبط للبقلاوة ممتاز لانه شغلها اسهل وانظف.بدي اعملها ان شالله لانها مناسبة لكل وصفات الحلو والمالح.فعلا الواحد لازم يعتمدهاولكل شي

  6. منتهى الإبداع والتميز والإتقان والتجديد
    ربي يباركلك ويسلم ايديكي على هالمنظر الاكتر من رائع😍
    شي بشهي ونفسي قرقشلي كم وحدة ههههههه
    وهي المقلوبة تبارك الرحمن بتشهي الواحد يغوص فيها 😁

  7. يعطيكي العافيه ويجزيكي الخير فعلا طريقه سهله ومريحه بس بدي أسألك بنفع افرز رقاقات العجين بدون ما احشيهم وبس احتاجهم بنزلهم وبحشيهم بنفع ياترى وكيف الطريقه ؟؟
    وجزيتي الجنه

  8. والله انتو دوختونا بوصفاتكم الطيبة …تسلم هالانامل يا ام جاسم …بصراحة ماعد في حكي نحكي وشو مارح قلك يمكن مارح اوفيكي ع هالشغل وهالوصفات ….بصراحة لون السمبوسة بعد القلي بجنن .. صحة وهنا يارب

اترك تعليقاً

لن يتم نشر عنوان بريدك الإلكتروني.