ارز ملون مع دجاج بالزعتر ملكة رمضان

25 5٬196
 

ارز ملون مع دجاج بالزعتر ملكة رمضان

#ملكة رمضان.. ارز ملون مع دجاج بالزعتر

ارز ملون مع دجاج بالزعتر ملكة رمضان

ارز ملون مع دجاج بالزعتر ملكة رمضان , معكم صديقة زاكي الشيف الموهوبة ,

المقادير

  • ارز شعلان(حسب الكميه)
  • دجاج مقطع
  • مرق دجاج
  • بهارات طعام
  • زعتر ناشف
  • ملح
  • فلفل اسود
  • ماجي
  • الوان طعام
  • كميه من زيت الزيتون

الخطوات

السلام عليكم ورحمة الله وبركاته كيفكم شو اخباركم هاي ثاني وصفه الي بنزلها ع زاكي نبلش سوا

اول شي بنحيب صينيه ونحط فيها كل البهارات يلي حكيت عنها مع البصله والثوم وزيت الزيتون ونضع قطع الجاج فوقهم ونتبلهم بتقدرو تتركوها بالتتبيله شي ساعه او ساعتين او تبلشو طبخها مباشره متل مابدكم ونضع عليها كميه من الماء ونلفها بورق قصدير وع الفرن بدها شي ساعه ونص لساعتين حسب

بعديها بكون ناقعين الرز بنغسله كويس لانه كل مانغسل كويس كل مازبط معنا بالاكل ومابعجق لانه مابدنا اياه يعجق ويفضحنا خصوصا اذا كان في عندك عزيمه ياويلي ههههههه

بعديها بنحط الرز بطنجره مع كميه من الزيت وكل كاسه رز بدها كاستين مرق دجاج وبنطبخه اكيد عارفين الطريقه

بعد مايستوي الرز ويهدى شوي بنجيب صحون حسب عدد الالوان يلي متوفره عندك وبنحط بكل صحن كميه من الرز وشويه من اللون ونقلبه لحتى يتلون كويس بعديها بنفرغ الرز الابيض ونزينه من فوق بالرز يلي لوناه زينيه متل مابتحبي وبنرتب فوقه الجاج بعد ما نحمره ونزينه بمكسرات مقليه

(احيانا بضل بصينيه الجاج صلصه مع التتبيله حطيها بصون وكليها مع الرز ياويلي ما ازكااااها)

انا هاي الوصفه بحب اعملها دايما وحبيت اشاركم فيها بلكي عجبتكم ههههههه. لاتنسو الدعاء لابني مالك بالشفاء العاجل والله يحفظلكم اولادكم من كل شر يارب.. ههههههه مش عارفه ليش بضحك مع اني مش رايقه سلااااام

عرض التعليقات (25)