صينية دجاج مع بطاطا بنكهة الثوم ودبس الرمان ملكة رمضان

38 5٬051
 

صينية دجاج مع بطاطا بنكهة الثوم ودبس الرمان ملكة رمضان

صينية الدجاج مع البطاطا بنكهة الثوم ودبس الرمان ..ملكة رمضان

صينية دجاج مع بطاطا بنكهة الثوم ودبس الرمان ملكة رمضان

صينية دجاج مع بطاطا بنكهة الثوم ودبس الرمان ملكة رمضان , معكم صديقة زاكي الشيف الموهوبة ,

المقادير

  • دجاج حسب الكميه
  • كمية من البطاطا مقطعه اصابع
  • ثوم مهروس
  • 1 فلفل حار
  • راس بصل مفروم
  • دبس رمان
  • خل
  • فلفل أسود
  • ملح
  • عصير ليمون
  • زيت ذره

الخطوات

السلام عليكم …يسعد مسااكم بكل الخير

وصياماً مقبولاً وافطاراً هنيئاً

اليووم بقدملكم وصفة ما في غنى عنها بأفطار رمضان بالأخص بالعزايم ولما نعمل تشكيله بتكون اول الحاضرين ببالنا لنعملها ..الصينيه ..والها عدة طرق لطبخها ..بس اليوم بقدملكم هالوصفه والطريقه بطعم أخر لا يوصف كثيرر زااكي وطعم مميز ومختلف ..

يلاا نشووف الطريقه سواا ..

وان شاء الله تنال أعجابكم ..

& بالبدايه بحب احكي انه هالصينيه وطريقتها المميزه من تحت ديات أمي الله يطول بعمرها ويحفظها ويحفظ امهاتكم جميعا

فحبيت انشر هالوصفه لانه طعمها راائع وممكن تكون طبق من اطباق رمضان الرئيسيه ومريحه كثير بالعزايم ..

& بنسلق الدجاج المنظف مسبقا طبعا ..وبعد ما يغلي بضيفله البصل المفروم ..وبعد هيك بضيفله كم سن ثوم مهروسين مع قرن فلفل حار مهروسين سوا بحطهم عالدجاج والريحه هون بتصير روعه

& وخلال ما هو الدجاج عالغاز ..بجهز البطاطا وبقليها … وبعد ما يستوي الدجاج تماما بنشله وبضعه بالصينيه وبضع البطاطا فوقه وعادي لو تغطى الدجاج بالبطاطا …

& بنهرس كميه من الثوم وبنضع عليه فلفل اسود وملح وخل وليمون ودبس الرمان وبنخلطهم سوا بتكون عندي خليط هو سر النكهه الخطيره

بضيفه فوق الدجاج والبطاطا بحيث يتوزع عليها بالكامل ..يعني انه اخلي هالخليط يوصل لكل حبة بطاطا والجاج ..وبضيفلها زيت ذره

& بعدين بدخلها الفرن من تحت لحتى تتسبك شوي ما بتاخذ وقت ..وبعد هيك بحمرها التحمير الاول وهي البطاطا لانها فوق الدجاج ..وبعدين بطلعها وبرفع الدجاج فوق البطاطا وبرجعه يتحمر مره ثانيه ..

& وهيك وصفتنا البسيطه والطعم حكااايه بتكون جهزت معنا ..بتمنى تعجبكم

& مرقة الدجاج طبعا ما راح نخسرها فعملنا عليها ملوخيه واوو عالطعمها قدميها مع ارز بجنب الصينيه ..والفتوش والمخللات والشطه الخضرا

شي ناااهي ..

وصحه وعافيه ..

دمتم بكل الخير

عرض التعليقات (38)