صينيه مثلثات الكلاج بالقشطه والفستق الحلبي ملكة رمضان

43 8٬314
 

صينيه مثلثات الكلاج بالقشطه والفستق الحلبي ملكة رمضان

صينيه مثلثات الكلاج بالقشطه والفستق الحلبي ملكه رمضان

صينيه مثلثات الكلاج بالقشطه والفستق الحلبي ملكة رمضان

صينيه مثلثات الكلاج بالقشطه والفستق الحلبي ملكة رمضان , معكم صديقة زاكي الشيف الموهوبة ,

المقادير

  • باكيت كلاج جاهز
  • قشطه منزليه
  • فستق حلبي او اي نوع مكسرات حسب رغبتكم
  • لدهن طبقات عجينه الكلاج:
  • كوبين سمنه سايحه
  • قطر بارد عيار القطر:
  • كاستين سكر
  • كاسه مي
  • عصره ليمونه

الخطوات

بسم الله نبدا

بالبدايه بندهن صينيه الفرن المراد استعمالها بالسمنه وبنبلش نصف طبقات الكلاج وبندهن سمنه بين كل طبقتين من ورق الكلاج

وبس نخلص عشر طبقات من تحت بنضع القشطه البارده وبنمدها منيح وبنحرص انها تكون متساويه وبنضع الفستق الحلبي بعد هيك بنرجع بنصف العشر طبقات الثانيه من ورق الكلاج وبندهن سمنه بين كل طبقتين وبس نخلص وبنثني الاطراف لتحت الطبات الاولى و بنقطعها للشكل الي بدنا ياه وتقطيها رح يكون سهل لانو الطبقات متماسكه بفعل السمنه المدهونه بيناتهم وبس نخلص بنرجع بنضيف باقي كميه السمنه الباقيه معنا وما تخافي اذا كانت كثيره لانو رح نرجع نصفيها بعد الخبز قبل اضافه القطر وبعد هيك وبنخبزها بفرن حامي مسبقا على درجه 190 تقريبا لمده نصف ساعه او على حسب الفرن الموجود

وبس يتحمرو اطرافها بنحمر وجها وبعد هيد اذا كان في سمنه زياده بنصفيها بحذر وبنضيف القطر البارد وبنتركها تتشربو منيح وبنزينها بالفستق الحلبي وتقدم بارده او ساخنه حسب رغبتكم اكيد

بتمنى تجربوها وتعجبكم ولا تنسو تضيفوها للمفضله ❤

انا هون استخدمت ورق الكلاج الجاهز لاني كنت كثير مستعجله وتعبانه وانتو اكيد اختارو المناسب لالكم

بالنهايه بتعطينا نفس النتيجه ان شاء الله

طريقة القطر كاستين سكر وكاسه مي وعصره ليمونه بنتركهم يغلو لعشر دقايق وبنبردهم قبل استعمالهم

ملاحظة: بتقدروا تعملو عجينه الكلااج بالبيت وموجود بملفي اكثر من طريقه لعملها وكلهم رووعه وكمان القشطة المنزلية سبق ونزلتها كذا مرة

تحياتي الكم جميعا رشا ام احمد

لا تنسوني من فصل دعواتكم الحلوه

كل عام وانتم جميعا بالف الف خير

عرض التعليقات (43)