سماقية حلبية ولا أطيب

40 6٬850
 

سماقية حلبية ولا أطيب

سماقية حلبية ولا أطيب❤

سماقية حلبية ولا أطيب

سماقية حلبية ولا أطيب , معكم صديقة زاكي الشيف الموهوبة ,

المقادير

  • كيلو باذنجان
  • كيلو لحمة شقف وسط
  • تلات ارباع كاسة سماق حب او ناعم
  • معلقتين كبار توم
  • تلات معالق كبار نعناع ناشف
  • اربع معالق كبار دبس بندورة
  • كاسة صغيرة عصير ليمون او ملح ليمون معلقة صغيرة
  • ملح
  • رز او كبة مدعبلة
  • بهارات عطرية لسلق اللحمة:
  • ورقتين غار
  • بصلة وسط
  • حب هال
  • رشة فلفل اسود

الخطوات

كيفكن ياوردات زاكي حبيت اقدملكن السماقية على الطريقة الحلبية ان شالله تنال اعجابكن

*بسم الله الرحمن الرحيم*

الحلو بهالاكلة انو بس جهزتي كل غراضا مابدا شي وبنفس الوقت اكلة كتيرر طيبة

اول شي عملتو حطيت اللحمة بطنجرة الضغط مع البهارات العطرية بس بلشت تغلي شلت الزفرة من ع وجها وغطيتا وتركتا حوالي ساعة تستوي وتنزل (نيفا ) كلمة سورية هههه اي قطعت البانجان قطع صغيرة بس مو كتير وقشرت توم ودقيتو ناعم وتركتو عالزيق جبت السماق وضفتلو كاستين ونص مي وتركتو يغلي عالغاز بس غلي صفيتو و اخدت المي الي طلعت منو بهالوقت بتكون استوت اللحمة

ضفت مية السماق فوق اللحمة بعد مااستوت ودوبت الدبس بندورة بكاستين مي عادية وضفتا عليهن تركتن يغلو نزلت عليهن النعناع والتوم واخر شي البانجان وتركتو يستوي اول شي البانجان بيكون طايف عالوجه شوي شوي لحالة بيهبط وهون بكون بلش يستوي قبل مايستوي بحط عليه ملح وكاسة صغيرة عصير ليمون لانو نحن منحبا حامضا شوي بتركا تتعقد ويستوي البانجان عالاخير طبعآ مابصير نحركا كتير مشان البانجان ما(ينخبص) كلمة سورية ههههه اي هون بهالوقت بدكن تعملو جنبا رز وبدكن كبة مدعبلة هلق انا بحب جنبا الكبة وجوزي بحب الرز ف بعمل الاتنين

وهي كانت طبختي لليوم ان شالله تكون عجبتكن اذا عجبتكن لاتنسوني من دعوة حلوة متل قلوبكن

عرض التعليقات (40)