img
الرئيسة / حلويات / عمل هريسة بالقشطة والطعم رووعه ملكة الحلويات الشاميه

عمل هريسة بالقشطة والطعم رووعه ملكة الحلويات الشاميه

/
/
/
2927 مشاهدات

 

عمل هريسة بالقشطة والطعم رووعه ملكة الحلويات الشاميه

هريسة القشطه والطعم رووعه ..ملكة الحلويات الشاميه

عمل هريسة بالقشطة والطعم رووعه ملكة الحلويات الشاميه

عمل هريسة بالقشطة والطعم رووعه ملكة الحلويات الشاميه , معكم صديقة زاكي الشيف الموهوبة ,

المقادير

  • 3 كوب سميد
  • كوب ونص جوز هند
  • نص كوب سكر
  • 3 بيض
  • علبتين قشطه
  • ملعقه كبيره نشا
  • ملعقه كبيره فانيلا
  • ملعقه كبيره بكنج باودر
  • معلقتين زيت ذره او سمنه
  • للقطر :
  • كوبين سكر
  • كوبين مي
  • عصرة ليمون
  • لدهن الصينيه:
    طحينيه

الخطوات

السلام عليكم ..ويسعد مساكم ..

اليوم وصفتنا هريسه بالقشطه ..والطعم روووعه

ان شاء الله بتعجبكم مختلفه تماما بالطعم عن الهريسه العاديه وتغير عن الشي المعتاد

يلا نشوف الطريقه ..

& بنبلش بالسميد والنشا وجوز الهند ببسهم بالزيت ..

وبعدين بنخلط عالخلاط البيض والفانيلا والقشطه والسكر وبضيفهم عالسميد وبخلطهم مزبوط وبضيف أخر شي البكنح باودر ..

راح يكون الخليط ثقييل هو هيك بنفرد فرد بالمعلقه ..بس ممكن اذا كان ثقيل اكتر نخففه بشوية حليب سائل يعني بنضيف بالمعلقه وبنخلط عشان ما نرخيها زياده

& بنضيف الخليط بسدر مدهون طحينيه وبندخله الفرن انا وضعتها عالرف الوسط لانه فرني حامي كتير ..ممكن وضعها عالرف الاول بس بدها انتباه ..

بعد ما يمضى عليها شوي بالفرن وتقرب تستوي بطلعها وبقطعها وممكن اضافة اللوز او الفسدق للزينه

وبرجعها تكمل سواها بعد ما يتحمرو اطرافها برفعها عالتحمير وما بتركها لانها بثواني بتتحمر

& بعدين بطلعها من الفرن وبسقيها قطر ساخن بضيفه عالمراحل عشان ما تتشرب زياده كل ما لاحظتي انها اتشربت القطر ضيفيلها لحتى تكتفي وتتشرب مزبوط

وتقدم وبألف صحه وعافيه ..

اذا كان ما راح تقدميها فورا غطيها عشان ما تنشف بعد أضافة القطر ..

أسهل وأحلى وأزكى من هيك وصفه وطعم ما في

جربوهااا .. مع فنجان قهوه من تحت دياتكم يا سلااام

دمتم بكل الخير

97 تعليقاً

  1. هلا يسعد مساكي …ويسعد وردتك ما احلاها رح اجربها واردلك خبر ….

    ««انا تحدث عندي #زاكي وصار احمر باحمر …ههه…بس شو الجديد بتحديث فهموني لو سمحتو ….وشكرا

    • مسائك سعيد ام البنات نورتيني وانتي الاحلى والأرقى ربنا يسعدك عالكلامك يلي دايما بزين وصفتي

      بالنسبه للتحديث هو تغير الشطل للون الاحمر

      والبحث بالمفضله عالوصفه يلي بدك اياها بدل ما أدوري عليها

      واشعارات بالتعليقات للشيفات اذا وصل لاي شيف سؤال او اي حدا مسجل بزاكي بكون موجود بالاشعارات يلي هي اشارتها الجرس باعلى الصفحه

  2. تسلم الايادي شكلها طيبه وناجحه وبتفتح النفس
    ربنا يقويها ام جاسم ويشفيلها ابنها ويدلها على كل شي فيه خير لابنها بنت زميلتي كانت هيك غلبتهم بالبدايه وحاليا طبيبة اسنان مشهوره عقبال ابن ام جاسم وابناءكم جميعا

  3. ما شاء الله عنك يا ام محمد وصفة رائعه وطعم بشهي يسلم هالايدين يارب.

    شكرا لكل حد سأل عني و فقدني ربي يسعدكم وتسأل عنكم الجنة يارب. وبشكركم عالدعوات الصادقة ولكم بالمثل يارب.
    انشغلت شوي بعد العيد بس راجعه ان شاء الله

اترك رداً على 🍒أم محمّد🍒 إلغاء الرد

لن يتم نشر عنوان بريدك الإلكتروني.