ارز ايراني

5 42٬423

ارز ايراني
الرز الايراني ذو الطعم الرائع وبخليط من البصل والجزر والزبيب وصفه مقدمه من المبدعه Buthayna Ghanem

ارز ايراني image

المقادير:
دجاج
مكعب ماجي
هيل حب
ورق غار
فلفل اسود حبعود قرفه
ملح
بصله
ملح
بهار
توم
زنجبيل مبروش
فلفل حار او حلو
جزر مبروش
سكر محروق
زعفران
ماء ورد

الطريقه:
دجاج مقطع ومغسول ومنضف …بنسلقو عالنار مع مكعب ماجي وشوية هيل حب وورق غار وفلفل اسود حب وعود قرفة ورشة ملح

بمقلاية كبيرة بنحط بصلة كبيرة مفرومة مع شوية زيت ورشة ملح وبهار وبس يدبل بنضيف توم مهروس وبنحركو شوي وبنضيف زنجبيل مبروش وفلفل حار او حلو وبنكمل طبخهم عالنار وبنضيف جزر مبروش وبس يدبلو بنضيف مكعب ماجي ومعلقتين صلصة بندورة وبهار مشكل ورشة هيل ناعم وبدون اضافة مية

بعدها بنضيف الدجاج المسلوق وعلية بنحط بكيت الكراميل السكر الجاهز او بنحرق معلقتين كبار سكر عالنار وبنضيفها عالجاج والخليط وبنغطي النار خمس دقايق لحتى ياخد الجاج النكهات

بنعمل الكشنة:
بصل جوانح مقطع بندبلو عالنار معو رشة ملح وبهار وبنضيفلو جزر مبروش وزبيب منقوع بماء ورد …اختياري وبنتركهم لحتى يستوو …

بنكون ناقعين رز حبة طويلة ربع ساعة وبنسلقو بمرقة الجاج ورشة ملح حسب الرغبة وبس يجهز بنصفيه من المية ..

بنحط طبقة رز وعليها طبقة جاج مع الخلطة وشوية من الكشنة اللي عملناها وكمان طبقه رز خفيفة وفوقها بقية الخلطة والدجاج والكشنة واخر طبقة رز بس وعلبها شوية زعفران منقوع بماء ورد او بودرة زعفران

وبنغطي الطنجرة بورق القصدير وبنوطي النار على اهدى حرارة وبنتر الطنجرة ربع ساعة او 20 دقيقة وبعدها بنقدمها

بتحب تشاهد وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب

عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية

عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد

احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي

عرض التعليقات (5)