باذنجان باللحمة المفرومة وصلصة البندورة بس بشكل تاني

59 6٬656
 

باذنجان باللحمة المفرومة وصلصة البندورة بس بشكل تاني

باذنجان باللحمة المفرومة وصلصة البندورة بس بشكل تاني

باذنجان باللحمة المفرومة وصلصة البندورة بس بشكل تاني

باذنجان باللحمة المفرومة وصلصة البندورة بس بشكل تاني, معكم صديقة زاكي الشيف الموهوبة ,

المقادير

  • أربع حبات باذنجان أو أكتر حسب الرغبة
  • بصل يابس عدد اتنين
  • فلفل
  • ملح
  • البهارات المشكلة المرغوبة
  • لحمة مفرومة خشنة أو ناعمة
  • صلصلة بندورة
  • زيت نباتي

الخطوات

أول شي كيفكم….وتاني شي بدي أقول إنه هاي الوصفة شوفتها عالنت وحبيتها وعجبتني وحبيت أعملها وانزلها على زاكي تطبيقنا الرائع وصدقا طلعت كتير زاكية

لأنه فعلا الباذنجان زاكي بكل حالاته

هلأ أول شي بنجيب الباذنجان ونغسله ونقطعه من النص بشكل طولي بعدين بنمسك كل جزء وبنقسمه كمان بالسكينة بدون ما نوصل لحفته كتير يعني تضل الباذنجانة موصولة ببعضها

بعدين بنفرم البصل ناعم وإذا كانت اللحمة ناعمة كتير متل الكفتة مثلا بنخلطها مع البصل وبنملحها ونبهرها ونفلفلها وبنحشي فيها الشقوق إلي عملناها بكل باذنجانة وهي نية

بس أنا هون استعملت لحمة مفرومة خشنة كتير زاكية ودبلتها شوي مع البصل وبعدين حشيت فيها الباذنجان ني كمان متل ما هو طبعا بعد تمليحها وتبهيرها وتفلفيلها ههههه

وبعد ما نحشيهم بنرتبهم ونصفهم بالصينية

وبنجيب صلصة البندورة وبندوبها مع مي وشوية ملح وفلفل و بهارات كمان وزيت نباتي شوي وبنصبه على الباذنجان والحلو بهالوصفة إنه زيتها قليل والباذنجان مشوي شوي ومش شارب زيت كتير

وبس وبنشويها بالفرن وبنقدمها مع خبز أو مع رز بشعيرية وبتتزين حسب الرغبة

بتمنى تعجبكم وتجربوها

وصحة وهنااااا

عرض التعليقات (59)