حلى الشعيرية الباكستانية حلا كثير زاكي وبارد

89 26٬485
 

حلى الشعيرية الباكستانية

حلا الشعيرية الباكستانية

حلى الشعيرية الباكستانية

حلى الشعيرية الباكستانية , معكم صديقة زاكي الشيف الموهوبة , 

المقادير

  • باكيتين شعيرية باكستانية او باكيت حسب الرغبة
  • 3 مغلفات كريم كراميل
  • مغلفين كريمة بودرة
  • باكيت قشطة قيمر
  • نص كوب حليب مكثف محلى
  • باكيت او باكيتين بسكوت شاي حسب الحاجة
  • حليب سائل او بودرة مذاب بالماء لعمل الكريم كراميل
  • لتغميس البسكوت:
  • ملعقة نسكافيه

الخطوات

السلام عليكم ورحمة الله

حلى الشعيرية الباكستانية او حلى الخشخش حلا كثير زاكي و بارد و انا شفت كثير طرق للحلا من فترة،،،، و هاي طريقتي بقدملكم اياها و معتمدها صارلي اكثر من عشر سنوات وبتمنى تجربوها و تعجبكم .

بسم الله نبدأ……

الطبقة الاولى:

بنكسر الشعيرية لقطع صغيرة و نحمصها بشوية زبدة مثل مابتحمصي الشعيرية العادية انا استخدمت كيسين شعيرية لأني بحب تكون الشعيرية غالبة عالكريم كراميل وانتو اذا مابتحبوها غالبة بتقدرو تستخدموا بس باكيت واحد وهالشي اختياري ،، المهم بعد ماتحمصت الشعيرية شلت منها مقدار كوب والباقي وزعته بالبايركس ،،، عملت باكيتين كريم كراميل بالطريقة المعتادة اللي هي كل ظرف بيحتاج كوبين حليب سائل وتحركيهم وبعدها عالنار مع التحريك وبس يغلو لمدة دقيقة او دقيقتين بتديريهم فوق الشعيريه وتحركي بملعقه خشبيه عشان ماتتكتل الشعيرية وبدنا تتشرب الكريم كراميل وتتماسك وبنتركها تبرد ..

الطبقة الثانية:

بغمس البسكوت بنسكافيه وبصفو فوق الطبقة الاولى

الطبقة الثالثة:

بعمل باكيت الكريم كراميل الثالث بس مو بكوبين حليب لأ ،،، بدنا بس كوب حليب واحد للباكيت وبس يغلي بطفي النار وبضيف باكيت القشطة ونص كوب الحليب المكثف وبحرك منيح وبديرو فوق طبقة البسكوت وبتركه دقيقة بكون تماسك بوزع فوقه كوب الشعيرية المحمصة اللي شلناه بالاول وبرجع اغمس بسكوت وبعمل طبقة جديدة منه .

آخر طبقة:

بخفق الكريمة الباودر بطريقتها المعتادة لكل ظرف انا بستخدم فنجان صغير حليب بارد كثير وبس تتماسك معي بغطي طبقة البسكوت بالكريمة وبعمل خطوط من سكر الكراميل فوق الكريمة وبحددهم بسكين عشان يعطينا منظر حلو وبعد هيك عالثلاجة مباشرة مو أقل من ساعتين .

وصحة وهنا على قلوبكم

عرض التعليقات (89)