بسبوسة الخشخش

79 8٬976

بسبوسة الخشخش

بسبوسة الخشخش

بسبوسة الخشخش

بسبوسة الخشخش, معكم صديقة زاكي الشيف الموهوبة ,

المقادير

  • كوبين سميد خشن
  • كوب حليب بودرة
  • نص كوب ماء
  • نص كوب زيت ذرة
  • نص كوب سكر
  • رشة ملح صغيرة
  • ملعقتين صغار بيكنج باودر
  • حليب محلى مكثف لتسقية البسبوسة او قطر ثقيل حسب الرغبة
  • باكيت شعيرية باكستانية
  • باكيتين قشطة قيمر

الخطوات

السلام عليكم ورحمة الله

بسبوسة الخشخش حلا كثير سهل وانا كثير حبيته وحسيتها تغيير عن البسبوسة المعتادة لأنه بنسقيها بالحليب المكثف اللي بعطيها دسامة والشعيرية الباكستانية بتعطيها قرمشة .

بسم الله نبدأ…

كثير سهلة طريقتها

اولاً:

بنخلط القشطة والسكر والحليب البودرة والزيت والماء سوا وبنخلطهم منيح

ثانياً:

بضيف السميد ورشة الملح والبكمباودر وبحركهم منيح وبحطهم بصينية او بايركس مدهون بطحينية وعلى فرن محمى 180 درجة عالرف الوسط مارح تاخذ معنا وقت بالكثير ثلث ساعه بس اتأكد انها استوت بحمر الوجة وبنتبه عشان مايحترق .

ثالثاً:

بس نطلعها من الفرن وهي لسا ساخنة بنسقيها بالحليب المكثف او القطر وممكن تخلطي قطر وحليب بس صدقاً مع الحليب المكثف ازكى بكثير وبنتركها تتشرب الحليب وتبرد بعد هيك بنقطعها وبنقدمها وصحة وهنا على قلوبكم.

ملاحظة:

طريقة الحليب المكثف المنزلي في طريقة للشيف الاخت الصديقة الغالية ريحانة موجودة بملفها مجربة ومضمونه وكثير سهلة

طريقة ثانية :

نص كوب ماء ساخن بتحطيه بالخلاط مع كوب سكر وبتخلطي لحتى يذوب السكر بتضيفي كوب حليب بودرة وملعقة ڤانيلا وملعقة كبيرة زبدة وبس يتجانس الخليط فرغيه بحافظة واتركيه بالثلاجة اقل شي ساعتين قبل الاستخدام .

عرض التعليقات (79)