img
الرئيسة / حلويات / طريقة عمل المقروطة الفلسطينية والطعم ولا اطيب

طريقة عمل المقروطة الفلسطينية والطعم ولا اطيب

/
/
/
3690 مشاهدات

 

طريقة عمل المقروطة الفلسطينية والطعم ولا اطيب

المقروطه الفلسطينيه والطعم ولا اطيب

طريقة عمل المقروطة الفلسطينية والطعم ولا اطيب

طريقة عمل المقروطة الفلسطينية والطعم ولا اطيب , معكم صديقة زاكي الشيف الموهوبة ,

المقادير

  • 3 كوب طحين ممكن نحتاج اكثر شوي حسب نوع الطحين
  • كوب سمنه سايحه
  • ثلث كوب سكر بودره
  • كوب الا ربع حليب دافي
  • معلقه كبيره حبه البركه
  • معلقه كبيره سمسم
  • معلقه صغيره محلب
  • معلقه كبيره دقه كعك
  • معلقه كبيره يانسون حب
  • مقادير حشوه المقروطه:
  • 700 غرام عجوه
  • معلقه كبيره سمسم
  • معلقه كبيره حبه البركه
  • معلقه صغيره قرفه
  • معلقتين كبار زيت

الخطوات

بسم الله نبدا

بوعاء بنضيف الطحين وكلفه الكعك وحبه البركه والسمسم والينسون والسكر المطحون والبيكنج باودر وبنخلطهم على الناشف وبعد هيك بنظيف السمنه وبنخلطهن مع بعض لما يستوعب الطحين السمنه ويتشربها بعد هيك بنظيف الحليب الدافي وبنلم العجين لم على بعض من فوق لتحت لما تتشكل عنا عجينه طريه بنغطيها و بنتركها تتريح عشر دقايق

بنحضر العجوه وبنضيفلها قرفه ومعلقتين كبار زيت ومعلقه كبيره سمسم ومعلقه كبيره حبه البركه وبنعجنهن مع بعض وبنرقها وبنفردها بين ورقتين زبده للتشكل عناا طبقه رقيقه وكبيره من العجوه بنتركها عجنب

بنيجي للعجينه وبنقسمها لقسمين

وبنرق وبنفرد اول قسم للتشكل رغيف كبير من العجينه يكون رقيق شوي بنحط عليه العجوه الي فردناها وبنلفو رول وبندحرجو على السمسم وبنضغط عليه شوي وبنقسمو بسكين لقطعه عرضها تقريبا واحد سم او اكثر متل مبتحبو لانو احنا بنحبو رقيق شوي انا قطعتهم 1سم

وبعد هيك بنصفهم على صينيه الفرن وبنخبزهم عنار هاديه تقريبا 170 تقريبا لمده نص ساعه او اكتر شوي حسب الفرن الي عندك وبس يوخذو اللون الذهبي من تحت بنحمر وجهم على الخفيف وبنتركهم يبردو ويقدم والف صحه وهناا بتمنا تجربوها وتعجبكم لا تنسوني من فضل دعواتكم الحلوه

انا ارفقت صور للمقروطه لأكثر من مره عملتهم فيهن

تحياتي الكم جميعا رشا ام احمد

129 تعليقاً

  1. تبارك الرحمن .. تسلم إيدك عزيزتي
    وصفاتك متقنة ومرتبة
    بحييك على إبداعك وطولة بالك على الشغل حتى تعطينا أفضل ما عندك
    جزاك الله خيرا🌷

  2. بسم الله ما شاء الله عليكي حبيبتي مو غريب عليكي الرونق والجمال هادا والصور لحالها بتحكي عن روعتها للوصفه ولذذتها أبدعتي رشروش اللهم بارك أللهم بارك ❤😍😙
    صحه وعافيه يا عسل ⚘

  3. تسلم ايدك حبيبتي ام احمد ابداع اول ما شفت الصوره عرفت انها شغلك الله يخليلنا اياك ويعطيك الصحه والعافيه وتضلي تتحفينا بوصفاتك الرائعه الي فعلا طالعه من ايدين معدلين وقلب مخلص
    ويخليلنا الاموره شاديه صاحبة الذوق الرفيع والتصوير الرائع

    • تسلميلي يا غاليه كلامك تاج عراسي وشهاده
      بعتز فيها الله يخليلي ياكي وما يحرمني من صحبتك يا اغلا واروع صديقه ربي يسعد قلبك ويحفظك لعيلتك يا حنونه ❤😍😘

  4. ما شاء الله
    شو هاذ حتى المقروطه غير شكل
    احنا عنا بفلسطين بنحط طبقه من العجينه وطبقه تمر وكمان طبقه عجينه وتمر …….
    بتطلع كلها طبقات روعه
    بس شغلك ما شاء الله
    انا شهادتي فيكي مجروحه
    احلى شيف 😘😘😘😘😘😘😘

  5. بسم الله وماشاءالله عنك عين الله تحرسك ياشيفتنا العظيمة والله انك يعجز الكلام عنك والله😘😘
    الله يسلم ايديكي 😙
    ويعطيكي الف عافية يارب منظرن بيشهي ماشاءالله👍😀

    • تسلميلي حبيبتي هبه وشكراا كثيير على كلامك الحلو الله يسعد قلبك ويباركلي فيكي وبمحبتك يا عسل وكلامك تاج عراسي وشهاده بعتز فيها
      ان شاء الله بظل دايما عند ثقتك وحسن ظنك ❤😘

  6. ماشاء الله عليك رشرووشتي وصفه شهيه من تحت ايديك وإن شاء الله راح اعملها على العيد وصفه سهله وتغيير حلو الله يحفظك ويحفظ اولادك يارب❤

    • اللهم آمين تسلميلي حبيبتي ام ابراهيم ان شاء الله بتعجبك والف صحه وهنا مسبقا

      نورتي الوصفه بتعليقك الي متل العسل الله لا يحرمني منك حبيبتي دينا ❤😍😘

اترك تعليقاً

لن يتم نشر عنوان بريدك الإلكتروني.