img
الرئيسة / أطباق رئيسية / طريقه عمل دجاج مندي طعم وريحه ولا أروع ملكة الأكلات الغزاوية

طريقه عمل دجاج مندي طعم وريحه ولا أروع ملكة الأكلات الغزاوية

/
/
/
3556 مشاهدات

 

طريقه عمل دجاج مندي طعم وريحه ولا أروع ملكة الأكلات الغزاوية

طريقه عمل ماندي الدجاج طعم وريحه ولا أروع ملكه الأكلات الغزاويه

طريقه عمل دجاج مندي طعم وريحه ولا أروع ملكة الأكلات الغزاوية

طريقه عمل دجاج مندي طعم وريحه ولا أروع ملكة الأكلات الغزاوية , معكم صديقة زاكي الشيف الموهوبة ,

المقادير

  • دجاجتين لتتبيلهم بنحتاج:
  • قطعه كبيره زنجبيل طازج
  • خمس فصوص من ثوم
  • خمس حبات هيل
  • معلقه كبيره بهار دجاج
  • معلقه كبيره بهار شاورما
  • معلقه صغيره كاري
  • معلقه صغيره فلفل أسود
  • معلقه صغيره سماق
  • نصف معلقه صغيره شطه
  • عصير نصف ليمونه
  • تقريبا نص كوب زيت زيتون
  • ملح حسب الرغبه
  • للحشوه البرغل:
  • نص كوب برغل
  • كوب ماء أو مرقه لو ميه بدك تحطي معلقه صغيره ماجي بودره منشان الطعم يكون أطيب
  • بصله صغيره مفرومه ناعم
  • رشه ملح وفلفل أسود
  • للحشوه البصل:
  • بصله كبيره مقطعه شرائح
  • قرن فلفل أخضر حار
  • عود روز ماري
  • معلقه من تتبيله الدجاج
  • كبده الدجاج
  • رشه ملح وفلفل أسود

الخطوات

بسم الله نبدأ

حابه أحكي إنو معظم البيوت في غزه بتعمل هالاكله ومشهوره كتير بهالطريقه كتير طيبه ونكهتها بتختلف كليا عن أي نوع فحبيت أشاركم هالوصفه وإن شاء الله بتنال إعجابكم

يتم إشعال الحطب بالبرميل لمده ساعتين هاي شغله الشباب الله يعطيهم الصحه والعافيه

بالوقت هادا أنا غسلت الجاج كويس وتركته ليتصفى من الميه

عملت التتبيله دقيت التومه مع الزنجبيل والهيل ضفت البهارات وعصير الليمون وزيت الزيتون لحصلت على مزيج يشبه المعجون أخدت منه وصرت أدعك الجاج من جوه وبره وكنت مشرحه الصدر كمان حطيت فيه من التتبيله

عملت حشوه البرغل حطيت كل المكونات مع بعض لما تشرب البرغل الميه طفيت عليه وتركته

ولتتبيله البصل حطيت كل المكونات مع بعض وأخدت معلقه كبيره من التتبيله السابقه وخلطتها معهم حشيت جاجه هيك وجاجه هيك من البطن والرقبة وكمان والافخاد وسكرتهم كويس بنكاشات أسنان وضميت رجليهم بخيط وهوون خلصت مهمتي

بعد ما صار الحطب جمرات يتم إستدعاء كل الكناين يلا هاتوا الجاج يلا ولكو يلااا ههههه منشان لازم ينحطو مع بعض بنصف الجاج على شبكه وينزل إلي مثواه الأخير والحمد لله يغطى البرميل بغطايه بتكون حديد وبعدها بنجيب بطانيه أو حرام قديم يكونو مبلولين ميه وبنغطي كويس من كل الجهات وبعدين بنحط رمل فوقهم من كل الجوانب وووبنستنا ساعه ونص لحتى يكونو إستوا وأخدو لون بجنن والصوره إلي عليها أصبع هدول جاجاتي

ملاااحظه هاااامه ؟؟؟

أنتو ملاحظين إنو الجاج كتير هادا لأنو كل العيله لما نعمل ماندي بنعملها مع بعض

يعني السلفات ودار عمي وطبعا كل وحده بتعمل جاجاتها ببيتها وبتتفن بتتبلتها وتكون على كيفها بتأكل مع رز أو بطاطا مقليه وسلطه وحمص يعني عالجهتين زااااكي

بتمنا هالوصفه اللذيذة تعجبكم وتدعولي يا قمراتي بالخير والعافيه

وصحه وعافيه بحبكم أنا

107 تعليقاً

  1. يعطيك العافية ويسلموا ايديك..

    طريقة الطبخ عنا اسمها زرب…

    كتيير طيبة بتعطي نكهة تانية للأكل سواء كانت الطبخة لحوم او ارز .

  2. ما شاء الله تبارك الرحمن يسعدك ويسعد طريقه شرحك يا قلبي هههه صديقيني يا ام مصطفى عشت كل لحضه معك من اول مولعتو النار بالبرميل لحد مستوت الجاجه وقديمتيها عنجد ما شاء الله الله يحفظ عيلتكم ويوفقكم جميعا وتظلو تعملو اطيب اكلات سواا
    الف صحه وهنا
    فالك الفوز ان شاء الله ❤😘😍

    • يا عمري تسلميلي يااارب كلامك عسل يااااعسل😍
      كنت كاتبه مقدمه أكبر بكتير بس للأسف ما راحت الوصفه ورحت كتبتها كمان مره وإقتصرت هههههه فذهبت 😄😁
      يااااارب أنا وأنتي إن شاء الله ❤

  3. اللهم بارك ..
    ربي يعطيكم العافية جميعا من إخوان وسلفات وبيت احما كامل
    ربي يوفقكم ويجمعكم على الخير والمحبة دائما ويألف بين قلوبكم
    يسلم دياتك غاليتي تصوير رائع وشرح وافي ..
    جزاك الله خيرا🌹
    وصحة وعوافي على قلوبكم
    وهذه الطريقة في الطبخ معروفة باسم (زرب)😊

  4. يسلملي المرتب والطباخ ياناس والله شو ماقلت قليل بحقك ياعمري😀
    الله يسلم ايديكي ويحفظك ويرزقك الذرية😀 الصالحة ويعطيكي الف عافية ماشاءالله بيشهو الجاجات من تحت ايديكي ياعسل

    والله يديم اللمة الحلوة ويجعلكن دايمن لبعض ويعل الوفق والسعادة دايمة بيناتكن😚😚

  5. تسلم ايدك حبيبتي وايد الشباب والصبايا ربنا يحميكم ويزرع المحبه بينكم شكلهم بشهي الله يعطيكم العافيه ان شاء الله تعيشي وتشوفي مصطفى بشعلك الزرب ويقلك يلى يا امي هاتي الجاحات اشويلك اياهم
    الزرب معروف عنا في الاردن في البيوت والمزارع وكثير اكله طيب

  6. ما شاء الله تبارك الرحمن المنظر بيشهي يسلم دياتك حبيبتى والله انك مبددددعة الله يحفظك ويحميكي ويخليكي لأهلك ويا ريتني بقربلك واذوق هالأكلات الطيبة من تحت دياتك هههههههههههههههههه ♥️♥️♥️

  7. يا عيني يا عيني شو هالابداع يا مبدعة جد اشي بشههههههههههي كيف من تحت دياتك اكيد اطيب 👏👏👏👍
    هاد عنا بنسميه زرب بنحط رز وجاج في البرميل بس شو الطعم بطلع خرافي يسلم هالايدين وصحة وهنا يا رب 💖💖💞💞💞

  8. يا عيني ياعيني ربي يسلمهم هالدياااات المعدلااااات منظرها بشهيييي وبفتح النفس تبارك الرحمن ماشاءالله عنك يانواره😋😘🌹💞

  9. عنجد عنجد انا زعلانة ول بتاكلي كل هدول لحالك بدون ما تطيريلك وحدة علية انقرش عليها الله يسامحك بس هههههههههههه😂😂😂😂😂😂😂😂
    ريتو الف صحة وهنا يا عمري يسلمهن هالايدين يا رب😙😙😙😙😙😙😙😙

  10. اااااه شفت الأصبع.. بشهوا جاجاتك .. إن شالله بيسلموا هالإيدين ياعمري على هالإبداع.. والله يديم المحبه والوفق بينكم وبين جميع الناس
    وصفتك روووووووعة 💖💖

  11. اللهم بارك شكل مشهي وربنا يباركلكم باللمة الحلوة ويحفظكم ويحفظ اخواننا بغزة وينصرهم ويكون عون لهم .
    عن جد من ازكى الاكلات التراثية اكلة الزرب وبتوقع موجودة بنطاق واسع بأغلب البلدان

  12. ماشاء الله المنضر ولا اروع من هيك
    اشي بيفتح النفس يعطيكووو الف عافيه
    وصحتين وعافيه علي قلوبكم يارب
    الله يزيد المحبه بينهم😍😍
    ججاتك مبينين عن دون الججات ههههههه بشهووووو 🤤🤤

  13. ماشاءالله اللهم زد وبارك
    جمال لايوصف هذه الأكلات التراثية اللي تشبع الفكر والعين وتعطي الطعام حقه من الأهتمام
    الله يجعله عافيه على أجسادكم وقوه في مواجهة أعدائكم يا أهل غزة الكرام
    أبدعتي وأبدعتي وأقنعتي الله يحفظك أم مصطفى ويعطيك ويهبك كل ماتتمني بحق لا إله إلا الله .

  14. ماشاء الله اشي طيب هاد زرب بنعمله لما نروح على مزرعه اهلي واحلا اشي اللمه مع بعض عند الاكل الله يديم المحبه يارب عند الجميع والجاجات متحمرات وبشهو الله يباركلكم يارب 💕❤💕❤🌸💓

  15. ما شاء الله ..رووووعه وشكلهم بشهي صحه وعافيه عالقلبكم جميعا ويعطيكم العافيه
    ولا احلى من هيك طبخه ولمه وجوها حلوو
    تتهنو يا رب
    طلع عندكم بغزه المندي مختلف عن يلي بنعرفه من الاكلات الخليجه..حلو عرفتينا عالاسم الزرب عندكم ..
    الله يريح بالك ام مصطفى ويفرحك بمصطفى

  16. جماااااااال غير عادي ماشاء الله تبارك الرحمن شي بهبللللللللللل والله😍
    متخيلة نكهتو حاجة محصلتششششش
    اي يسعدلي المبدع واكلاتو الطيبة انا اي هههههه
    يعطيكم الف عافية والله هي النكهات الاصلية 😋😋
    ان شاء الله الف صحة وهنا احلى كنة😁
    ولكو هاتي قطعة😂

    • هههههه حبيبت قلبي والله كلامك عسل تسلميلي يااارب كنت مستنيه تعلقيك والله وذكرتك بوصفات تاااانيه😁❤😙
      فعلااا طعمه راائع ومميز تمنيتك معي ربي يحققلك شو ما بتتمني ويجبر خاطرك بكل شئ حلو بالدنيا⚘😙

    • هههههه اعترفي تمنيتيني معك قبل الأكل ولا بعدو😂😂
      يسعدلي قلبك يا عسل ما انحرم منك وربي يكرمك بالذرية الصالحة اللي تسر قلبك وخاطرك😍

      وين ذكرتيني بوصفات تانية قري واعترفي😒

  17. كيف هيك 🙄🙄🙄

    طب هو هاد بيصير 😨

    هاللكلات الزاكيه بدوووني ول طول نهارك قلبوشي وحبوشي واخر اشي بتحشي لحالك 😔😔😔 ومخبيه الاكلات الزاكيه الك 😔😔😔

    مش قادر استحمل المنظر كيف لو اذوق ولا اشم الريحه ع قلبي السلام ✋✋✋

    ههههههههه 😂😂

    تسلم ايدك ياعمري بتششششهي والله بيجننن ⁦❤️⁩⁦❤️⁩⁦❤️⁩⁦❤️⁩

    • ههههههه يسعدهااا حبوووشتي ما ألذك ما شاء الله عليكي حبيبتي وأنتي كمان أكلات بشهوووو وزاكين ما شاء الله ❤😍
      وديادك يااارب يسعدك ويحفظك لأولادك وتشوفيهم احلاااا عروسه وعريس ياااارب⚘😙

  18. ماهذا يا فتاة 😱😱اريدُ من هذا الطعام وإلا سأصاب بالجنون

    ام مصطفى شو هل إجرام شو عافله بالجاجات يا حرام عليك انت بتعذبيهن ولا بتعذبينا 😭😭
    يا عيني ع الزكاوا😋😋

اترك رداً على ام البنات إلغاء الرد

لن يتم نشر عنوان بريدك الإلكتروني.