يبرق ملكة الأكلات السورية

123 11٬806
 

يبرق ملكة الأكلات السورية

يبرق ملكة الاكلات السورية

يبرق ملكة الأكلات السورية

يبرق ملكة الأكلات السورية , معكم صديقة زاكي الشيف الموهوبة ,

المقادير

  • كيلو رز
  • كيلو ورق عنب يبرق
  • نص كيلو لحمة ناعمة مع دهنة
  • فروجة كاملة او فخاد فروج او لحمة بعضما حسب شوبتحبو
  • شي خمس روس توم وكل ماكترو بيطلع اطيب
  • نص كيلو كوسا
  • للمرقة:
  • ملح
  • نعناع ناشف
  • لتتبيلة الرز:
  • معلقة كبيرة ملح
  • معلقة صغيرة فلفل اسود
  • معلقة صغيرة نعناع ناشف
  • معلقة صغيرة ملح ليمون
  • نص كاسة زيت نباتي لانو بيخلي الرز يتفلفل اكتر من السمنة

الخطوات

اجمل ما قيل عن اليبرق

من اجمل ما قيل عن ورق العنب

يا يبرق مع العصاعيص ياحبي وتحتك دهن شرحات متخبي

والتوم والنعناع اتسوسح انا من الريحة

ااااااخ ولي على قلبي والمرقةعم تنضج بحامضها وعم العط شفايفي تصبيرة

وكم يبرقاية اتفزرت

واتسقسقت

وانبحتت الرزات بدربي

يا يبرق سوريا كرمالك انا بفخر بكوني مواطن عربي

جاية ع بالي قول

انا بحبك

انا بعشقك

بكل اللغات الشرقي والغربي

يلا استوي وحققلي حلمي

لقد نضج يافرحتي وسعدي ياعمري ويا طربي

هاتو الخبزات والطنجرة كلها

وبعدولي مابدي حدا جنبي لا ستي ولاجدي ولاعمي

عم امضغ العصعوص واليبرق سواا

شوهاد النعيم ياربي اذا رحت فيها بعدا فدواااا لهلأكلة الي لحنت تصف جنبي هههههه

*يسعدلي كل اوقاتكن حبيباتي

في كتير طرق لليبرق او الدوالي وهي الطريقة اغلبية اهل سورية بيعملوا يلا نشوفا وقلولي طريقتكن*

♡بسم الله الرحمن الرحيم ♡

{اول شي عملتو غسلت الرز بعد ماكنت ناقعتو ساعة

وحطيت اليبرق عالغاز لحتى اغليه غلوتين قبل ماابلش بلفو }

{وجبت الجاجة بعد مانقعتا بالخل ساعتين غسلتا ونضفتا وحطيتا بطنجرة مع المطيبات العطرية وخليتا تاخد كم غلوا عالغاز لحتى تروح زفرتا هلق انتو بتحسنو تبدلو بين الفروج وتحطو لحمة بس اناعيلتي بتحب الفروج اكتر }

{جبت الرز وتبلتو بتتبيلتو وحطيتو عالزيق غليت الورق كم غلوا وصفيت المي وحطيتو عالزيق

انا بحب اضيف كوسا معو اذا مابتحبو الغو الفكرة بس طعم الكوسا شي خياااااالي}

{قطعت الجاجة وصفيتا بطنجرة وحطيتلا فلفل اسود وورقتين غار}

{بلشت بلف اليبرق متل مابتعرفو بس انا قللت كمية الرز بقلب الورقة لانو الرز رح ينفش وبيجوز تنفزر اليبرقة لفيت كل اليبرق وصفيتو بطنجرة وماتركت مساحة بينن لحتى ماتفتح الحبة

وحشيت الكوسا بنفس التتبيلة وصفيتا معن حطيت النعناع وملح وملح ليمون والتوم فوق اليبرق وحطيت صينية قد حجم الطنجرة لحتى مايطوف اليبرق عالوجه ويتفتح وحطيت تقلا عليه وحطيتو عالغاز وضفتلو مي لغمرتو تركتو عالعالي اول عشر دقايق بس بلش يغلي وطيت وتركتو عنار هاااااادية اخد معي خمس ساعات نحن بحلب منتركو اكتر من هيك فلا تسترغو الله يرضا عليكن كنت كل ساعة اطلع عليه واشوف المي اذا ناقصة ازيدا واكيد ادوق هههههه وقبل ماستوي بشوي ظبطت ملحو وحمضو وبعد مااستوا صفيتو فورآ وتركتو كم دقيقة وصفيتو بالصحن }

~وهي كانت وصفتي ان شالله تكون عجبتكن وقلولي اذا طريقتكن متل طريقتي ~

♡والف صحة وهنا ♡

عرض التعليقات (123)