ام خرزة

50 8٬300
 

ام خرزة

ام خرزة

ام خرزة

ام خرزة , معكم صديقة زاكي الشيف الموهوبة ,

منقول #

بما انه الخميس بذكرني بالحفلات والاعراس…خصوصا يوم عرسي التاريخي…

تعالوا اقلكم شو صار

بلش يومها لما وصلنا (ختيبي) سابقا..لباب الصالون وراح…..احنا علی أساس حاجزين عند احسن كوافيرة. ..طلعنا علی الصالون والا صوت قرآن وهدوووء…شووو في؟؟؟؟

.وإذ ولاد عم صاحبة الصالون عاملين حادث ومتوفيين واعتذروا منا…طيب شو نعمل؟؟..وين ارووووح؟؟؟ بدي اتجوووز

..أختي الفهمانه قالت في صالون قريب..تعالوا نلحق نروح عالبدري..وحملنا كيس هالبدلة ومشينا للصالون الثاني…وشرحنالها الوضع…هي شافت وضع حواجبي وافقت علی طوول لظروف إنسانية فش مجال

…..وبلشت طراشة في وتحط مكياج لحد ما صار راسي ثقيل..يعني توزنت قبل المكياج طلعت 54..وبعد المكياج 55 ونص…كيلو ونص مكياج

وجهزتني وقعدت علی جنب …وكل شوي تطلع علي وفي اشي مش عاجبها…بعدين شكله ضميرها أنبها علی عمايلها معي. أجت وحطتلي خرزة علی شفايفي..وهيك إكتمل جمالي بنظرها…..

وروحت انصمدت..طبعا لا صالة ولا سخام…علی طاولة خشب عليها نص مليون ولد..غير خوات العريس وخالاته وفي ختيارة ظهرها بوجعها قعدوها عالطاولة..وأنا بينهم غرييييق مثل الصوص المفعوص…و خايف علی خرزتي توقع…

وشرف العريس. فأنا وقفت استقبله وحطولي الطرحة علی وجهي….وحطوله كرسي تشعبط عليها وطلع عالطاولة….والمسكين جاي مبسوط ومفكر انه بس يرفع الطرحة رح تطلع أشعة ضياء من وجهي…هو رفع الطرحة من هون…و….

في حد متابع اكمل؟؟

هو شافني ورجع نزل الطرحة..سلام قول من رب رحيم

..لا تآذونا ولا نآذيكم…تحول وجهه من هيك..الی هيك..ظله علی صفنته الحزين..وقعد علی الكرسي لا من ثمه ولا من كمه…..و بلشوا يغنولنا::

طير أخضر علی شلحاتك يا هدی طير…..مبروكة علی عريسك وقدامك خير

يعني هالاغنية لو سمعتها بغير وقت كان قلبت علی ظهري من الضحك..بس ظليت صامة شفايفي..لييييش؟؟ خوف توقع الخرزة..والعريس سيجارة ورا سيجارة…اكيد كان بصمم خطة للهروب التكتيكي ..انا لو محله ببطل…

وصار وقت ننزل ونروح علی دارنا..بس من العادات عنا انه العريس يرش عطر علی النسوان…طال قنية هالعطر ووقف يرشرش…طلعت خالته بخلقته..قام طسها بنص وجهها عمی ضوها..صارت تصيح وتولول…..

كملت علی راسه…ما بكفي في زومبي جنبه…كمان عمی خالته…بس عالسريع نزل عن الطاولة وانا لاحقته….شكله بقی بدو يركض ويشرد..بس وييييييين يااابا؟؟..عريييييس يا بووووي..ماسكه بجاكيته ما بفلته لو علی قطع رقبتي

وهكذا اتدبس المسكين وخلص العرس وأهم ما نتج عنه::

اولا:قبرنا ولاد عم الكوافيرة

ثانيا:خلصنا المكياج بالصالون الثاني

ثالثا:سببنا شلل اطفال للزلمة

رابعا:عمينا ضو خالة العريس

اخيرااا..حتی الطير الأخضر الي علی شلحاتي..صابه أنفلونزا طيور

وأهم اشي ظلت صامدة الخرزة….وطلعت إشاعة انه طول العرس وانا مبومة ههههههههه

عرض التعليقات (50)