طاجن اللحمة بالخضار

29 6٬007
 

طاجن اللحمة بالخضار

طاجن اللحمة بالخضار

طاجن اللحمة بالخضار

طاجن اللحمة بالخضار, معكم صديقة زاكي الشيف الموهوبة ,

المقادير

  • حبتين كوسا
  • حبتين بطاطا
  • نص راس زهرة صغير
  • حبة فليفلة حلوة لون أحمر
  • حبة فليفلة حلوة لون أخضر
  • حبتين باذنجان
  • بصلتين
  • أربع سنان ثوم
  • لحمة قطع راس عصفور
  • حبتين بندورة
  • معلقتين مية بندورة
  • ملح وفلفل أسود
  • زيت نباتي

الخطوات

طبعا هالاكلة كتير زاكية وكلها فوائد لأنها بتحتوي على خضروات كتير يعني ممكن إضافة خضار تانية حسب الرغبة والمتوفر غير إلي استعملتهم متل الجزر والبروكلي أو غيرهم

المهم هلأ التحضير بنقشر البطاطا وبنقطعها قطع كبيرة شوي والباذنجان وبنقشره ونقطعه والكوسا والزهرة كمان الفليفلة بقطعها شرحات رفاع

هيك جهزنا الخضار

بنيجي للبصل بقطعه شرحات وبقليه بالطنجرة والثوم شرحات بضيفه عليه وبحط اللحمة تتقلى معه بعد ما سلقتها شوي منشان استخدم مرقتها بعدين بقلي كل الخضار نص قليه وبضيفها وبقطع البندورة بعد تقشيرها قطع كبيرة وبحط من المرقة وملعقتين مية البندورة وفلفل وملح تغلي شوي وخلص بطفي تحتها بتكون تجانست وتسبكت مع بعض وبقدمها لذيذة

وصحة وهنا

عرض التعليقات (29)