طريقة عمل المقدوس
تحرير طريقة عمل المقدوس
طريقة عمل المقدوس
المقادير
- باذنجان صغير ثلاثة كيلو
- راسين ثوم
- فليفلة حلوة خضرا و للي بيحب فليفلة حارة أو شطة أنا هون ما استعملت الحار
- جوز قلب (عين جمل)
- ملح
- معلقة خل
الخطوات
مخلل المقدوس من أشهى المكبوسات بيشهي وبيفتح النفس و عالفطور بيكون روعة
أول شي بنقطع الجزء الاخضر من الباذنجان وبكون حاطة طنجرة فيها مي عالغاز منشان تغلي و نسقط فيها الباذنجان بعد ما نخلص بنخليه يغلي من عشر لخمس عشر دقيقة بس مش اكتر منشان يضل محافظ على شكله و ما يذوب
بعدين بنطلعه و نبرد يا إما لحاله أو بمي باردة بنصبها عليه
بمسك كل حبة باذنجان و بعمل فيها شق صغير بحط فيه ملح و بملحه كله و بصفه بعدين بمصفاية و و بحط عليه ثقل ليصفي ميته لثاني يوم
ثاني يوم بجهز الحشوة بفرم الجوز والثوم بقشره وبفرمه وبفرم الفليفلة ناعم كمان وبخلطهم ببعض وبضيف ملح ومعلقة الخل وبحشي الباذنحان بهالحشوة الزاكية وبصفطه بالمرتبان وبعد ما اخلص كمان بقلب المراتبان على صينية أو شي ليصفي كمان ميته ومية الحشوة كمان لتاني يوم
وتاني يوم بحط زيت زيتون مخلوط بزيت نباتي بيكون أفضل وبسكره وبنتركه شي أسبوعين ممكن يكون جاهز للأكل واستمتعوا باللذاذة
وصحة وهنااااا
يا سلام يسلمو ايديكي يبين شكلو زاكي
يسلمو ايديكي حبيبتي وصحة وعافية يا رب
يسلم اديك روعه ما شاء الله تبارك الرحمن
ما شاء الله عليكي حبيبتي رووووعه وكتير زاكييييي سلمت يداك يا رب 🌹😍
ماشالله يعطكي العافيه
انا من عشااق المقدوس يسلم ايديكي
ما شاء الله شكله بيشهي يسلمو اديكي ويعطيكي العافيه.
بس ليش بتفرمي الثوم بقشره؟
كيف بقشره أنا هيك حكيت لاء قصدي بقشره وبفرمه
اااه هههه قرأتها بقشره يعني مش مقشر
سوء فهم شكله يسلموو اديكي يا رب بشهوا مكدوساتك.
زاكي وعالمفضله🌸🌸💖💖
تسلم ايدم شكله لزيز
تسلم ايدك شكله لزيز
صحة وهنا.. يسلموا إيديك 💞
تسلم ايدك حبيبتي بشهوا نفس طريقتي بس اهم شي ما نضغط المرتبان للاخر حتى ما يضل يسيل الزيت منه
روووعة ماشالله تسلم ايدك
ماشاء الله
بجنن يسلمو ايديكي
بموووووت عليه😍
ربي يباركلك ويسلم هالانامل ياعمري شكلهم بشهييييييي والله وخاصة انو البيتنجان كتكوت صغير اللهم بارك مو سفينة متل اللي عنا 😂😁
ههههههه الله يسعدك ويسلمك حبيبتي نور قال بيتنجان سفينة ههههه
يسلمو اديكي ورده ما شاء الله عنك بشهوو
صحتين وهناا 😘😘
يعطيك الف عافيه ويسلم هالايدين مكدوسات بشههو
تسلمي حبيباتي الله يبارك فيكم يا حلوات
ههههههه 😂😂😂😂
يسلم ايديكي شكلهم روعة صحتين وعافية يا رب 👍👏👍👏👍👏
يعطيك الف عافيه
يَلهوي يَلهوي😍😍😍😍😋😋😋😋
المكدوس عشق عشق عشق… تسلم الأيادي إن شاء الله حبيبتي يا مبدعه ماشاءالله عليكي
بألف صحة و هنا عليكم يا رب
ما شاء الله يسلمو حبيبتي بشهي
ماشاءالله
صحه وعافيه عليكم .
ما في أطيب من المكدوس وزاكي في كل وقت يم يم رايحه اكل مكدوسه يسلمو ايديك ويعطيك العافيه😘😘😘😘❤🌸
يسلم ايديكي ياوردتنا الحلوة الي بيطلع كلشي من تحت دياتا غير
منظرن بيشهي اللهم بارك😘
تسلم ايدك يا أحلى وردة عوافي الهنا
مممممم بشهي يسلموووو هالايدين حبيبتي يعطيك العافيه يارب العالمين 👍 👍 👍 👍 👍 👍 👍 👍 👍 👍 👍 👍 👍 👍 👍
صحتين وعافية يا وردتنا
ما شاء الله .. بشهي
ع المفضلة اكيد يسلمو