img
الرئيسة / أطباق رئيسية / طريقة عمل المقدوس

طريقة عمل المقدوس

/
/
/
2522 مشاهدات

طريقة عمل المقدوس

طريقة عمل المقدوس

طريقة عمل المقدوس

طريقة عمل المقدوس, معكم صديقة زاكي الشيف الموهوبة ,

المقادير

  • باذنجان صغير ثلاثة كيلو
  • راسين ثوم
  • فليفلة حلوة خضرا و للي بيحب فليفلة حارة أو شطة أنا هون ما استعملت الحار
  • جوز قلب (عين جمل)
  • ملح
  • معلقة خل

الخطوات

مخلل المقدوس من أشهى المكبوسات بيشهي وبيفتح النفس و عالفطور بيكون روعة

أول شي بنقطع الجزء الاخضر من الباذنجان وبكون حاطة طنجرة فيها مي عالغاز منشان تغلي و نسقط فيها الباذنجان بعد ما نخلص بنخليه يغلي من عشر لخمس عشر دقيقة بس مش اكتر منشان يضل محافظ على شكله و ما يذوب

بعدين بنطلعه و نبرد يا إما لحاله أو بمي باردة بنصبها عليه

بمسك كل حبة باذنجان و بعمل فيها شق صغير بحط فيه ملح و بملحه كله و بصفه بعدين بمصفاية و و بحط عليه ثقل ليصفي ميته لثاني يوم

ثاني يوم بجهز الحشوة بفرم الجوز والثوم بقشره وبفرمه وبفرم الفليفلة ناعم كمان وبخلطهم ببعض وبضيف ملح ومعلقة الخل وبحشي الباذنحان بهالحشوة الزاكية وبصفطه بالمرتبان وبعد ما اخلص كمان بقلب المراتبان على صينية أو شي ليصفي كمان ميته ومية الحشوة كمان لتاني يوم

وتاني يوم بحط زيت زيتون مخلوط بزيت نباتي بيكون أفضل وبسكره وبنتركه شي أسبوعين ممكن يكون جاهز للأكل واستمتعوا باللذاذة

وصحة وهنااااا

طريقة عمل المقدوس
طريقة عمل المقدوس

34 تعليقاً

اترك رداً على 💖نور أحمد💖 إلغاء الرد

لن يتم نشر عنوان بريدك الإلكتروني.