img
الرئيسة / سلطات و مقبلات / البيض بطريقة جديدة وسهلة الكم ولأطفالكم ملكة الإبداع

البيض بطريقة جديدة وسهلة الكم ولأطفالكم ملكة الإبداع

/
/
/
2668 مشاهدات

 

البيض بطريقة جديدة وسهلة الكم ولأطفالكم ملكة الإبداع

البيض بطريقة جديدة وسهلة الكم ولأطفالكم _ ملكة الإبداع

البيض بطريقة جديدة وسهلة الكم ولأطفالكم ملكة الإبداع

البيض بطريقة جديدة وسهلة الكم ولأطفالكم _ ملكة الإبداع, معكم صديقة زاكي الشيف الموهوبة ,
مرحبااااااا وردات زاكي الحلوات بصراحة المسابقة الجديدة استهوتني كتييير لما فكرت بشو بدي شارك تذكرت اني شاركتكم شوي من طرق الترتيب بمسابقة ملكة التنظيم فرجعت لميداني الحبيب هههه وقررت اعمللكم وصفات بس بطرق مميزة وغير معتادة لتبهرو فيها أهل بيتكم واللي حواليكم ولنجدد شوي بوصفاتنا وطريقة تقديمها والله يستر من الجاية هههه
حبيت بلش بالبيض لأنو مني وعليي مو كتير صحبة معو وأكيد في قسم منيح من الولاد متلي مدري انا متلهن ههههه لهيك خلينا نغير شوي عن البيض المتسطح بالصحن متل اللي طالع من شي معركة ويلا نشوف المقادير

المقادير

  • بيض
  • برش مرتديلا
  • برش قشقوان
  • رشة ملح
  • فلفل أسود
  • ممكن بابريكا أو زعتر أخضر
  • أي خضار بتحبو تقدموها
  • ملعقة حليب لكل بيضة (اختياري)

الخطوات

☆بسم الله الرحمن الرحيم☆

أول شي رح نجهز برش المرتديلا والقشقوان وأي خضار حابين نضيفها

ومنخفق البيض عادي ومنضفلو شوية ملح والبهارات والحليب اذا حبينا

منحمي المقلاية بعد مانحط فيها شوية زيت أو زبدة ومنحط شوي من خليط البيض على نمط الكريب مثلا بحيث يتكون عنا طبقة رقيقة شوي

منخليها تستوي من الطرفين بدون ماننشفها زيادة ومنشيلها عجنب ومنكرر الخطوات لتخلص كمية البيض

منقطع البيض لشرايط ومنحطو بالصحن بشكل عشوائي وملفلف ومنرش القشقوان والمرتديلا بين شرايط البيض وعالوش

حاولو تشتغلو بسرعة شوي مشان مايبرد البيض ومشان القشقوان يسيح شوي ولأني جعت كمان هههههه

بتمنى تجربوها الكم ولأطفالكم وتحبوها وتدعولي بالبركة وتدعولي اتوفق بهالسلسلة وبحبكم كتييير أنا

نلتقي في الحلقة القادمة إن شاء الله ههههه

107 تعليقاً

  1. زاكي كتير كتير كتير
    بصير وهي عالنار نحط كل الأغراض شي ورا شي صح ولا لأ
    .. نور بالله بس يخلصو هالسلسلات والمسابقات وصليلي صوت انه بدنا مسابقة لوصفات الإفطار لو سمحتي
    تسلم ايدك 💖

    • بصير ياقلبي ليش لأ
      بس انا حبيت شرايط البيض مايكون علقان فيها شي لهيك عملتن لحالن واكيد بتقدري تعملي متل ماحكيتي😄
      ومن عيوني التنتين انتي كمان اكيد فيكي تقترحي عالادمن موضوع مسابقة الفطور
      كلنا هون متل بعض صفوءة العسل😍😘

    • حبيبة قلبي يا نور الله يسعدك .. ويكرمك
      لما أفضى واعمل ايميل جديد لأنه القديم مو قبلان يعمل ملف الي أنزل وصفات .. انتي وصلي صوت مبدئيا لوصفات الافطار
      ولك نور .. والله النسكافيه خيلة مع بودرة الشوكولا ههههههه انا إدمان نسكافيه بس مع الشوكولا أشهى وأرقى صار 😀

    • أمر عيونك يا ضنايا يا صفصف هههه
      ابقي قوليلي شو بتحبي دلع لاسمك 😄

      😂😂 والله بيعجبني حماسك كتير
      فورا مجربة الخلطة😂
      يسعد قلبك ما ألذك وأروقك اللهم بارك
      ريتو صحة والف هنا لكن هي صرنا تنتين😁😆

    • هههههه يا حبيبة قلبي والله بضحكيني وهيك بفرفش وبنبسط بحكياتك ..
      دلعيني يلي بدك اياه بس صفصف اكتر الناس بتناديني فيه اخواني الأصغر مني بحكولي صوص أولادي بنادوني ماما صفاء ههههه خصوصا الكبار بكونو بدهم اشي مني أشرار هم توأم بالروضة وهيك بطلت اقدرلهم بخططو وبوقفو مع بعض ضدي ههههه شو بدي احكيلك معركة الله يطعمك متلهم لتعرفي ان الله حق ياااا رب ..
      اه والله الشغلة المنيحة ما بدها تأجيل مباشرة شفت هالتعليق رميت التلفون هيك طاااار بالهوا وعالمطبخ اخترت مج ملون وعملت الخلطة مباشرة بشهيييي 😊

    • ههههههههههه يا الله شو خارقين نحنا وقمة النشاط بتجريب الأكل والشرب😂
      ان شاء الله على طول ضحكانة ورايقة صفصوفة 😄
      ماشاء الله تبارك الرحمن عندك توم وبنبونات كمان😀😍
      يا كووووتي انا عاللذاذة
      أكيد بتلبسيهن متل بعض مو ههههههه
      الله يحميلك ياهن ويفرح قلبك فيهن وتشوفيهن أحلى صبايا ياااارب

    • ههههههه انو صبايا عندي بنت وحيدة بس عمرها 5 شهور جديد جبتها الباقي أشرار أولاد ههههه
      يا حبيبة قلبي اه والله هلكت هلكان طلعو عيوني لحد ما شفتهم بالروضة بس كلو بهون بس تشوفيهم بكبرو الله يحفظهم .. آه بلبسهم نفس الاشي ههههه والناس بتحتار فيهم بشبهو بعض كتير ..
      الله يطعمك يا نور ما في اشي مستحيل على رب العالمين انا بس تزوجت طولت شويات لحملت وبعرف الشعور منيح
      وبيوم عرفة كان والله دعيت الله أنه يعطيني توأم وصرت ابكي وابكي انجنيت ههههه وبعدها بشهرين هيك انا نسيت الموضوع وطلعت حامل انصعقت .. طول الأشهر الماضية وانا أعد وأحسب واستنى وما يصير شي لحد ما نسيت الاشي اجى ركاض سبحان الله
      الله كريم يا نور والله وبستجيب الدعاء

    • هههههههههه لك انا مابعرف ليه راح مخي دغري للبنات وقت قلتي توم أخدني الحماس😂
      تبارك الرحمن ربي يحفظلك ياهم وتشوفيهم من الصالحين ياعمري ويحميلك الأمورة الصغنوتة لكن ههههه
      من هيك مشاكسين لكن طلعو صبيان ههههه
      والله الحق معك اذا هيك 😂
      الله يقويكي ويكون بعونك
      وماشاء الله عنك ياقلبي الحمد لله رب العالمين أكرمك ورزقك هالعساسيل😍
      قدرة رب العالمين فوق كل شي
      ربي يقر عينك فيهم ويضلو يعملولك أحلى مغامرات ههههههه😁

    • أما بالنسبة الي فالله يخليلي ياكي ومايحرمني هالحنية
      التأخير بالنسبة النا مقصود والله لحد الآن لأنو في شغلة عم اعملها لازم تخلص قبل مافكر بالبيبي ومو عرفانة كيف قلك ياها بمكان عام😆😁
      مع هيك أكيد بشتاق وبينطف قلبي عالبيبي وبرجع بقول ان شاء الله فترة وبتمر وبصير الوقت مناسب❤
      وأكيد كل شي بإيد رب العالمين سبحانه
      الله يكرم كل مشتهي بالذرية الصالحة ولا يحرمنا ياها❤

    • حبيبة قلبي يا نور والله العظيم انبسطت من الحكي كأني مبسوطة لإلي ..
      يا رب الله يتمملك الشغلة على خير هههه شو ما كانت طبعا مكان عام ولا شو ههههه وتفرحي بخبر حملك عن قريب يا عسولة ..
      ربي يسعدك سعادة الدارين يا قلباتي .. اكيد الله دائما ببعث الخير والله يا نور
      ربي لك الحمد حتى ترضى
      خليكي مبسوطة على طووول يا حبيبة قلبي 😄

    • عيونك الحلوة اللي بتشوف كل شي حلو يا غالية
      ربي مايحرمني طلتك اللطيفة وكلماتك العسل😍

      ممنونتك من كل قلبي على ثقتك زكتير فرحتيني انك جربتيها وحبيتيها
      والله هاد اكتر شي ممكن يسعدني اني لاقي حدا مستفيد من هالوصفات😀😘
      حبيبة قلبي ان شاء الله الف هنا وعافية
      شوقتيني شوفن للأصابع هههههه

  2. ربي يسلمهم دياااتك يانواااره بكفي لمستك السحريه بتكفي وبتوفي ربي يسعدك حبيبتي 😘💞🌹

    انا بعملها بس بخمل البيض اشوي وبقطعه مربعات وبكون مقطعه المرتديلا كمان مربعات والجبنه وزيتون اسود وبجيب اعواد خشبيه وبعملهم زي سيخ كتييير بحبوها اولادي وبرغبولها😋👍

  3. لك انتي يا عسل لو شوووووو ما تعملي بيطلع معك شي فاخر من الأخر يسلمو دياتك يا عمري وجد منظرهم لهالبيضات رغم بساطتهم بيشهههههههو وصرت حب البيض من وراكي وجد طريقة حلوة متلك لاااااااازم جربها لأولادي لأنهم مجننيني ما بياكلو بيض

    ربي يخليلي اياكي يا غالية وتظلك تتحفينا بوصفاتك الي اكتر من روعة حبيبة قلبي نور الغالية وبالتوووووووووفيق بهالسلسلة الروعة زيك

    وبحبك انا ♥️♥️♥️♥️♥️♥️

    • انا اللي بحبك يا عسولتي الغالية أم عمرو
      يسلملي قلبوشك انتي وولادك اللي اكيد بجننو لمامتهم اللهم بارك 😍
      الله لا يحرمني منك ومن تشجيعك ودعمك وكلماتك اللي بيرسمو ضحكة هالقد قدها على وشي وبخلو الحجي يفكرني هبلة ههههههه😂
      الوصفة بسيطة بس انتي الرائعة ياعمري😘

    • لا يا عسولتي كله ولا يفكرك الحجي هبلة لأنك بجد وبكل صدق أروع انسانة رقيقة و حساسة لأبعد حدود جد انا بحسد حالي عليكي لانو كل يوم لازم فوت ع كل وصفة من وصفات البنات الي بيكونو منزلينهم وبدور على تعليقك ازا لقيتلك تعليق برتاااااااااح وبطمن عليكي انك بخير والحمدلله بس ازا ما لقيتلك بتذايق وعقلي بصير يروح يمين شمال بس الحمدلله كيف لكان لما اشوفلك وصفة مزينة زاكي كله لك بجن من الفرح ♥️♥️♥️♥️

    • ربي يخليلي اياكي يا غالية لاااااا هدول ولادي طالعين بجننو متل خالتهم نور لأنو بحملي كنت حبك كتييييييييييييير لهيك طالعين لإلك ربي يحفظك ويحفظ عيلتك ويديم عليكم الصحه والعافيه والستر وربي يطعمك الذرية الصالحة عاجلآ غير اجل

    • انتي نعمة من رب العالمين نادرة الوجود هالأيام وأنا واجبي اشكر ربي على هالفضل اللي صدقاً أنا مابستاهلو
      والله بس قريت تعليقك حسيت بدي ابكي
      الله يجعلنا أفضل مما تظنون ويغفر لنا مالاتعلمون ويجمعني فيكي بالدنيا والآخرة في جنات النعيم يااارب
      انتي نعم الأخت المخلصة والله وانا ممنونة كتير لوجودك بحياتي❤

    • وربي بيعلم قديه أنا بحبك كمان وبحب ولادك وبراودني شعور غريب وحلو كل ماشفت اسمك
      انتي انسانة مريحة جداً وقلبك مليان خير وبتستاهلي كل خير
      الله يكرمك كرم يليق بعطاءه ويرزقك سعادة الدارين ويقر عينك بالأمامير حبايب خالتهم ههههه
      وأنا من قلبي بحبك أكتر ما بتتخيلي❤

    • يخليلي اياكي يا غالية ما بستاهل كل هالكلام الحلو ودمعو عيوني وعم بعيط متل الهبلة بتعرفي لي لأنو جد نفسي تجمعني فيكي الدنيا 😭😭😭😭

    • والله بتستاهلي أكتر من هيك ياعمري
      الله بيعلم باللي بالقلب❤
      بعدين الله كريم وهالدنيا كتير صغيرة
      سدقيني صدف والتقيت بأكتر من حدا وانا مو متخيلة ارجع شوفن او اجتمع فيهن بعمري
      بقى متفائلة وعندي أمل كبير ربي يكرمني بشوفتك☺

  4. ليك تسلملي ياعمري
    ليك شوهيديا لجمال
    بتعرفي شغله كيل يوم بنطر من زاكي شي وصفه تكون لاالك لانك بتاخدي العئل
    نيالوا هالجوز فيكي اسم الله عليكي وعبيتك

  5. فديت قلبك ي جميله ع الابدااااع
    ماشاءالله عنك شي بسيط بس طلع معاك تحفه بجد تبارك الرحمن..
    الاطراء بحقك مو كثير عليك بـ العكس تستاهل😍

    انا مجهزه وجبات للاطفال بعمر السنه وفوق بس شكلي بتراجع بماانك بديتي بـ كذا😂

    ربي يسسسعدلي أيامك ويرزقك بـ اللي تتمني يارب❤

  6. ماااااااا ششششششاااااء الله
    اللههههههههههههم بااااااارررك
    فعلااااا نيال اهلك وزوجك فيكي ومستقبلا يارب اولادك ع ابداعك وطولت بالك وشغلك اللي بفتح النفس بتعملي من الحبة ئبة ههههههههه شغلة بسيطة بتعملي منها شغلة بتجنن يسسلم ايديكي يا قمرررتنا ونوووارتناااا

  7. بسم الله ما شاء الله عليكي حبيبتي ربي يسلم ديادك ويبارك فيهم روووعه وبشهييييي😍
    أجمل صحن بيض أشوفه بحياتي بصراحه مبدعه يا ألبي حبيت وبحبك وبحبك أناااااا❤🌷😙

اترك رداً على 💖نور💖أحمد💖 إلغاء الرد

لن يتم نشر عنوان بريدك الإلكتروني.