img
الرئيسة / أطباق رئيسية / ملفوف مع فيليه العجل مع جو الشتا روووعة

ملفوف مع فيليه العجل مع جو الشتا روووعة

/
/
/
2906 مشاهدات
 

ملفوف مع فيليه العجل مع جو الشتا روووعة

ملفوف مع فيليه العجل مع جو الشتا روووعة

ملفوف مع فيليه العجل مع جو الشتا روووعة

ملفوف مع فيليه العجل مع جو الشتا روووعة, معكم صديقة زاكي الشيف الموهوبة ,

المقادير

  • راسين ملفوف وسط
  • كيلو رز متوسط الحبة
  • كيلو لحمة عجل فيليه
  • لحمة مفرومة اختياري للحشوة
  • بصل
  • ثوم
  • بهارات مشكله
  • كاري
  • كمون مطحون
  • ملح وفلفل
  • بهارات ماجي بديل ماجي
  • باكيت صلصة بندورة اختياري مع الحشوة
  • زيت ذرة
  • ورق غار

الخطوات

السلام عليكم ورحمة الله وبركاته

من طبخاتي المفضلة الملفوف خاصة لما تكون ذايبه وكلها عصارة ومع ريحة المطر بأول شتوة كل عام وانتم بألف خير يا رب ، وعلى طريقتي كثيير طيبة خلينا نشوف الطريقة

أولاً/ الحشوة

بنجهز الحشوة بننقع الارز وبنتبله بملح وفلفل وزيت وبهارات كاري وبهارات مشكله وكمون وصلصة بندورة وبهارات ماجي واذا بتحبي ضيفي لحمة مفرومة بس شوحيها شوي عالغاز لاتحطيها نيه.

ثانياً/ فيليه العجل

قطعة الفيلية طرية كثير وبتستوي بسرعة ونكهتها رائعه بتتبل بملح وفلفل وبهارات الحشوة نفسها وبنقلبها بزيت وبنحمرها بالطنجرة اللي ناويين نطبخ فيها نفسها عشان مركز النكهه بكون بالطنجرة.

ثالثاً/ اللف والطبخ

بنحط بقعر الطنجرة بصل وثوم واللحمة المشوحة وورق غار وبنكون سالقين الملفوف ولافينه عادي وبنرتبه بالطنجرة وبنضيفله بهارات ماجي ومي بتغلي مع شوية زيت وبس يغلي ربع ساعة بنوطي الغاز وبنتركه ساعتين عالغاز يتنشف.

رابعاً/ التقديم

بعد الاستواء اتركيه يرتاح ويتشرب عشر دقائق قبل التقديم وقدميه مع الليمون واستمتعي بأطيب طبخة ملفوف وصحة وهنا

163 تعليقاً

  1. عندي سؤال الكم الجميع…
    عندي مشكله بكمية الرز وكمية المحاشي سواء دوالي كوسا ملفوف
    يعني شو الكميه ليتناسبوا سوا بدون ما يزيد حشوه

    رغم اني الحشوه الزياده بفلفلها لحالها وبتطلع طيييبه

    • بتعرفي ام علي غالباً إلا ما يصير زيادة او نقص بكمية الحشوة لانه في عوامل كثير بتتحكم بالامر مثل في لحمة بالحشوة او لا وكمان كمية الحشوة اللي بتحطيها بكل ورقة دوالي او ملفوف ناس بتحبه تخين وناس رفيع
      بس عموما كل نص كيلو ورق دوالي بده كيلو رز . واذا الحشوة معها لحمة رح يزيد شوي.

      راسين الملفوف حجم وسط بدهم كيلو رز .
      4 كيلو كوسا بدهم كيلو رز
      تقققريييباً مافي اشي اكيد

      انا لما يزيد معي حشوة زيك بفلفله لحاله بطلع صحن صغير.

    • انا لما افرز دوالي بجيب اكياس تفريز مش الكبير الي تحت بيجي وسط بملي الكيس وبحطة بلفريز بيوخذ معي كاسة رز مق نسكافية وإذ زاد مايزيد كتير وبسلق رز شوي يعني غلوة غلوتين وبطفية وبخلية ربع ساعه وبصفي منه المي مستحيل تلاقي رز مو مستوي بخلط فية كسبرة وبقدونس بهارات وملح وماجي وقد ما حطيتي بلحبة رز بضل زاكي وما بقرط

  2. تبارك الرحمن شو منظره بشهي يعطيكي العافيه حبيبتي وربي يسلم ديادك ويبارك فيهم من أطيب وألذ الأكلات الشتويه وخصوصي لو كان حامض يمي يمي إشتهيت 😄😋😍
    صحه وعافيه يارب 💖

  3. يا عيني ع هيك منظر بيفتح النفس يسلم ايديكي ويعطيكي الف عافية ما شاء
    والله عندي نقص حديد بدي هيك سدر ملفوف من تحت دياتك يا احلى ام جاسم ويلي بدوق ملفوفاتك اكيد ما بظل نقص

  4. ايه يا شيخه
    ايه ده ياجدعان
    اما كرمب طالع من تحت ايديك ولااكل الملوك
    اللهم بارك
    عنجد شهيتيني عليه
    وطريقتك بسلق الملفوف جديد علي
    ييي انا لما اقطعوا نصو بتكسر بتطلع روحي
    رح اعتمد طريقتك ان شاءالله

    صبايا ماننسى الاشتراك بقناة اليوتيوب لام جاسم
    اشهى الاكلات واحلى الأفكار
    بدنا همتكم نسكر ع الف اشتراك اليوم ان شاء الله
    ونجاح اختنا ام جاسم نجاح النا كلنا

    • بالنسبة لطريقة سلق الملفوف رح اعمللها فيديو مخصوص بطريقة اسهل من هيك واسرع ولا بتتغلبي بالمرة وما بنرمي من راس الملفوف اشي بس شوي لقدام رح اعمل الفيديو ان شاء الله.
      كنت مجهزه الفيديو بس بسبب جودة التصوير حذفته وما نشرته.

  5. السلام عليكم ورحمة الله وبركاته
    كيفكم جميعاً
    حابه اطلب منكم طلب من باب العشم لاني توسمت فيكم خير فتجرأت على الطلب
    بعد مشيئة رب العالمين وتردد كبير فتحت قناة على YouTube وسميتها ( أشهى الأكلات وأحلى الأفكار) كان اسمها مختلف بس غيرته لأسباب مهنيه.

    ورح تلاقوا بالقناة وصفات مختلفة زي ماعودتكم وغالبا رح تكون فيديوهات مختصرة عشان ما تملوا من المشاهدة وتحضروا الفيديو كامل😄

    وفيها غير الطبخ افكار اشغال يدوية منوعات
    حلو التنويع.

    القناة جديدة عمرها اقل من اسبوع فلا تتفاجئوا لما تلاقوا 5 فيديوهات بس معكم وفيكم رح تكبر ان شاء الله.
    واذا حكيت اني معتمده بنجاح القناة على حد ثاني بكون بضحك على نفسي انتم جيشي الوحيد يلي معتمده عليه للأمانة.

    بتمنى تنوروني باشتراكاتكم ومشاهداتكم
    لسا مافي اشتراكات بسيطة جدا .
    بتمنى اليوم تطلع الاشتراكات شوي بلكي صار في أمل أكبر.

    ودمتم بكل خير
    اختكم أم جاسم🌷

  6. اخت ام جاسم يعطيكي العافيه بس اسم قناة تك مو طالع عندي دورت مالقيتو كيف فيني اوصل لقناتك بسهولة ياريت تحطي رابط شي فيديو من فيدوهات القناة مع وصفاتك مشان نوصللها بسهولة

  7. يسلم دياتك خيتي ام جاسم … ابدعتي
    مبارك القناة الجديدة عاليوتيوب .. وان شاء الله بتحققي اللي ببالك وبتحصلي على المليون اشتراك باقرب وقت

  8. يعطيك العافية ام جاسم ..عنجد المنظر بشهي 🤤🤤
    صحتين وعااافية ويسلمو ايديك ❤
    ومبااارك القناة الجديدة باليوتيووب ..الك كل الدعم حبيبتي 😘 وبالتووفيق يا رب 🤲🤲

    • ربي يبارك فيكي اميرة
      الحمدلله الجو عنا برّد وبطلنا المراوح وطلعنا الحرامات وشتت اول شتوة قبل يونين الحمدلله عقبالكم يارب تفرحوا بالغيث بمصر وبكل الدول

  9. نور
    حبيبتي ام جاسم بدي اسألك سؤال البايركس ليه ما بيزبط بالفرن عندي لما بعمل الكيك تركتو ٤٠ دقيقة ع ١٨٠ درجة وفرني غاز مش كهربة عملت بالبايركس كيك عادي رجعت تركتو ٢٠ دقيقة لصار واخر شي هبط 😁

    • نور البايركس بزبط فيه الكيك عادي مع اني بفضل قوالب المعدن توصيلهم للحرارة افضل واسرع. بس انتي كيف عرفتي انه حرارة فرنك 180 ؟ وهو غاز!
      المؤشر عالغاز مش دائما صحيح انوقع انه ابرد من الرقم بكون . انا ما بعتمد عالرقم بتطلع بالشعله بخليها بين الواطي والوسط وخلص هاد عيار الكيك. او بحط ميزان الحرارة بالفرن.
      بس حاليا بستعمل فرن الكهربا روعة للكيك وبوزع حرارة صح.

      بنصحك تضبطي الحرارة هيه اهم سبب بنجاح الكيك والحلويات.

    • نور
      حبيبتي مشكورة عالرد فرني فرن غاز عليه العيارات بحط عال١٨٠ وبيزبط عطول بس بالبايركس مازبط يمكن البايركس مش منيح

  10. يا ما شاء الله لا قوة الا بالله عليكي أم جاسم .. والله أشهى اكلة الملفوف سبحان الله
    .. وانتي بالف خير يا رب اه والله احتفالية بقدوم الشتاء وأول شتوة . . بغض النظر عندي هون لساته الصيف بعزه 😁
    .. الله يحميكي أم جاسم ومبارك القناة عاليوتيوب رائعة وجميلة جدا جدا .. .. الله يوفقك ومن نجاحات لنجاحات يا رب

    • الله يسعد قلبك اه حكتلي اختي عن الشتا الحمد لله .. نحن هلأ صيف بأشهر الخريف والشتا عندكم عنا نحن بكون جو ربيع ولطيف وخضااار وعشب بسطل .. عالربيع عندكم عنا بتكون صيف حار سبحان الله

  11. بشهي وبفتح النفس ما شاء الله عنك ام جاسم
    الف صحه وهناا
    موفقه ان شاء الله بقناتك على اليوتيوب واكيد انا كنت من اول المشتركين فيها واكيد من بنساكي من اللايكات والتعليقات
    يعطيكي الف عافيه 😘❤

  12. يسلموا اديكي اختي وحبيبتي ام جاسم الغاليه والله شهتيني على هالملفوفات الله يباركلك اختي مبارك قناتك على اليوتيوب انا اشتركت في قناتك وان شاء الله تنجح قناتك يا عسل والله يباركلك دمتي بحفظ الرحمان 😘😋⁦❤️⁩

  13. تسلم ايدك . يارب . والف صحة وعافية منظر خرافي دائما انت مبدعة ومبارك على القناة وفاتحة خير عليكي يا رب . واشتركت فيها على طول . ويارب من نجاح الى نجاح اكبر . تستاهلي كل خير.

  14. ‏#سئل_الشافعي :
    ‏كيف يكون سوء الظن بالله ؟
    ‏ٰ
    ‏قال : الوسوسة
    ‏والخوف الدائم من
    وقوع مُصِيبَة
    ‏وترقب زوال النعمة
    ‏كلها من سوء الظن
    بالرحمن الرحيم..

    ‏قُل للذي مَلأ التشاؤمُ قلبَه
    ‏ومضى يُضيِّقُ حولنا الآفاقـ ا
    ‏سرُّ السعادةِ حسنُ ظنك بالذي
    ‏خلق الحياةَ وقسَّم .. الأرزاقا .

  15. ياعيني عالملفوف طالع معك بيشهيييي اللهم بارك الله يسلم ايديكي ياقلبي ويعطيكي الف عافية منظرو بياخد العقل اللهم بارك الف صحةوهنا عقلبكن 😋😋
    وان شالله الف الف الف الف مبروووووووك عالقناة ان شالله الله يحققلك كلشي بتتمنيه وبتوصلي للمليون بأقرب وقت😘😘😘

  16. لك يا ناس انا ما بحب الملفوف نهاااائيآ بس شكلي من بعد هالمنظر الخرافي رح صير أكلو ربي يسلم هالديات يا وردة منظره ولا أطيب ربي يحفظك ويحميكي وتظلك تتحفينا بوصفاتك الي اكتر من روعة حبيبة قلبي أم جاسم

    • الله يبارك فيكي ورود الامل ويسعدك يارب
      الملفوف بده اكثر من 40 دقيقة عشان يستوي
      انا بخليه ساعتين عنار هادية بيستوي بدون ما يذوب واللحمه كمان بتستوي لو تحته دجاج بخليه ساعة ونص لان الدجاج اقل من اللحمه بياخد وقت. بس انه عشان الطبخه كلها تطلع متمازجه ومستويه عالاخر.
      لو بتحبيها اقل استواء خليها وقت اقل.

  17. تقى
    يسلمو اديك يا جاسم
    اشي بيفتح النفس والله واللون طالع رائع
    أنا هيك بحب لون الملفوف😌
    الله يديم عليك الصحة والعافية وهداة البال يا رب العالمين

    • الله يسلمك تقى ويسعدك
      والله لون الورقيات لما تتجفف بالميكرويف رائع كإنه طازج وسهههل وسريع ولا شمس. لا تقعدي اسبوع تطلعي برا الصبح وترجعي المغرب.

      نوووورتيني

  18. نور
    حبيبتي ام جاسم شفت ع قناتك نشفتي بقدونس لشو بيستعمل وفينا انشف كزبرة خضرة ونستعملا بدال الطازة بتطلع نفسا

  19. أووووييييييييليييييي انا من عشاق الملفوف بالشتا والدنيا برد وتحطي بجنبك الصوبة وتاكلي حتى ترتفع درجة حرارتك هههههههههههههه احلى شعوووور 😂😂😂بلا نسكافية وهت شكلت وسحلب والاشياء التافهة ما في بعد الملفوف والعدس 🤣🤣🤣🤣🤣
    يسلمو يا قلب ابدعتي منظرهم بحكي عن طعمهم 😍😍😍😍😍💖💖💖💖💖💖

اترك تعليقاً

لن يتم نشر عنوان بريدك الإلكتروني.