ابتسامات… مش كل الحياه اكل

127 5٬487
 

ابتسامات… مش كل الحياه اكل

ابتسامات... مش كل الحياه اكل

ابتسامات… مش كل الحياه اكل

ابتسامات… مش كل الحياه اكل , معكم صديقة زاكي الشيف الموهوبة ,

ياحلوات زاكي المتابعات بتعليق او المتابعات بصمت جبتلكم هالابتسامات لتزين وجوهكم الحلوه.. مش كل الحياه مطبخ واكل
الابتسامة الأولى

.صبحت امي بترن علي تعالي عزلي معي البيت

طيب .. رحت لعندها شو يما؟قال بدنا نلمع قزاز البرنده .. ماشي الحال تشعبطت عالسيبه و

نزلت فيه بأول مثل.. الله وكيلكم امي (موسوعة امثال).. المهم قال مش تشتغلي شغل (الكنه لحماتها)؟ قلتلها ولا يهمك.. وبعد الفرك والتلميع تمت المهمه ونزلت عن السيبه وعرقي مرقي وضربت قدامها تحيه وقلتلها تمام يافندم.. كيف الشغل؟ صفنت بالقزاز هيك بعدين قالتلي اه منيح ليش قزاز الدار عندك مش هيك؟ وفقعتني تاني مثل قال .. (عند السخره متل المهره وعند شغيلي مالي حيلي).. طبعا. انا مش فاهمته المثل.. اللي عارفته تحكيلي ياه

اللهم جيبك يا طولة البال طيب يما ماشي زي ما بدك.. ايش اسوي هسا

قال روحي جيبي المفارش عن الحبل ولبسيهم

الله وكيلكم غطا للتلاجه وغطا للكولر وغطا للغاز واغطيه للطربيزات والكومدينات.. حتى التلفزيون اله غطا بكلفه مكشكش..

قلتلها يما ليش هيك .. قال ولا زي بيوتكم عايشين (سردح مردح وين ما دب بردح)

!!! خلص انا اسفة ازعجتك بملاحظتي..

المهم بعد مجموعه من عمليات التلميع والترتيب قلتلها انا خلصت دروح اروح اطبخ لبيتي.. كشرت شوي واعطتني المثل اللي هوه .. قال (ياطالب النخوه من البنت الرخوه)

يما حرام عليكي كل هاد رخوه.. اي والله انهد حيلي وانا زي هالسعدان طالعه نازله عالشبابيك وظهور الخزاين.. ياجماعه حتى ظهور الخزاين بتليفهم وبتجلتنهم بنايلون قال عشان الغبره.. اي شو هاد والله لو تيجي تطلع عالغبره اللي عندي لتهاجر من البلد…

ماعلينا… اه يما خلص اروح.. شافتني رح يغمى علي من التعب اجت باستني وقالتلي الله يرضى عليكي

وهاي خمسين من ابوكي اوعي تقولي لاخوتك

والله ماحد بفش بالي غيرك بالشغل…

صحيح حسيت حالي بنغاليه بس والله كيفت عليهن… الله يسعدهن الامهات هني ونظافتهن

الابتسامة الثانيه

: دخلت زوجة الى ” مول ” للتسوق فوجدت زوجها يتسوق و معه إمرأة أخرى

و لم تبدي أي ردة فعل !

و بعد مدة سألها زوجها لماذا لم تسأليني عن المرأة التي كانت معي !؟

فقالت له إنٌ ثقتي بك أكبر من أن أصدق عيناي .

قال لها و أنا ثقتي بك أكبر من أن أبرر لكِ ذلك .ــ إنها كانت زوجة صديقي أخذتها معي لكي تختار لي هذا الفستان الذي أقدمه لكِ هدية

♦️هذه هي الثقة.. !!!!

هل تعرفون ( صحراء الربع الخالي ) ؟

سوف أبلطها بالكامل سيراميك إذا كان هذا الكلام صحيح

عرض التعليقات (127)