img
الرئيسة / أطباق رئيسية / فتة الحمص بالشاورما طعم ولا اشهى

فتة الحمص بالشاورما طعم ولا اشهى

/
/
/
2468 مشاهدات

 

فتة الحمص بالشاورما طعم ولا اشهى

فتة الحمص بالشاورما طعم ولا اشهى

فتة الحمص بالشاورما طعم ولا اشهى

فتة الحمص بالشاورما طعم ولا اشهى , معكم صديقة زاكي الشيف الموهوبة ,

المقادير

  • مقادير الحمص كوبين حمص مسلوق ومطحون وكوب حمص مسلوق حب
  • كوب الا ربع طحينه
  • نص كوب عصير ليمون
  • سن ثوم
  • معلقه صغيره كمون
  • معلقه صغيره خل ابيض
  • معلقه صغيره ملح
  • معلقتين كبار زيت زيتون
  • كوبين من الخبز العربي مقطع مربعات ومحمص
  • معلقتين كبار زيت زيتون
  • رشه كمون
  • للمساعده في لتنعيم طحن الحمص:
  • ربع كوب مكعبات ثلج
  • مقادير شاورما الدجاج:
  • كيلو صدور دجاج مقطعه شرايح او حسب الرغبه
  • ملح حسب الرغبه
  • فلفل اسود حسب الرغبه
  • كمون حسب الرغبه
  • معلقه كبيره من السبع بهارات
  • معلقه صغيره من بهارات الشاورما
  • نص معلقه هيل مطحون
  • رشه صغيره قرفه مطحونه
  • نص معلقه صغيره بودره البصل
  • نص معلقه صغيره بودره الثوم
  • كوب لبن زبادي
  • معلقتين كبار من برش الليمون وبرش البرتقال
  • معلقتين كبار خل ابيض
  • نص معلقه صغيره ببريكا
  • عصير ليمونه كامله
  • معلقه صغيره دبس الفليفله
  • اربع معالق كبار زيت
  • التزيين حسب رغبتكم:
  • مكسرات
  • بقدونس
  • بابريكا

الخطوات

بسم الله نبداا

بالبدايه بننقع الحمص بماء مغلي ليله كامله والماء المغلي بسهل خروج قشره الحمص وبنسلقو عنار هاديه لما تذوب حبات الحمص وتستوي منيح

وبتقدرو تريحو حالكم من كل هالغلبه وتستعملو الحمص المطحون الجاهز وبترخوه شوي ليسهل علينا فردو بشويه عصير ليمون ومعلقتين لبن وشويه صغيره مي

بنيجي لمرحله نقع الشاورما

بعد غسل وتقطيع صدور الجاج لشرحات بنضع جميع مقادير خلطه النقع وبنخلطهم منيح وبنغطيهم وبنتركهم بالثلاجه لثاني يوم وبعد هيك بنجهز الشاورما بمقلاه كبيره وغير لاصقه لما تنشف منهم السوائل ويتحمرو مع مراعاه تحريكهم بين كل فتره وفتره ويوخذو اللون الذهبي وبننتبه ما ينشفو كتير منا لنحصل على شاورما طيبه وطريه

بعد ميبرد الحمص منيح بنضع كوبين من حب الحمص بالخلاط وبنضع عليه الطحينه والملح وعصير الليمون والكمون والخل والزيت والثوم ومكعبات الثلج وبنشغل الخلاط وبنريح الخلاط خلال الطحن لما نحصل على خليط حمص ناعم واذا احتجنا بنزيد ربع كوب من ماء سلق الحمص لنحصل على خليط حمص رخو بعض الشيئ

وبعد هيك بنحمص الخبز بمقلاه وبنضع رشه كمون ومعلقتين كبار زيت زيتون وبنظل نقلبهم لما يتحمصو وما بنخليهم ينشفو يا دوب تتحمر قشره الخبز من برا بس لنحصل على خبز مقرمش من برا وطري من جوا

وبإمكانكم تحمصو الخبز بالفرن الخيار لالكم

بنصف الخبز المحمص بصحن الفايريكس او الصحن المراد التقديم فيه وبنشربو تشريبه خفيفه من ماء سلق الحمص وبنضع بضع حبات من الحمص الحب

وبعد هيك بنضيف طبقه من الحمص المطحون وبنفردها منيح وبنثر حبات الحمص حب وبعد هيك بنضيف طبقه الشاورما وبنفردها فوق طبقه الحمص المطحون وبنضع زيت زيتون على الوجه وبنزين الصحن حسب الرغبه

وتقدم ساخنه بتمنى تجربوها

والصور الاخيره للهوت شوكليت على طريقه الغاليه وحبيبه الكل العسسل ام علي الطريقة هنا

يسلمو اديكي يا قلبي لانو كان

كتتتير طيب ♥️♥️

تحياتي الكم جميعا رشا ام احمد

198 تعليقاً

  1. يسلموا ايديك ويعطيك العافية.. وصفة أكتر من رائعة الله يباركلك..
    دائماً بشعر انه وصفاتك بتعكس أناقتك ورقيك بأخلاقك وتعاملك كمان..تصوير أكثر من رائع أيضاً
    بارك الله لكما واستعملكما في طاعته

  2. ‏قال ‎ابن القيم رحمه الله :

    “من أدام التسبيح أنفرجت أساريره ، ومن أدام الحمد تتابعت عليه الخيرات ، ومن أدام الإستغفار فتحت له المغاليق” .

    الداء والدواء

  3. إبدااااااع اللهم بارك 😍
    تسلم ايديكي حبيبتي رشا الوصفة بتشهي وكل الأكلات بشهو وبخلوني حس بالجوع هههه
    وشاديااااا اه من شاديا رهيبة اللهم بارك 😍
    ربي يحميلك ياها وتشوفيها من المتفوقات دائما😘
    وتسلم ايدين العسولة ام علي الهوت شوكلت بجننننن ماشاء الله 😋😍

  4. مرحبا ام احمد يسلمو ايديكي مبدعه….ارجوك بدي تحكيلي ام حمزه والعنود اذا هم لسا تتواصلي معهم ع ..ك…بليز بدي ام حمزه تحكيلها انارشا بدي اتواصل معها ردلي خبر ع هاي الوصفه
    ارجوك ضروري …..

  5. يسلمو ايديكي….ام احمد انتي لاهسا تتواصلي مع ام حمزه والعنود….على..ك….بليز بدي ام حمزه ضروري ردلي خبر اول ماتشوفي تعليقي

  6. بالله شو احكيلكي شو صار معي مابتصدقي ….صارت معي مشاكل كتيررررر….وهذا سبب غيابي ….حسبي الله ونعم الوكيل
    بس الحمدالله انا بخير …..صعب جدا اتواصل معك ع ك يا ام قيس والله صعب اعذريني بس حبيت اتطمن عليكو وإني ملنسيتكو ابدا

  7. بالله شو احكيلكي شو صار معي مابتصدقي ….صارت معي مشاكل كتيررررر….وهذا سبب غيابي ….حسبي الله ونعم الوكيل
    بس الحمدالله انا بخير …..صعب جدا اتواصل معك ع ك يا ام قيس والله صعب اعذريني بس حبيت اتطمن عليكو وإني ملنسيتكو ابدا حتى

  8. حبيبتي رشا الحمد لله الكل بخير كروم واخوانو وبناتي بسلمو عليكي
    كيفك انتي وكيف اولادك
    لو تعرفي قديش مشتاقينلك وقديش ضربنا اخماس بأسداس بس تركتينا فجأه هناك
    وما عرفنا كيف نوصلك لنتطمن عليكي
    المهم انك بخير الحمد لله 😘😘😘♥️🌹

    • الحمدانكو بخير كلكو…..حماس بسداس🤣🤣….والله فارقتني ضحكه من يوم مافارقتكو ..ارجو انك تقدرو أنه كل الغايب الي صار غصب عني والله أمور خرجت عن اردتي….ولا لوبيدي ملتركتو كل هالفتره

    • حبيبتي رشرش ربي يسعدك ويفرجها عليكي
      دنيا وآخره يا رب
      سبحان الله والله ولا مره رحتي من بالنا وعطول بنتذكرك وبنتمنى تكوني بخير اهم اشي 😘😘

  9. رشا بشحمها ولحمها وين هالغيبه ولك جد قلقنا عليكي شو اخبارك طمنيني عنك

    والله تسنيم لتطير من الفرحه ولك عند حاله نفسيه تعرف عنك شي هههه

  10. اخخخخخخ بس يا قلبي رح يورم 😂😂😂 من هالمنظر تسلم ايدك ياعمري لاااا والتصوير شللل زيادة كمان 😭😭😭 اتركوني ابكي بصمت لو سمحتم 😭😭😭

    هههههههه بالصحه والهنا ياعمري ع فتة الحمص بالشاورما …مش ئرديحي متل بعض ناس 😒😒😒

  11. ما شاء الله ام احمد والله اشي فخامة ربي يباركلك يا غالية مبدعة دوووووم حبي ومتألقة ربي يباركلك يا عمري 😙😙😙😙😙😙😙😙😙

  12. يا سلاااااااااام شووو هااااد مش طبيييعي الوووضع
    شكلهاااا يخليكي تغممي من حلاوووتها اللهم بااارك مش عارفه كيف رايحة عني هالوصفة تبارك الله عليكي ربي يعطيكي الصحة والعافية ويديم عليكم النعم

اترك رداً على العنود إلغاء الرد

لن يتم نشر عنوان بريدك الإلكتروني.