كيك بالشوكولا بطعم رائع وجميل

70 5٬205
 

كيك بالشوكولا بطعم رائع وجميل

كيك بالشوكولا بطعم رائع وجميل 😍وطريقة سهلة كتير كتير جربوها وادعولي 😊 هي الصورة من عيد ميلادي 😍 والحمدالله كلهم شغل ايدي الا الكيك الازرق هاد هدية جوزي إلى الله يخليلي ياه😚 ويخليلكم ازواجكم

كيك بالشوكولا بطعم رائع وجميل

كيك بالشوكولا بطعم رائع وجميل وطريقة سهلة كتير كتير جربوها وادعولي هي الصورة من عيد ميلادي والحمدالله كلهم شغل ايدي الا الكيك الازرق هاد هدية جوزي إلى الله يخليلي ياه ويخليلكم ازواجكم , معكم صديقة زاكي الشيف الموهوبة ,

المقادير

  • 2 كوب طحين
  • نصف كوب كاكاو خام
  • 1 ملعقة صغيرة بيكنغ بودر
  • ربع كوب نشاء الذرة
  • ربع ملعقة كبيرة كربونات الصوديوم
  • بيضتين بحرارة الغرفة
  • ملعقة كبيرة خل ابيض او عصير ليمون
  • ملعقة صغيرة فانيليا
  • ربع ملعقة صغيرة ملح
  • كوب ونصف سكر
  • كوب ماء ساخن
  • نصف كوب زيت نباتي
  • لتزين الكيك انا زينتو بكريما النسكافيه ومقاديرها كالتالي :
  • فنجان نسكافيه (قهوة سريعة الذوبان)
  • فنجان سكر
  • فنجان ماء

الخطوات

بسم الله الرحمن الرحيم

يلا نبلش ياصبايا ياحلوات بالكيكة الذيذة

اول شي مننخل الطحين مع الكاكاو مع البيكنغ بودر والنشاء وبس نخلص نخل منضيف كربونات الصوديوم ونحركم بالمعلقة ليندمجو مع بعض

ونخليهم على جنب

في وعاء أخر نضع البيض مع ملعقة الخل والفانيليا والملح ونحركهم جيدا بمضرب الايد

نضيف السكر ونرجع نحركهم ليذوب السكر

منضيف الماء الساخن وتكون درجة الحرارة تتحملها الايد موكتير يكون ساخن مننزل الماء مع التحريك المستمر

ثم نضيف الزيت مع التحريك لننتهي .

نضيف المواد الجافة على المواد السائلة بالتدريج منضيف ملعقة ملعقة ومنحرك لتخلص الكمية

ندهن صينة الكيك بالزبدة ونرش طحين

نسكب الخليط في الصينية

الفرن محمى مسبقا بحرارة 180 د

ندخلها الفرن لمدة 45دقيقة والنار من تحت فقط

بعد 45دقيقة نختبر نضج الكيك بعود خشبي او بسكين بعد استواء الكيك من الاسفل نحمي الفرن من فوق نتركو ليبرد تماما

وبعدها خفقت قهوة سريعة الذوبان مع الماء والسكر ونضربتهم بمضرب الكهرباء لمدة 15 دقيقة وتضاعف حجمهم وخليتاها شوي بالبراد لتتماسك وزينت الكيك فيها بالشكل يلي بتحبوه .

جربوها وعطوني رأيكم لاانو كتير بيهمني

حبيباتي طولت عليكم

وصحتين وألف هنا❤

عرض التعليقات (70)