كيكة التوفي خطوة بخطوة مع الصور
صديقة زاكي المميزة Hadeel Mohammad تعلمنا طريقة عمل كيكة التوفي, لنترك المجال لمبدعتنا لتخبرنا الطريقة.
عملتلكم اليوم بمناسبة التلج كيكة التوفي وكتير طلعت طيبه مع انه اول مره بجرب الوصفه ويا رب تعجبكم ولايكااااتكم بتعجبني للصراحه????
المكونات:
نص كوب زيت.كوب طحين .كوب حليب ناشف.نص كوب سكر. 2 بيض.ملعقة صغيره بيكنج باودر.ملعقه صغيره فانيلا
اولا بنحمص الحليب على النار لحد ما يصير اشقر
بعدها بنضيف نص كوب الزيت على الحليب المحمص وبنحركه منيح ليمتزجو
بنخفق البيض على الخلاط الكهربائي لحد ما ينتفخ ويتغير لونه
بعد ما نخفق البيض بنضيفله السكر وملعقة الفانيلا وبنحركهم منيح
بعد ما نضيف السكر والفانيلا ونحركهم بنضيف الطحين والبيكنج باودر وبنحركهم منيح
بنضيف بعدها لمزيج البيض والطحين والسكر الحليب الناشف مع الزيت وبنخفقهم منيح ليمتزجو
في حالة المزيج طلع جامد متل ما طلع معي بنضيفله ربع كاسة ماء وبنحركها منيح
هيك الخليط ممتاز بكون
دهنت قالب زيت ورشيتو طحين وسكبت المزيج فيه واللي بحب يستنى يخبزو على الفرن نص ساعه او لحد ما يشوفو استوى اما الي ما بحب يستنى يخبزو على الميكرويف تقريبا 7 دقايق فقط
بهالوقت بنجيب 6 ملاعق سكر كبيره وبنحطهم على النار ليتغير لونهم مع التحريك حتى ما يكتل وينحرق
وبنضيف علبة قشطه بنحرك منيح ليتجانس السكر مع القشطه وبعدها بنرفعهم عن النار وبنضيف 3 ملاعق كبيره مي وانا ضفت ملعقه صغيره زبدة مرغرين وهيك بتطلع معكم
وهون ضفت الصوص فوق الكيكه بعد ما خبزناها وما في داعي تستنو الكيكه تبرد كتير بس حطو الصوص وهو لسا سخن لانو بيجمد على الكيكه
وهي قطعه للتذوق ويا رب تعجبكم مع هالاجواء البارده
بتحب تشاهد وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب
عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية
عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد
احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي