كيكة الجلي محبوبة الصغار

76 4٬829
 

كيكة الجلي محبوبة الصغار

كيكة الجلي محبوبة الصغار

كيكة الجلي محبوبة الصغار

كيكة الجلي محبوبة الصغار, معكم صديقة زاكي الشيف الموهوبة ,

المقادير

  • ثلاث أو أربع باكيتات جلي نكهة فراولة أو إلي بتفضلوها
  • مقادير كيكة عادية :
  • ثلاث بيضات
  • كوب سكر بس بسبب حلاوة الجلي
  • معلقة كبيرة بيكنج باودر
  • معلقة صغيرة فانيلا
  • كوب زيت
  • رشة ملح صغيرة

الخطوات

ينحضر الكيكة بالطريقة المعتادة وبعد ما تستوي بنطلعها وبنخليها تبرد شوي بنقلبها بصحن تاني وبنحضر الجلي بنذوبه بمي مغلية وبنخليه يبرد شي عشر دقايق بنغسل القالب وبنشفه وبنحط نص الجلي فيه وبنرجع الكيكة عليه وبعدين بنصب الباقي عليها لحتى تتغلف كلها طبعا ما بنحطه إلا لما يبرد شوي منشان الكيكة ما تشربه طبعا وكمان بتكون الكيكة ارتاحت وبردت شوي كمان

وبنقدمها طبعا ما طلعت كتير زابطة لأنه لازم تنترك بالثلاجة تبرد منيح شي أربع لست ساعات أو لتاني يوم أحسن بس الأطفال ما بيصبروا وكمان ممكن تنحشى فواكه مثلا فراولة متل نوع الجلي المغلفة فيه وهيك بس أنا حشيتها قطع شكولاتة ماكان عندي فواكه فما بخلي شي يوقفني هههههه مهو شو بدنا نعمل حكم القوي عالضعيف وحبيت شاركم فيها يا رب تعجبكم

وصحة وهنااااا

عرض التعليقات (76)