img
الرئيسة / معجنات / طريقة القراص المحلا او خبز العيد دورة طبخ ٥

طريقة القراص المحلا او خبز العيد دورة طبخ ٥

/
/
/
2793 مشاهدات
 

طريقة القراص المحلا او خبز العيد دورة طبخ ٥

طريقة القراص المحلا او خبز العيد دورة طبخ ٥

طريقة القراص المحلا او خبز العيد دورة طبخ ٥

طريقة القراص المحلا او خبز العيد دورة طبخ ٥, معكم صديقة زاكي الشيف الموهوبة ,

المقادير

  • خمس كاسات طحين
  • كاسة الا ربع سكر
  • معلقتين يانسون مطحون
  • معلقتين شومر مطحون
  • معلقة كبيرة قزحة
  • معلقتين كبار سمسم محمص
  • معلقة كبيرة فانيلا
  • معلقتين جوز الهند اختياري
  • معلقة صغيرة كركم
  • معلقتين كبار خميرة
  • معلقة صغيرة بكنغ باودر
  • معلقة صغيرة ملح
  • نص كوب زيت زيتون او مخلوط زيتون وذرة وممكن زيت ذرة لحالو
  • معلقتين كبار حليب باودر
  • ماء دافي للعجن ممكن كاستين وممكن قل تحتاج حسب نوع الطحين

الخطوات

السلام عليكم صديقاتي هاي طريقتي بخبز العيد او احنا بنحكيلو قراص محلا ان شاء الله تعجبكم يا رب يلا بينا ع الطريقة

اولا بحط كل المكونات الجافة مع بعض وبنخل الطحين عليهم وبخلطهم مع بعض وبعدين بعجنهم بالمي الدافية حتى تتشكل عندي العجين بتكون دبقة شوب واخر شي بنزل عليها بالزيت وبعجنها حتى تروح الدبقة منها وبتركها تخمر ساعة واذا الجو بارد ممكن تحتاج اكتر وبعد ما تخمر بقطعها كرات وبغطيها وببلش افردها دوائر بخلي سمكها تقريبآ ١سم وبدهن الصينية بالزيت وبحطهم بالصينية وبتركها ترتاح عشر دقايق وببلش اشويهم على فرن فوق الوسط الفرن طبعآ محمى مسبقآ وبعد ما يتحمرو من كعبهم بنزلهم ع التحمير ليتحمر الوجة وياخد لون حلو بطلعو وبحطو بصنية مغلفة بفاين المطبخ وبغطي ببشكير مطبخ نضيف لحتى يطرى انا طبعآ عملت عيارين وفرزتهم بالفريزر وقت الاستخدام بطلعهم بفردهم بصينية وبدخلهم الفرن لحتى يطرو ويسخنو بطلعو كأنك هسة عامليتهم واذا عندك مايكرويف سخني علي ازكى شي للفطور مع كاسة شاي وكمان منيح للطلاب بياخدو معهم ع المدرسة كتير زاكي وان شاء الله تعجبكم طريقتي يا غاليات جربو ودعولي دعوة حلوة من القلب

36 تعليقاً

  1. أم نبيل
    يممممممميي يعيشوا هالايدين ويعطيكي ألف عافية وصحتين وهنا ع قلوبكم يارب ما شاء الله عنك ابدعتي وشكلهم بشهههي ويفتح النفس 😋 😋 😋 😋 😋 😋 😋 😋 😋

  2. ما شاء الله تبارك الرحمن شكله بشهي عنجد
    احنا بنعمله نفس الشي بس السكر ملعقة للخميرة بس وبدون جوز هند بمعنى آخر مالح مو حلو بس صار عندي فضول اجربه حلو قد ما انحكى عنه انه زاكي.
    الف صحة وهنا يارب

  3. يسلموا ايديكي
    بس انا بدي اتشكرك كتيىر كتير كتير ع وصفه المعمول عملتها طلعت بتشهي يسلموا يا عسل ويجعلوا في ميزان حسناتك

  4. ربي يسعدكم جميعآ حبيباتي اعذروني مش قادرة ارد ع تعليقاتكم الحلو عندي صداع شديد ومش قادرة منو ربي يسعدكم جميعآ وان شاء الله ربنا يخفف عني وارجع اعلقلكم على كل وصفاتي ادعولي دعوة حلوة متلكم يا غاليات 😊😊

  5. وعليكم السلام ورحمة الله وبركاته
    بسم الله ما شاء الله شكل الخبز شهي جدا
    وإضافة جوز الهند جديدة علي بس أكيد رائعة معه
    صحتين وهنا🌷

اترك رداً على ****** إلغاء الرد

لن يتم نشر عنوان بريدك الإلكتروني.