كبه مقليه وكبه مشويه دوره طبخ

61 8٬284
 

كبه مقليه وكبه مشويه دوره طبخ

كبه مقليه وكبه مشويه .. دوره طبخ

كبه مقليه وكبه مشويه دوره طبخ

كبه مقليه وكبه مشويه دوره طبخ , معكم صديقة زاكي الشيف الموهوبة , هالمعيار صغير كونه عيلتي صغيره وماعندي عزومه وزوجي ما بحب الكبه فعملت هالمقدار الصغير الي ولبنتي الصغيره بناء ع طلبها حتى ما طبخت حبات الكبه كلهم بس ٥ حبات وهالمقدار بعمل ١٠ حبات وومكن اكثر شوي حسب حجم الكبه واحتفضت بالباقي بالفريزر لوقت ثاني وهلا تعو نشوف المقادير والطريقه

المقادير

  • عجينه الكبه:
  • ٢ كوب برغل ناعم
  • ماء غمره البرغل وزياده سم
  • معلقتين زيت زيتون
  • كوب لحمه مطحونه ناعمه
  • بصله متوسطه مفرومه ناعمه او مبروشه
  • اكم عرق بقدونس مطحونين او مفرومين ناعم جدا
  • نعنع مطحونين او مفرومين ناعم جدا
  • ملح
  • فلفل اسود
  • نص معلقه بهارات مشكله
  • معلقتين طحين
  • حشوه الكبه:
  • بصله متوسطه مفرومه ناعمه
  • نصف فنجان زيت زيتون
  • لحمه مفرومه خشنه او دجاج مقطع مكعبات صغيره
  • رشه ملح
  • فلفل اسود
  • رشه سماق

الخطوات

اولا بنقع البرغل بكميه الماء ويكون الماء دافئ وبغطيه نص ساعه يتشرب البرغل كميه المي

وبعد هيك بضيف اللحمه الناعمه والبصل والبقدونس والنعنع المفرومين ومعلقتين زيت والملح والفلفل والبهارات ووبلش ادعك الكبه براحه اليدين والم واجمع فيها وادعك وادعك لتبلش يتكون عنا البرغل مثل العجينه

بضيف الطحين وبرجع ودعكها لنوصل لعجينه ما بتفتت وسهله التشكيل

*** بنقدر نستغني عن هالخطوه ونفرم العجينه ع مفرمه اللحمه بس انا عشان كميه صغيره اتعاجزه افرمها ع المطحنه واوفر عحالي جلي ههههههه

بعد ما تتكون عجينه مرتبه اهم اشي ما تكون اللحمه مدهنه او فيها مي زياده مشان ما تفرط العجينه بالقلي

بريح العجينه بعد ما اغطيها لبين ما تجهز الحشوه

***** حشوه الكبه***

بقلي بصله مفرومه بالزيت لتذبل وبضيف اللحمه او الدجاج

**انا بالعاده بعملها بلحمه بس حسب طلب بنتي بدها محشيه دجاج فقطعت ثدر دجاج مكعبات وضفتها للبصله مع الملح والفلفل ورشه سماق وبتركها تستوي وتتنشف ميتها

وبس تجهز بتركها شوي تبرد الحشوه

*** بعد ما تبرد الحشوه ببلش ابلل ايدي بشوي مي واشكل الكبه واحشيها

المي بتخليها ما تنشف وتشقق بس ما تبالغي بس قطرتين ثلاث مي

وبقليها بزيت غزير وساخن جدا او بشويها بالفرن

**** انا اعملتها بالقريل ع الغاز حطيت شويه زيت وحطيت الكبه تا اخذت لون خفيف من الجهتين وبعدين ضفت كاسه مي وغطيت الجريل لنشفت المي وطلعت بتشهي ومستويه تمام التمام ومتحمره كمان

بتمنى تجربوها وتدعولي بالخير

ملاحظه الصورتين الي اخر اشي كميه كبيره شوي كنت عازمه بيت حماي وكانت ضمن القائمه

*** احبكم كللللكم ♥️****

عرض التعليقات (61)