كلاج نابلسي

27 7٬039
 

كلاج نابلسي

كلاج نابلسي

كلاج نابلسي

كلاج نابلسي , معكم صديقة زاكي الشيف الموهوبة , وهاي تحلاية المساء واخيرا فتح كلاج عمر وجبنا عجينة الكلاج من عند كلاج عمر كلاج بالجبنة

المقادير

  • 12 راقة من عجينة كلاج عمر
  • كوب من السمن
  • كوب من الحليب
  • كيلو جبنة بيضة محلاه تقريبا
  • قطر
  • للزينة:
  • فستق حلبي

الخطوات

الطريقة

نقعت الجبنة من مبارح لحتى حلوت وصفيتها لحتى ما ضل ولا نقطة مي فيها

جبت صينية ودهنتها سمنة نباتية وحطيت راقة كلاج ودهنتها سمنة وحطيت راقة تانية دهنتها حليب وحطيت كمان راقة دهنتها سمنة وهيك لحتى صاروا 6 راقات فردت الجبنة على قد الصينية وبعدت شوية عن الحواف عشان الجبنة رح تسيح وبعدين حطيت كمان 6 راقات بنقس الطريقة راقة حليب وراقة سمنة ودهنت وجههم بالسمنة وقطعتهم قبل ما اشويهم ..وخبزتهم بالفرن وحمرتهم وشربتهم بالقطر

القطر

كاستين سكر وكاسة مي وعصرة ليمون ومعلقة ماء الورد

وزينتهم بالفستق الحلبي

وصحة وهنا

#كلاج—ام نضال

عرض التعليقات (27)