أزكي طريقة لصينية الكلاج بالقشطة والفستق

17 5٬766

أزكي طريقة لصينية الكلاج بالقشطة والفستق
معكم صديق زاكي Mohamad Jaber
تفضلو ازكى صينية كلاج لف بالفستق مع صينية كلاج بالجبنه بنفس العجينه البيتيه الي عملنا فيها البقلاوه سابقا

أزكي طريقة لصينية الكلاج بالقشطة والفستق

المقادير:
3 كوب طحين
ملعقة ملح
ملعقة صغيره سكر
1بيضه
1/2 ملعقة صغيره فانيلا
فنجان زيت ذزه
كوب ماء

الحشوه:
اي نوع مكسرات متوفر عندك وممكن اكثر من نوع مع بعض تحتاجي تقريبا نصف كيلو حسب الرغبه بنحمصهم بعد ما يبردو نطحنهن طحنه وسط مش ناعمه ولا خشنه منضيفلهم ملعقة سمنه مع معلقتين كبار ماء زهر ونعجنهم الهدف عشان تتماسك المكسرات وما تفك من العجينه

مقدار القطر:
كاسة ماء لكل كاستين سكر وعصير نص ليمونه صغيره ومعلقة ماء ورد او ماء زهر بتحضريهم قبل بوقت ليبردو

طريقة العجينه:
بتخلطي جميع المكونات وضيفي الماء بالتدريجي ممكن ما تستهلكي كل الكاسه وممكن تحتاجه شوي حسب نوع الطحين وتعجنيهم عجينه مش صلبه كثير ومش طريه لغاية ما تبطل تلزق باليد وتصبح مطاطه.

تقسمي العجينه 16كره صغيره وتغمريها بصحن مليان نشا وتصفيهم في وعاء جنب بعض تتركيهم يرتاحو شي نص ساعه وفيكي تتركيهن بالبراد ليله كامله اسهل للفرد .

هلا بنبلش بفرد العجينه وهاي اهم مرحله نحتاج كميه كبيره من النشا .

اذا كان في بقايا من النشا على الكرة مكتل بنشيلو لانو بالعاده العجينه تمتص النشا ويبقى شي قليل .

نرش على سطح الطاوله بالمنخل كميه من النشا نضع كرة العجين ونرش سطحها نشا و نفرد الكره الاولى بالشوبك الخشبي مقرار خبزة المخبز لصغيره نحطها عجنب

ونكرر نفس العمليه مع كل القطع وكل قطعه تجهز نحطها فوق الثانيه يعني بالنهايه 16قرص فوق بعض هلا بنشيل القطع وحده وحده ونرش كمان مره نشا بين كل قطعه والثانيه ونوضعهم فوق بعض ونبدء نفرد القطع كلهم مع بعض بهدوء بالشوبك لنحصل على عجينه مورقه رقيقه جدا

هلا بنحضر الصينيه المناسبه لحجم العجينه بعد ما فردناها ندهنها سمنه ونبدء نشيل الطبفات وحده وحده وندهن بيناتهم سمنه بالفرشاة لما نوصل 8طبقات

نفرد الحشوه ونرجع نفرد باقي 8طبقات فوق الحشوه بنقطع العجينه حسب الشكل والحجم الي بتفضلوه ندهن وجه العجينه بسمنه

وندخلها الفرن على حراره 180 عالرف الوسط اذا كان في بالفرن موزع حراره مروحه يعني فيكي تشعلي فوق وتحت او تبلشي تحت وبعدين من فوق هلا اذا بتحبي اللون يكون غامق قبل لستواء بقليل تدهني الوجه بخليط من السمنه والقطر عالوجه وتحمري من فوق .

بعد ما ستوت العجينه نضيفلها القطر البارد ونتركها تشرب القطر عراحتها نتركها لتصبح باره جدا والف صحه وهنا.
الشرح طويل والتنفيذ اسهل واسرع وممتع والطعم زاكي جدا

تحب تشاهد وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب

عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية

عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد

احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي

 

عرض التعليقات (17)