تشيز كيك مخبوز

22 4٬820
 

تشيز كيك مخبوز

تشيز كيك مخبوز

تشيز كيك مخبوز

تشيز كيك مخبوز , معكم صديقة زاكي الشيف الموهوبة ,

المقادير

  • للكرست:
  • 250 غم بسكوت قمح مطحون
  • 100 غم زبدة
  • للطبقة التانية جميع المكونات بحرارة الغرفة:
  • 400 غم جبنة كريمية
  • 200 غم زبادي عليه عصرة ليمون
  • نص كاسة كريمة سائلة
  • حبتين بيض عليهم رشة ملح و نص ملعقة صغيرة فانيلا
  • نص كاسة سكر حبييات
  • عصرة ليمون مع رشة برشه اختياري
  • نص كاسة بلوبيري
  • ملعقتين كبار نشا منخل
  • للتوبينغ:
  • كاستين بلوبيري
  • نص كاسة مية
  • عصرة ليمون
  • نص كاسة سكر
  • ملعقة كبيرة نشا

الخطوات

البسكوت فيه نوعيات طرية فيها كمية زبدة ما بتحتاج تضفيلها كتير زبدة

بعد ما تطحنيه ضفيله الزبدة بالتدريج حتى يتماسك معك

بتحطيه بقالب متحرك القاعدة وبترصيه من القاعدة و الأطراف و بتدخليه الفرن شوي ليتماسك تقريباً من 7 لا 10 دقائق وبتتركيه يبرد او بتدخليه التلاجة لمدة نص ساعة

للطبقة التانية

بتخفقي الجبنة وبتضيفي السكر

بتضيفي الزبادي و الكريمة مع التقليب

بتضيفي البيض بالتدريج مع التقليب واخر شي النشا

بتصبي نصه بالقالب و بتوزعي حبات البلوبيري و فوقه باقي الخليط

بتغلفي القالب من القاعدة و الأطراف بالقصدير كتير منيح حتى لاتدخله المي

بتحطيه بصنية عليها مية بحرارة الغرفة تغطي نص القالب وكل ما نقصت بتزيدي وبتدخليه فرن حامي من قبل ربع ساعة درجة 180 من الوسط بدها تقريباً ساعة بتكون الأطراف متماسكة و الوسط متماسك بس شوي رخو

بس تطفي الفرن بتفتحي شوي بابه وبتخليها بالفرن ساعة

حتى تبرد بعدها بتدخليها التلاجة لمدة ليلة كاملة

للتوبينغ

بتخلطي البلوبيري مع السكر و ربع كاسة مية وبتحطيه على نار هادية مع التحريك كل شوي حتى يستوي بتضيفي عصرة ليمون وبتتركيه يغلي اخر شي نشا مذوب بربع كاسة مي مع التحريك

ازا بدك اياه اكتر كثافة ضيفي ملعقتين نشا

بالهنا والشفا يارب

عرض التعليقات (22)