مقلوبة الدجاج

33 5٬357

مقلوبة الدجاج

مقلوبة الدجاج

مقلوبة الدجاج

مقلوبة الدجاج, معكم صديقة زاكي الشيف الموهوبة ,

المقادير

  • دجاجه مقطعه أو حسب الكميه اللي بدك تعمليها
  • رز مصري منقوع بمي ساخنه بس مش كثير حتى مايطلع الرز معك معجن
  • بصل
  • ثوم
  • فلفل حار
  • بطاطا
  • زهرة
  • باذنجان
  • حبة بندوره
  • بهارات
  • كركم
  • شعيريه
  • ماجي
  • ملح
  • زيت نباتي

الخطوات

بطنجره تحطي زيت وبصل ع الغاز وتغطي عليه لحد مايحرق البصل وبس يحرق تبرشي حبة بندوره وتضيفيها ع البصل المحروق لحد ما مايتغير لونها للبني

وتضيفي الدجاج وتغطي عليه خمس دقايق تقريباً لحد ماياخذ لون بني وتقلبيه ع الجهه الثانيه لحد مايتحمر

(الطريقه هاي تعطي الدجاج لون التحميير بدون ماتحمريه وتعطي الرز لون مايل ع البني ) وتضيفي البهارات والماجي والثوم والفلفل الحار وتقلبيهم مع بعض

وغطي عليهم شوي وبعدها ضيفي المي والملح واتركيهم حتى يستوي الدجاج.

قطعي البطاطا بشكل دائري والباذنجان والزهره واقليهم

واقلي الشعيريه واخلطيها مع الرز وحطي عليهم الكركم وتقلبيهم مع بعض كويس

بطنجره ثانيه قطعي بصل بشكل دائري وثوم مهروس لحد ماتغطي قاع الطنجره وضيفي الدجاج بشكل مرتب بعد مايستوي طبعاً..

وحطي الباذنجان بشكل طولي ع جنب الطنجره وضيفي البطاطا والزهره وغطيهم كامل بالرز واضغطيه عليهم ومرقة الدجاج ضيفيها ع الرز حسب الكميه الموجوده عندك..

واتركيها ع نار عاليه اول خمس دقائق بدون ماتغطي عليه

وبس تبلش تغلي المرقه غطي عليه وخلي النار هاديه لحد مايستوي الرز وقدميه مع ليمون وفلفل وبقدونس وصنوبر مع لبن وسلطه….

عرض التعليقات (33)