جاتوه شعبي بأقل التكاليف

1 6٬305
جاتوه, هو من أكثر أنواع الكيك رواجاً وطلباً, كثير من ربات البيوت لا تتقن عمله, الشيف أحمد أبو حسين يعلمنا طريقة في غاية السهولة ومن مكونات بسيطة ومتوفرة في كل بيت, فلنتابع معه.

جاتوه
جاتوه

المقادير:
6 بيضات كوب سكر مش مطحون
كوبايتين دقيق كوب ماء

فانيليا ومعلقة صغيرة بكنج بودر
واهم حاجة معلقة كبيرة محسن كيك

الطريقة:
هنضيف كل المقادير على بعضها
اللى هى السكر والبيض والماية وتكون دافية والفانيليا ومحسن الكيك
وهاتيك يا ضرب فيها لغاية ما تتقل وتملى الطبق ومتخافيش ان شاء الله مش هاتهبط
طبعا لازم مضرب كهربى
وطبعا تكونى ناخلة الدقيق والبكنج بودر
وتضيفى شوية بشوية وانتى بتضربى بالمضرب على السرعة الهادي
ومتخافيش مش بتهبط ولا بتتعبك خالص
وتكونى مسخنة الفرن من قبل ماتشتغلى وتدخليها تقريبا على حرارة 200 او على حسب فرنك
التورتة الاسفنجية بتحب الحرارة الهادية بس مش هادية اوى يعنى
واوعى تفتحى الفرن قبل تلت ساعة وتكون فتحة صغيرة ولما تستوى اقلبها على منخل سلك
وسبيها تبرد خالص وبعدين قطعيها وزوقيها طبعا كل واحدة وزوقها.

هدية من الشيف طريقة عمل الكريمة:
المقادير:
نصف كيلو كريمة لبانى

نصف كوب سكر بودرة

ملعقة صغيرة فانيليا
ربع كوب ثلج مجروش ناعم
او ممكن ثمرة فاكهة وتضرب فى الخلاط وتجمد وتعطى لون وطعم للكريمة وتكون نفس كميى الثلج

الطريقة:
ضعى المقادير كلها فى سلطانية من الصينى و تضرب المقادير كلها

بالمضرب السلك ولكن ببطء لكى تتماسك الكريمة و بمجرد ما يغلظ قوامها كفى عن ضربها

حتى لا تكون زبد .

ضعى الكريمة فى الفريزر لحين استعمالها.

صورة محسن الكيك:

محسن كيك
محسن كيك

 

لمتابعة الوصفة على جروب “زاكي”:
جاتوه شعبي بأقل التكاليف

عرض التعليقات (1)