دجاج مشوي مع الخضرا المشكلة

35 4٬232
 

دجاج مشوي مع الخضرا المشكلة

دجاج مشوي مع الخضرا المشكلة

دجاج مشوي مع الخضرا المشكلة

دجاج مشوي مع الخضرا المشكلة , معكم صديقة زاكي الشيف الموهوبة ,

المقادير

  • جاجة كاملة مغسلة ونضيفة ومنقوعة بمي وملح وخل ابيض
  • بهارات:
  • كاري معلقتين كبار
  • ملح حسب الرغبه
  • معلقتين كبار اوريغانو
  • فلفل اسود رشة
  • ٤ سنون توم مدقوق
  • كتشب ٣ ملاعق كبيرة
  • لبن نص كوب
  • زيت ٣ ملاعق
  • دبس بندورة معلقتين كبار
  • خضار مشكلة:
  • كوسا
  • بندورة
  • بطاطا
  • فطر
  • بصل
  • توم
  • جزر مقطعة مكعبات كبيرة
  • رشة ملح وكاري
  • رشة زيت

الخطوات

نصفي الجاج من المي والملح والخل

نضعها في جاط نعمل التتبيلة بخلطها كلها لبن زيت كتشب ملح كاري فلفل اسود اوريغانو دبس بندورة وتوم مدقوق وبنحركها وندهن الجاج من برا وجوا وبنحطها بكيس خبر وبلبراد ليلة كاملة

تاني يوم بنحضر كل الخضرة بنحطها بصينية الفرن والجاج بنحطها بكيس الشوي وبنفتح بالسكين شق صغير

بنحطها بنص صينية الخضرة وكاستين مي ع الخضرة وبنغطيها بلقصدير وع الفرن قريب الساعتين او حتى تمام النضج بنشق كيس الجاج وبندهنها كمان مرة تانية من بقايا الصلصة يلي فضل عنا وبنشويها وللتقديم صحتين وعافية

ملاحظة

انا حشيت الجاج رز ابيض طويل الحبة مستوي ربع استوى ومملح شوي ومبهر ومعلقة زيت ابيض وسكرت الجاج بنكاشات خشب صغيرة

عرض التعليقات (35)