تشيز كيك افوكادو

33 3٬123
 

تشيز كيك افوكادو

تشيز كيك افوكادو، لزيز للي بحبوا الافوكادو مع توفي بعطيها طعم رهيب

تشيز كيك افوكادو

تشيز كيك افوكادو، لزيز للي بحبوا الافوكادو مع توفي بعطيها طعم رهيب , معكم صديقة زاكي الشيف الموهوبة ,

المقادير

  • للكرست:
  • 250 غم بسكوت قمح مطحون
  • 100 غم زبدة
  • للطبقة التانية كل المكونات بحرارة الغرفة:
  • حبة صغيرة افوكادو مستوية مهروسة وعليه عصرة ليمون
  • 400 غم جبنة كريمية غير مملحة
  • 200 غم زبادي
  • عصرة ليمون
  • رشة ملح
  • رشة برش ليمون
  • نص كاسة سكر ملعقتين كبار سكر إضافي اذابتحبوه كتير حلو
  • ملعقتين كبار عسل
  • حبتين كبار بيض
  • فانيلا
  • 125 غم قشطة قيمر
  • ملعقتين كبار معيارية نشا منخل
  • للتوفي:
  • كاسة سكر
  • 100 غم زبدة بحرارة الغرفة
  • نص كاسة كريمة بحرارة الغرفة
  • للتقديم:
  • كريمة
  • توفي
  • فستق حلبي

الخطوات

بتفركي البسكوت مع الزبدة ليصير متل الرمل وبترصيه بقالب متحرك القاعدة من القاعدة و الأطراف

بتدخليه التلاجة لمدة نص ساعة أو بالفرن ليتماسك من 7 لا 10 دقائق وبتتركيه يبرد

بتخفقي الجبنة على سرعة هادية بتضيفي السكربتضيفي الافوكادو والعسل

بتضيفي الزبادي مع عصرة ليمون و برش ليمون و القشطة مع التقليب

بتضيفي البيض بالتدريج مع التقليب بعده النشا وبتقلبيهم بتسكبيهم فوق البسكوت بتغلفي القالب من قاعدة و الأطراف كتير منيح ب طبقتين قصدير حتى لا يدخله مية بتحطيه بصينية عليها مية بحرارة الغرفة تغطي نص القالب وكل ما نقصت بتزيدي بتدخليه فرن حامي من قبل ربع ساعة من الوسط درجة 180 بده ساعة تقريباً بكون الأطراف مستوية ومتماسكة ومن النص مستوي(95٪)بس اذا حركتي القالب شوي رخو من النص بتفتحي باب الفرن شوي وبتتركيه ساعة يبرد بالفرن بعدها بتدخليه التلاجة لمدة ليلة كاملة

للتوفي

على نار هادية بتحطي سكر بس تبدأ تتكرمل بتحركيها ليذوب ويصير لونه بني فاتح

بتضيفي زبدة بحرارة الغرفة و بتحركيه

بعدها كريمة بالتدريج بحرارة الغرفة و بتحركيه

بالهنا والشفا

عرض التعليقات (33)