فطائر البالون فطائر السندويشات بدون فرن ملكة زاكي 5
فطائر البالون فطائر السندويشات بدون فرن ملكة زاكي 5
فطائر البالون فطائر السندويشات بدون فرن ملكة زاكي 5
المقادير
- ثلاث اكواب ونص دقيق
- كوب ونص حليب
- ملعقة كبيرة سكر
- ملعقة كبيرة خميرة فورية
- ملعقة صغيرة ملح
- أقل من نص كوب زيت
- للتغطية العجين
- نص كوب حليب
- كوب سمسم
الخطوات
السلام عليكم ورحمة الله وبركاته
يسعد اوقاتكم بكل خير اليوم رح نعمل فطائر البالون فطائر سهلة وسريعة وبدون فرن وطعمها كثير طيبة
اول مرحلة بنضيف كوب ونص حليب دافئ وبنزل عليه السكر والخميرة والزيت وبنخلطهن مع بعض وبنغطيهم
وبنتركهم عشر دقائق لحتا تفور الخميرة بنزل ثلاث اكواب ونص دقيق وملعقة صغيرة ملح وبنعجن لحتا تتشكل عجينة طرية وبنفس الوقت متماسكة مابتلزق
بنغطيها وبنتركها ساعة تختمر وبس اختمرت العجينة على سطح العمل بنرش دقيق وبنرل العجينة وبنقطعها
ست قطع وبنكورهن وبنغطيهن وبنتركهن عشرة دقائق
للتغطية كرات العجين بيلزمنا نص كوب حليب وكوب سمسم ابيض بنعطش كرات العجين بالحليب وبنرجع
بنحطها على السمسم وبنحركها بالسمسم من كل الاتجاهات لحتا نتأكد أنها أتغطت تماما بسمسم على
سطح العمل بنرش دقيق وبنرق كرة العجين دائرة
يكون سماكتها وسط وبنقطعها على شكل مثلثات اربع
قطع وبنغطيها وبنتركها ربع ساعة بيلزمنا مقلاوة واسعة بنحط بيها زيت وفير وبس نتأكد انو الزيت حمي بنزل قطعة لحتا نتأكد من حرارة الزيت وقت القلي لازم نضل نرش الزيت بالملعقة على سطح
القطع لحتا نساعدها تنتفخ وبس تتحمر من تحت بنقلبها لحتا تتحمر ملاحظة وقت قليهن لازم تكون النار
وسط لحتا تستوي من الداخل ولاتكثر اكثر من ثلاث قطع وهيك صارو جاهزين بنحطهن على شبك لحتا يصفو من الزيت وبنحشيهن اي حشوة بدكن ياها ممكن جبنة او مرتديلا اولبنة أو دجاج او لحمة اذا بتحبو الحلو مثل نوتيلا او اي نوع مربى بكل الحشوات شهية
وكثير بتشهي وان شالله صحة وهنا
