حلويات تركية بالصور والمقادير من طيات المطبخ التركي العريق

11 7٬321

حلويات تركية بالصور والمقادير من طيات المطبخ التركي العريق

 

حلويات تركية بالصور والمقادير

 

حلويات تركية بالصور والمقادير، تختلف الحلويات التركية وتتمايز، تبعاً لنوع المطبخ التركي الذي تنتمي إليه. ففي تركيا يوجد أكثر من تسعة مطابخ رئيسية، تتوزع حسب المكان الجغرافي، وحسب المدن والقرى، وحسب اختلاف ثقافتها أيضا.

وتاريخياً أثّرت الحلويات التركية على المطابخ العربية، ولعلنا لا زلنا نستخدم أسماء معظم الحلويات التركية المشهورة أيضا في البلاد العربية، مثل القطايف، مع التحفظ على تميز كل دولة بكيفية إعدادها، واختلاف نكهتها.

ومما لا شك فيه أن المطبخ التركي تأثر أيضا تاريخيا، فتشتَمُّ به عبق المطابخ المختلفة التي أثرت به، مثل المطبخ اليوناني، والمطبخ الشركسي، والمطبخ العربي.

تحضر وصفات حلويات تركية بالعسل الطبيعي، والفاكهة، والمربى، ودبس التوت البري الأحمر، بطريقتها التقليدية التي كان يصنعها الأتراك قديما، بشكل يسهل تخزين الحلويات، ليسهل التنقل والترحال بها.

وتعتبر “الكنافة النابلسية” أحد أشهر الحلويات العربية التي تم إحضارها وتعديلها في تركيا. وتخرج بوصفات وإعداد مختلف تماما، بعضها خرج مثلا من مطبخ السلطان سليمان القانوني وتعرف باسم كنافة العسل، أو جبن السكري، وتشتهر في مدن جنوب شرق تركيا.

بالإضافة إلى كنافة “البوش” التي ما زالت تطهى حتى اللحظة في المناسبات، والأعراس في مدينة كونيا، وتسمى أيضا “كنافة الأميرة”.

كما أن يعتبر المطبخ التركي من أحد أكبر ثلاثة مطابخ حول العالم، لذا سوف نتعرف سوياً على اشهى و اشهر وصفات حلويات تركية بالصور والمقادير التي لا يجب ان يفوتك تذوقها، على منصة زاكي لهواة الطهي.

  • وصفات حلويات تركية سهلة وسريعة.

  • حلويات تركية بالصور والمقادير، كاسترد رول تركية

المقادير كاسترد رول تركي

  • مقدار من جوز الهند
  • كريما شانتيه بودرة مخفوقة بالحليب
  • لخليط الكاسترد:
  • لتر حليب
  • ثلاثة ملاعق كبيرة كاكاو
  • أربعة ملاعق كبيرة طحين
  • ملعقتين كبار نشا
  • نصف كوب سكر او حسب الرغبة
  • صفار بيضة وحدة
  • باكيت فانيليا
  • ملعقتين كبار زبدة
  • ملعقتين كبار شوكولا اي نوع لتعزيز النكهة

طريقة تحضير كاسترد رول:

  • بصينية مستطيلة نفرد طبقة جوز هند ونترك الصينية على جنب.
  • وبامكانكم تستبدلوا جوز الهند بسكويت مطحون مثلا.
  • نحضر خليط الكاسترد بالشوكولاتة.
  • نخلط كل شي عالبارد منيح ماعدا الزبدة والفانيليا والشوكولاتة ونشغل تحتهم النار وبس يسمك الخليط منيح نطفي ونضيف الزبدة والشوكولاتة والفانيليا ونحركهم منيح.
  • نصبهم فوق جوز الهند بهدوء.
  • الافضل تصبو بملعقة كبيرة حتى ما يتحرك جوز الهند من مكانه وبعدين توزعوها بهدوء ليصير عنا طبقة متساوية.
  • نتركه ليبرد الكاسترد تماما وبهذه الأثناء نخفق الكريما مع الحليب واذا حبيتو تضيفو شي معها متل شوكولاتة نوتيلا او زبدة بندق او قشطة لتعزيز النكهة فلكم حرية الاختيار.
  • ونفردها طبقة فوق الكاسترد وانا حبيت حط قطع صغيرة بسكويت مكسر لحتى تقرمش شوي وطبعا هالشي اختياري.
  • نحطها بالبراد حتى تبرد منيح لحتى يسهل علينا لفها.

 

  • حلويات تركية سهلة، كنافة تركية بالفستق

حلويات تركية بالصور والمقادير، مقادير كنافة تركية بالفستق

  • نصف كيلو كنافة شعر ونقطعها ناعم
  • ربع كيلو زبدة للكنافة
  • كمية من الزبدة للصينية اللي رح نشوي فيها
  • حوالي نصف كيلو جبنة عكاوي نحليها إذا كانت مالحة
  • قطر الكمية حوالي:
  • 4 كوب سكر
  • 4 كوب ماء
  • عصرة ليمونة

طريقة تحضير كنافة تركية بالفستق:

  • اول شي نقطع الكنافة الى ان تصبح ناعمة الملمس.
  • بعدين نضيف عليهم الزبدة المذوبة ونخلطهم منيح حتى كل خيوط الكنافة تتشرب الزبدة.
  • نأتي بالصينية اللي بدنا نعمل فيها الكنافة ندهنها منيح بالزبدة اللينة.
  • نفرد تقريبا نصف كمية الكنافة بالصينية ونضغط منيح حتى يصير عنا طبقة كنافة متساوية بعدين نفرد الجبنة بالتساوي دون ما نوصلها الى حواف الصينية ونرجع نحط باقي كمية الكنافة فوقها.
  •  نعود ونضغط عليها حتى تصير سوية و ندخلها الفرن الحامي تتحمر واول ما تطلع نسقيها بالقطر الساخن.

 

  • أشهر حلويات تركيا، البقلاوة التركية الفاخرة

حلويات تركية بالصور والمقادير، مقادير البقلاوة التركية الفاخرة

  • للعجينة:
  • ملعقة ك زبدة
  • ملعقتين ك خل
  • بيضة
  • ثلثين كوب حليب
  • نصف كوب ماء
  • نصف كوب زيت
  • حوالي 4 كوب طحين او حسب الطحين
  • لفرد العجينة:
  • كمية من النشا
  • للحشوة:
  • اي نوع مكسرات او اي شي بتحبوه
  • للقطر:
  • 3 كوب سكر
  • 3 كوب ماء
  • عصرة ليمون

طريقة تحضير حلويات تركية (البقلاوة التركية الفاخرة):

  • اول شي نخلط كل مكونات العجينة منيح عدا الطحين.
  •  بعدين نضيف الطحين بالتدريج لنوصل عجينة طرية.
  • نرش شوية نشا ننزل العجينة عليها ونقطعها لكرات متساوية.
  • نفرد كل كرة من العجين بالنشا.
  • صارت عنا طبقات العجين الرائعة جاهزة للاستخدام.
  • طبعا بتستخدموها حسب الشكل اللي بدكم تعملوه.
  • بعد ما تصير البقلاوة جاهزة بالصينية نحط عليها السمنة المذوبة.
  • تقريبا هذه الكمية تحتاج حوالي ربع كيلو سمنة سايحة.
  • وبعدين غطي الصينية وحطيها بالبراد.
  • ممكن كم ساعة وممكن ليلة كاملة حسب ما بدكم.
  • وقت بدكم ضعوها بفرن حامي من فوق ومن تحت حتى تأخذ التحمير المطلوب وطلعوها وهي سخنة، فورا نزلو عليها القطر وهو يغلي.

 

  • حلويات تركية بروفيترول لابوار

حلويات تركية بالصور والمقادير، مقادير بروفيترول لابوار

  • لصوص الشوكولاتة:
  • ثلث كوب حليب
  • ثلث كوب كريمة سائلة او نستبدلها بربع كوب حليب وملعقتين كبار قشطة
  • 150 غرام قطع شوكولا سادة
  • ممكن تضيفوا لها ملعقة شوكولاتة دهن مثل نوتيلا 
  • عجينة البروفيترول:
  • نصف كوب حليب
  • نصف كوب ماء وممكن استبدال الحليب بالماء أيضاً
  • كوب طحين
  • 100 غرام زبدة
  • ملعقة صغيرة سكر
  • نصف ملعقة صغيرة ملح
  • باكيت فانيليا
  • أربعة حبات بيض صغيرة أو ثلاثة حبات بيض كبيرة
  • لكريمة الحشو
  • لتر حليب = أربعة أكواب
  • ثلاث صفار بيض
  • ثلاث ملاعق كبيرة طحين
  • أربعة ملاعق كبيرة نشا
  • نصف كوب سكر
  • باكيت فانيليا
  • باكيت كريما شانتيه بودرة

طريقة تحضير بروفيترول لابوار:

  • نسخن الحليب مع الكريمة السائلة أو القشطة ونرفعه عن الغاز ونضيف عليه قطع الشوكولاتة و نحركها حتى تذوب.
  • بعدين نتركها تبرد تماما ونحطها بالبراد لوقت الاستخدام.
  • بالنسبة لتحضير عجينة البروفيترول بنحط الزبدة والماء والحليب على الغاز يسخنو ويوصلوا لأول مرحلة الغليان نضيف الطحين ونحرك حتى تنفصل أطراف العجينة عن الطنجرة.
  • رح نطفي ونتركها دقيقتين تفتر شوي وتروح السخونة الزايدة منها ورح نضيف الفانيليا والبيض بالتوالي بيضة بيضة يعني ننزل أول وحدة ونخلطها بالعجينة وبس تختفي ننزل اللي بعدها رح نحصل على عجينة طرية كتير.
  • نحطها بجيب حلواني ونشكلها كرات صغيرة بهالشكل ونشويها على درجة حرارة 200 حوالي 15 الى 20 دقيقة حسب الفرن يعني حتى تتحمر منيح و نطفي الفرن و نتركه مسكر حوالي عشر دقايق وبعدين نطلعها وبس تبرد نحشيها بالكريمة الخاصة.
  • تحضير الكريمة نخلط على البارد الحليب مع الطحين والنشا وصفار البيض والسكر.
  • ونشغل النار تحتهم مع التحريك المستمر حتى يسمك المزيج ويتماسك تماما نطفي ونضيف عليه الزبدة والفانيليا ونتركه يبرد تماما.
  • غطو الوعاء اللي رح تتركو الكاسترد فيه حتى مايصير الو قشرة سواء بغطا عادي او نايلون يلامس الكاسترد.
  • لما يبرد نضيف الكريمة البودرة ونخفقهم مع بعض.
  • بعدين نحشي حبات العجين بالكريمة وبعد ما نحشي البروفيترول منحط بطبق التقديم من الكريمة ومنحط حبات البروفيترول المحشية عليها ومنرجع نحط طبقة كريمة وطبقة كرات وهيك بالتناوب.

 

  • حلويات تركية سريعة التحضير، هيرا

حلويات تركية بالصور والمقادير، مقادير حلوى هيرا

  • بيضة
  • نصف كوب زيت نباتي
  • نصف كوب لبن
  • رشة ملح
  • باكيت فانيليا
  • باكيت باكينغ باودر
  • كوب سميد ناعم
  • كوب طحين
  • للقطر:
  • كوب ونصف سكر
  • كوب ونصف ماء
  • عصرة ليمون
  • أو رشة ملح الليمون

طريقة تحضير حلوى هيرا حلويات تركية:

  • اول شي نخلط البيض مع الزيت واللبن.
  • بعدين نضيف السميد ورشة الملح والفانيليا والباكينج باودر ونخلطهم منيح.
  • نغطيها ونتركها عشر دقايق بعدين نضيف الطحين ونخلط منيح حتى يتشكل عنا عجينة ونشكلها على شكل كرات بأحجام حسب الرغبة وندحرجها بالسميد الناعم.
  • هي الخطوة تعطي قرمشة لذيذة كتير بعد الشوي.
  • نشويها بفرن محمى على درجة حرارة 180 حتى تتحمر من تحت ومن فوق ونطلعها وهي سخنة تماما وفورا نصب عليها القطر بكمية وفيرة.
  • للقطر ((كوب ونصف سكر + كوب ونصف ماء + عصرة ليمون او رشة ملح الليمون)) و نغليهم سوى حوالي 10 دقايق ونطفي تحتهم بحيث لما يستوي الحلو يكونو صاروا فاترين أو دفى خفيف واذا بتحبو الاكلة حلوة اكتر عملوهم كوبين سكر وكوبين مي.

 

  • حلويات تركية بالصور والمقادير، حلويات تركية مشهورة:

  1. كيكة العروس التركية
  2. البسبوسة التركية بالقشطة
  3. الشعيبيات التركية حلويات تركية
  4. كيكة تركية بالشوكولاتة
  5. حلاوة الجبن بالموزاريلا
  6. تريليتشا (trileçe)
  7. بان كيك حلو
  8. كعك السميت التركي
  9. خبز اشما التركي
  10. البوزا التركية

 

متابعينا وصلنا الى نهاية مقال حلويات تركية بالصور والمقادير، يمكنكم متابعة المزيد من الوصفات والمقالات التي تتعلق بعالم الطبخ على منصة زاكي وصفة اكل من ربة بيت لربة بيت.

 

كما يمكنكم أيضا متابعة صفحتنا على موقع فيس بوك لمشاهدة المزيد من وصفات حلويات عربية وحلويات غربية.

 

تفضلوا بزيارة قناتنا على يوتيوب ومشاهدة المزيد من وصفات الطعام المصورة على يد أمهر الشيفات وربات البيوت، وتقديم أروع وصفات الحلويات ووصفات المعجنات والعديد من الوصفات التي تودون تجربتها.

عرض التعليقات (11)