جدول اكلات رمضان، كل يوم اكلة رمضانية مختلفة من زاكي

9 13٬090

جدول اكلات رمضان، كل يوم اكلة رمضانية مختلفة من زاكي.

جدول اكلات رمضان

جدول اكلات رمضان، تحتار كل ربات البيوت فى شهر رمضان المبارك عند تحضير واعداد الطعام اليومي على مائدة الفطور، وذلك خشية أن تقع في تكرار نفسها وأيضاً خشية الملل الذي قد يصيب أفراد المنزل ثم يصيبها، لذلك قررنا في منصة زاكي وصفة أكل من ربة بيت لربة بيت، أن نقدم لكم جدول اكلات رمضان لمدة ثلاثين يوم، بوصفة طبق رئيسي، وصفة حلويات، وصفة مقبلات او شوربة، لذلك تابعونا على مدار الثلاثين يوم للشهر الفضيل وتابعو معنا جدول اكلات رمضان على منصة زاكي.

 

  • جدول اكلات رمضان (أول يوم)

 

  • اكلات رمضانية، كرات اللحم باللبن (أطباق رئيسية لرمضان).

مقادير كفتة اللبن.

 

  •  لحمة مفرومة سن خشن 
  • لبن رايب
  • نصف ضمة بقدونس
  • رأس بصل صغير
  • ملعقة كبيرة نشا
  • مكعبين ماجي
  • 4 ملاعق كبيرة طحينية
  • عصير نصف حبة ليمون
  • ملح حسب الرغبة
  • فلفل أسود
  • ورق غار
  • للأرز:
  • أرز قصير الحبة
  • شعيرية
  • ملح
  • زيت قلي

 

طريقة عمل الكفتة باللبن.

 

  • اول شي نجيب اللحمة ونفرمها سن خشن مع البقدونس والبصل وبنحطها بالجاط ونعجنها كتير منيح مع بعض بعدين نحط عليها ملح وفلفل اسود وبعدين نعملهم كرات حسب الحجم المناسب.
  • جيبي طنجرة وبتحطي فيها ماء وورق الغار وملح وعلى الغاز حتى يغلي الماء، ننزل كرات الكفتة ونتركهم يغلو 10 دقائق ونشيل الرغوة اللي بتطلع على وجه اللحمة، وبعدين نصفيهم من الماء ونترك اللحمة على جنب.
  • هون نجيب الخلاط ونحط فيه اللبن والنشا والليمون والطحينية ونخلطهم كتير منيح بعدين نحطهم في طنجرة على الغاز ونظل نحركهم حتى يغلو ننزل كرات اللحم ونتركهم ربع ساعة ونطفي الغاز (ملاحظة اذا عندك اللبن ثقيل رخي بشوية مي حتى يصير قوامه منيح)
  • لعمل الرز: نقلب الشعيرية بشوية زيت قلي بعدين منحط الرز والملح ونقلبهم كتير منيح بعدين نحط عليهم ماء غمرتهم ولما يتشرب الرز كل كمية الماء نوطي الغاز على الأخير ونتركه حتى يستوي.

شاهد طريقة عمل البقلاوة. (حلويات رمضانية بالصور والمقادير) في موقع زاكي.

جدول اكلات رمضان (ثاني يوم)

  • طريقة عمل كبسة الدجاج خطوة بخطوة (أطباق رئيسية لرمضان)

مقادير أفضل كبسة دجاج.

  • البصل
  • البهارات الخشنة
  • الدجاج
  • صلصة  بندورة
  • كاتشب
  • ماسترد
  • زيت زيتون
  • شطة بودرة حارة
  • بصلة مفرومة أو بصلتين
  • سنين ثوم مفرومات
  • زيت قلي
  • ورقتين غار
  • حبة هيل وحبة لومي.
  • جزر مبروش
  • حبتين بندورة مفرومة
  • حمص حب منقوع ومسلوق
  • الرز
  • ملح
  • وفلفل اسود
  • مية سلق الدجاج
  • وبهارات مطحونه مشكله

 

طريقة عمل رز الكبسة

  • نسلق الدجاج مع البصل والبهارات الخشنه اللي بتكون مع بعضها جاهزة.
  • بس يستوى بصفي المي وبحطها على جنب وبحط معها صلصة بندورة.
  • الدجاج بحطو في صينية وبحط عليه التتبيله هاي: 
  • ملح، فلفل اسود، كاتشب، ماسترد، زيت زيتون، وشطة بودرة حارة، ونضعه بالفرن
    يتحمر عالجهتين.
  • طريقة الرز: 
  • انقعي رز حبة طويلة قد ما بدك.
  • في طنجرة حطي بصلة مفرومة أو بصلتين حسب الكميه المطبوخة، وسنين ثوم مفرومات مع شوية زيت قلي وبذبلهم سوا.
  • نحط معهم ورقتين غار، حبة هيل وحبة لومي حسب الرغبة، نضيف فوقهم جزر مبروش، ونذبله معهم وبعدين حبتين بندورة مفرومة وبالآخر حمص حب منقوع ومسلوق. 
  • نحركهم منيح وبعدين نضيف الرز ونقلبه معهم ونحط ملح، فلفل اسود، وبهارات مطحونة مشكلة، على النار تكون وسط. 
  • بعدين بحط مية سلق الدجاج اللي قمناها على جنب حتى اغطس الرز ونخلي النار عالية وبس يغلي نوطي النار تحته ونتركه يستوي وبعدين بطفيه وبتركه يتشرب منيح.

 

جدول اكلات رمضان (اليوم الثالث)

 

  • الكباب التركي (أطباق رئيسية لرمضان)

مقادير الكباب التركي.

 

  • صدر دجاج..مفروم ناعم
  • بصلة كبيرة مبروشة 
  • نص كوب بقدونس مفروم ناعم
  • ملعقة بهارات الكباب
  • ملعقة بهار الكاري
  • ملعقة بصل بودرة
  • ملح 
  • فلفل
  • طبخ الارز 
  • كوب ونص رز مغسول ومنقوع
  • ملعقة ملح
  • ثلاث حبات هيل
  • ملعقة كاري
  • ورقة غار
  • كوبين ماء
  • ملعقة سمنة
  • ملعقة زيت
  • مكسرات

 

طريقة عمل الكباب التركي.

  • تخلط مقادير الدجاج مع البهارات والمكونات المذكورة أعلاه، وتشكل عالسيخ وتوضع في مقلاة مسطحة على الغاز ممسوحة بالزيت وتقلب حتى تحصل على الاستواء.
  • اثناءها نبدأ بتحضير الرز:
  • نضع بالطنجرة كوبين ماء ونضيف اليهم: ملعقة سمنة مع الزيت وملعقه كاري، مع اضافة حبات الهيل ورق غار.
  • وعندما تغلي المكونات نصبها على الرز، نضيف الرز مع ملعقة ملح ونقلبهم مع بعض، ويغطى القدر ويترك على نار هادئة حتى تنشف المي,
  • مع الوقت تكون قطع الكباب استوت نخفف النار عن الرز ونضيف اسياخ الكباب فوق حبات الرز وتغطى وتترك حتى تستوي.
  • نضع الأرز في وعاء التقديم ويزين بقطع الكباب مع المكسرات.

 

حضري أسهل قطايف عصافيري سهلة. (حلويات رمضانية بالصور والمقادير)

 

جدول اكلات رمضان (اليوم الرابع)

 

  • مكرونة بالكريمة والدجاج (أطباق رئيسية لرمضان)

مقادير معكرونة بالكريمة البيضاء.

 

  • باكيت معكرونة حلزوني مسلوق 
  • صدور دجاج مقطعة مكعبات 
  • فليفلة حلوة مقطعة مكعبات 
  • علبة ذرة حلوة 
  • ٢فص ثوم مهروس 
  • جبنة موزاريلا 
  • ملعقة زيت زيتون 
  • ملح 
  • فلفل اسود 
  • للكريمة : كل كوب حليب يحتاج معلقة ونص طحين 
  • كل ٤ اكواب حليب يحتاجون ملعقتين جبنة كاسات أو كريمية ويتم تزويدها حسب المذاق 
  • ملعقة زيت ذرة 
  • ماجي بودرة للنكهة وملح 
  • ريحان ناشف ونعناع

 

طريقة عمل معكرونة بالكريمة.

 

  • يتم تشويح ملعقة الزيت الزيتون مع الثوم المهروس على الغاز ونضع عليها الملح والفلفل الاسود ومن ثم وضع مكعبات الدجاج إلى أن تستوي ثم يتم وضع الفليفلة والذرة لتتقلب مع الدجاج لعدة دقائق.
  • يتم خلط الصوص المكتوب أعلاه بالمولونيكس ومن ثم سكبه على الدجاج الا ان يغلوا غلوتين ومن ثم وضعه على نار هادئة مع وضع رشة ريحان ونعناع ويسكب فوقه المكرونة المسلوقة وتحركيها لثواني ومن ثم اطفاء النار ووضع كمشة بحجم اليد جبنة موزاريلا وتحريكه ومن ثم سكبه.

تعرفي على أفضل طريقة عمل خبز بالثوم والجبن والمايونيز. (مقبلات سهلة وسريعة)

 

جدول اكلات رمضان (اليوم الخامس)

  • صاجية أردنية (اكلات رئيسية لرمضان)

مقادير صاجية اللحم.

  • لحمة خروف مقطعة راس عصفور نصف كيلو
  • معلاق خروف:
  • كبدة/ قلب/فشة /كلاوي معلاق واحد
  • أوقية لية خروف مقطعة
  • نصف كيلو كبدة عجل مقطعة
  • أربع بصلات
  • ملعقتين زيت 
  • ملح
  • فلفل أسود
  • ثلاث حبات بندورة

 

طريقة عمل الصاجية الأردنية.

  • طبعا نحضر البصل نقشره ونفرمه خشن أو جوانح.
  • بالطنجرة بحط اللية أول شي ملعقتين زيت ما بكتر لأنه في لية.
  • بعدين بحط اللحمة وبقلبها مع اللية بعدين بحط المعلاق وكبدة العجل كله مع بعض منشان تطعم على بعضها بعد ما يتغير لونهم نضيف البصل وتقشر البندورات ونفرهم ونضيفهم عليهم وبغطي عليهم حتى يستوا بحط ملح وفلفل ويقدم مع لبن رايب.

تعرفي على أفضل طريقة لعمل شوربة كريمة الدجاج مثل المطاعم. (شوربات رمضان)

 

 

جدول اكلات رمضان (اليوم السادس)

 

  • ألذ مسخن فلسطيني (أطباق رئيسية رمضان)

مقادير المسخن الفلسطيني.

  • دجاج 
  • كيلو بصل 
  • كاسة شاي زيت زيتون
  • سماق حسب الرغبة
  • فلفل أسود
  • كركم
  • بهارات مشكلة
  • ملح
  • ملعقة صغيرة هيل مطحون
  • حبة بصل لسلق الدجاج
  • كمية البهارات كلها حسب رغبتك

 

طريقة عمل المسخن الفلسطيني بالصور.

  • اول شي فرمت البصل فرم خشن شوي وقلبته بزيت الزيتون لما تذبل ضفتله الملح والفلفل والبهارات المشكله ولما قرب يستوي ضفتله شوية شوربة من مرق الدجاج وبعدين ضفت السماق وفي طنجرة ثانية على النار قلبت الدجاج بالزيت والبصل والبهارات استخدمت نفس بهارات البصل بالاضافة الى رشة كركم صغيرة.
  • ونفرد البصل بعد ما استوى في صينية ونرص الدجاج فوقه بعد ما يستوي وندهنه بشوية زيت من زيت البصل الجاهز ونحمره بالفرن ونرشله شوية سماق واذا بتحب تزيينه باللوز وتقدميه مع السلطات والشوربات والمخللات وخبز الشراك او الطابون والف صحه وهنا.

حضري بسبوسة بصوص الشوكولاتة من موقع زاكي. (حلويات رمضانية بالصور والمقادير)

 

 

جدول اكلات رمضان اليوم السابع

  • طريقة عمل البامية (أطباق رئيسية رمضانية)

مقادير بامية لحم

  • ٢٠٠ غرام بامية
  • ٢٠٠ غرام لحمة مفرومة ناعمة
  • ١٠٠ غرام دهنة الخاروف
  • اثنين كيلو بندورة (طماطم)
  • ملح
  • ملعقة سكر
  • نصف ملعقة ثوم مهروس

 

طريقة عمل البامية باللحمة.

  • أول خطوة عندي بامية مفرزة بالفريزة بطالعها حتى تذوب من الثلج. 
  • بعدين بغسلها بمي باردة بحط بطنجرة ملعقة سمنة ونضيف الثوم المهروس ويقلب لمدة ثواني.
  •  نضيف اللحمة الناعمة والدهنة ونقلبها حتى يتغير لون اللحمة وتذوب الدهنة. 
  • بضيف البامية ونحركها مع بعض وبعدين نضيف مي البندورة تكون مجهزها ومصفيتها. 
  • نضيف الملح ونتركها على نار وسط ونضيف ملعقة سكر بدها ساعة اقل شوي حسب استواء حبات البامية الدهنية بتعطي طعم و دسامة طيبة للمرقة وفلفل صحن رز.

 

جدول اكلات رمضانية (اليوم الثامن)

  • برغل بالطريقة التركية (أطباق رئيسية رمضانية)

مقادير برغل بالدجاج.

  • برغل وسط
  • شعيرية
  • بندورة مقشرة ومفرومة ناعم 
  • فليفلة خضراء مفرومة ناعم
  • بصل مفروم
  • زيت او سمن
  • فلفل أسود 
  • دبس بندورة

 

طريقة عمل كبسة البرغل

  • نقلي الشعيرية حتى تشقر وبعدها البصل والفليفلة والبرغل ونضيف مرق الدجاج مع الفلفل الاسود وقليل من دبس البندورة.
  • نشوح البصل والفليفلة والبرغل ونضيف مرق الدجاج مع الفلفل الاسود وقليل من دبس البندورة الصلصة وقليل من مرق الدجاج ويطبخ على النار حتى الاستواء

 

حضري شوربة البصل التركية وصفة سهلة. (شوربات رمضان)

 

جدول اكلات رمضانية (اليوم التاسع)

  • دجاج مشوي مقرمش (أطباق رئيسية رمضانية)

مقادير دجاج مشوي.

  • اربع حبات دجاج حجم وسط 
  • التتبيلة : 
  • فنجان خل 
  • عصير ليمون
  • ملعقة ملح وفلفل اسود 
  • توم ست حبات مهروسين 
  • فنجان زيت زيتون 
  • كاسة شرب لبن رايب 
  • ملعقة فليفلة حمراء 
  • ملعقة فليفلة
  • معجون الفليفلة 
  • ملعقتين صلصة البندورة 

 

طريقة عمل دجاج مشوي بالفرن

  • خلطت المكونات بالخلاط، ثقبت الدجاج بالسكين وقسمته قسمين لكن تركته متصل من ظهر الدجاج، ونقعت الدجاج فيهم وتركتهم مدة عشر ساعات.
  • حمي الفرن مدة عشر دقائق، سويتهم بطبق غرانيت دهنته بزيت نباتي.
  • وتركتهم على نار هادئة مدة  ٣٠ دقيقة 

 

طريقة عمل الكنافة بالمنزل. (حلويات رمضانية بالصور والمقادير)

مقادير كنافة سهلة:

  • كوبين شعيرية كنافة
  • نص كوب سمن
  • علبتين قشطه قيمر
  • للزينة فستق حلبي
  • قطر (لكل كوبين سكر كوب وربع مي وعصرة ليمون )

 

طريقة عمل الكنافة سهلة وسريعة

  • اول شي نعجن السمنة بالشعيرية ونرصها بالصينية المناسبة صغيرة الحجم وإذا اكبر تتضاعف الكمية ونضغط بايدنا ونضيف القشطة على الوجه وعلى نار هادئة جداً على الغاز حتى تتحمر الأطراف ونقلبها على صينية التقديم ونضيف القطر ونزينها.

 

جدول اكلات رمضان (اليوم العاشر)

  • طريقة عمل البازلاء بالدجاج (أطباق رئيسية رمضانية)

مقادير البازلاء بالدجاج.

  • دبابيس دجاج حسب الرغبه
  • مطيبات لسلق الدبابيس:
  • بصلة صغيرة مقطعة مكعبات
  • قرن فلفل حار
  • حب هال
  • معلقه صغيره ملح
  • عود إكليل الجبل (روز ماري)
  • عود قرفة 
  • ملح 
  • فلفل أسود
  • نصف كيلو بازلاء طازجة
  • ٥ فصوص من الثوم
  • بصلة كبيرة مقطعة مكعبات
  • ٢ جزر مقطعين مكعبات
  • ملعقتين زيت نباتي
  • ملعقتين صلصة بندورة
  • ملعقة كبيرة فلفل أسود

 

طريقة عمل البازلاء بالدجاج

  • نضع بالطنجرة الدبابيس ونغمرهم بالميه حتى يغلو. نرفع الظفرة ونضيف المطيبات ونتركهم حتى يستوي.
  • المرقه بدنا نطبخ منها وكمان نفلفل برغل بديل الماجي إلى بنعرف أضراره الكثيرة.
  • في طنجرة ثانية نضيف الزيت والبصل والجزر والثوم ورشة ملح ونقلبهم حتى يذبلو شوية نضيف البازلاء ونقلب. 
  • نوطى الغاز ونغطى الطنجرة مش كتير، ٥دقايق وبعدها نضيف المرقة والفلفل وبحرك.
  • نغطي الطنجرة ونتركه يستوي على نار هادئة، لأنه البازلاء طازجة تأخذ وقت اكثر من المثلجه في السواء.
  • عند الاستواء نضيف ملعقتين الصلصة ونحركهم نضبط الملح ونتركه على نار هادئة حتى تتسبك الصلصة.

طريقة تحضير عجينة سمبوسك. (مقبلات سهلة وسريعة)

مقادير السمبوسك

  • خبز شراك
  • أي حشوة تحبيها

طريقة عمل السمبوسك

  • تقسمي الرغيف زي البيتزا ٨ مثلثات ونحشيها اللي بدك اياها واخر المثلث بتلزقي بالطحين عشان ما تفتح.
  • طبعا تحطي شوي طحين وعليه شوي مي وحركيهم، يكون قوامه زي الغراء عشان التلصيق وتلزقي فيه الخبز.
  • ولك حرية الاختيار يا بتقليه يا بتشويه.

جدول اكلات رمضان (اليوم الحادي عشر)

  • شرائح ستيك بالخضار. (أطباق رئيسية رمضانية)

مقادير ستيك بالخضار.

  • شرائح ستيك 
  • فليفلة حلوة احمر واخضر واصفر
  • فطر طازج
  • بصلة كبيرة مقطعة جوانح
  • ٣ ملاعق حليب بودرة
  • ملعقتين لبن رايب
  • ملعقة طحين
  • نص كوب ماء
  • ملح
  • فلفل أسود
  • قرفة
  • زنجبيل
  • مكعب ماجي
  • ملعقتين كبار زيت زيتون
  • ملعقتين كبار خل تفاح او خل ابيض عادي

 

طريقة عمل ستيك بالخضار

  • نتبل اللحمة وننقعها بالخل والملح والفلفل الاسود والقرفه والزنجبيل وملعقتين زيت زيتون.
  • نتركهم اربع ساعات او اقل مافي مشكلة المهم نتركه فترة.
  • نقطع البصل شرائح ونضعها مقلاة ملعقتين كبار زيت زيتون وندبل البصل.
  • نقطع الفطر قطع صغيرة شرائح، نضع الفطر على البصل ونحركه الى ان يدبل.
  • نقطع الفلفل الحلو الالوان الى شرائح رفيعة ونضعها فوق البصل والفطر ونحركها الى يدبل ويستوي الخضار.
  • نحط عليه بعد ما يستوي مكعب ماجي ونحرك مع شوية ملح وشوية فلفل اسود
  • بصحن عميق نحط الحليب الباودر واللبن والطحين ونحرك جيدا مع نصف كوب ماء.
  • نديره على الخضار ونحرك الى ان يتسبك ويثخن قليلا يصبح شوي جامد نطفي النار.
  • نقلي اللحمة بقليل من الزيت بمقلاة على نار حامية اول بعدين نخفف النار لما تستوي اللحمة.
  • بس تستوي نحطها بالصحن وجمبها الخضار ونحط على وجه اللحم والخضار جبنة موزاريلا.

 

فتة داوود باشا. (أطباق مقبلات سهلة وسريعة)

مقادير فتة داوود باشا

  • خبز عربي مقطع و مقلي
  • كرات اللحمة
  • نصف كيلو لحمة عجل مفرومة
  • رشة بقدونس مفروم حسب الرغبة
  • ملعقتين كبار زيت نباتي
  • ملعقتين كبار بصل مبشور حسب الرغبة
  • رشة ملح و فلفل اسود
  • نصف ملعقة صغيرة بهارات مشكلة
  • لصلصة البندورة
  • حبتين كبار بندورة مبشورة
  • بصلة مقطعة شرائح
  • ملعقة كبيرة فلفل اخضر حار مفروم حسب الرغبة
  • سن كبير ثوم مهروس
  • ملعقتين كبار صلصة البندورة
  • ملعقتين كبار زيت نباتي
  • ملعقتين كبار دبس رمان وممكن اقل حسب الرغبة
  • ربع كاسة مية
  • رشة ملح و فلفل اسود و بهارات مشكلة و سكر و بابريكا حارة
  • للبن
  • كاسة لبن
  • ملعقتين كبار طحينية
  • عصرة ليمون
  • ثوم مهروس
  • رشة ملح

طريقة عمل داوود باشا

  • تخلطي لحمة مع ملح و فلفل اسود و بهارات مشكلة و زيت نباتي و البصل والبقدونس وتكوريها، تقليها او تشويها.
  • بتقلي البصل ليذبل وضيفي الثوم المهروس والفلفل الحار، أضيفي البندورة
  • أضيفي صلصة البندورة ودبس الرمان رشة ملح و فلفل اسود و بهارات مشكلة و سكر و بابريكا حارة وتقلبيهم تضيفي المية تتركيها تغلي وتتسبك تنزلي عليها كرات اللحمة.
  • اخلطي اللبن مع الطحينة والثوم والليمون تضيفي رشة ملح، بجاط التقديم حطي الخبز وتوزعي كرات اللحم و فوقها اللبن.

 

 

 

جدول اكلات رمضان (اليوم الثاني عشر)

  • صينية ريش بالفرن. (أطباق رئيسية رمضانية)

مقادير صينية ريش بالبطاطس.

  • البطاطا 
  • البصل
  • الريش
  • البهارات يلي بتحبوها
  • ملح
  • زيت زيتون

طريقة تحضير صينية ريش بالفرن

  • صينية بطاطس بالريش سهلة وطيبة كتير نقطع البطاطس والبصل ونتبل الريش بالبهارات وملح وزيت زيتون نلفها بالقصدير وبالفرن لمدة ساعة ونصف تقريبا ونحمرها شوي وصحتين وعافيه.

 

ورق عنب. (أطباق مقبلات سهلة وسريعة) 

مقادير ورق عنب.

  • رز قصير الحبة 
  • بندورة مفرومة خمس حبات
  • بقدونس مفروم ناعم
  • نعناع اخضر او يابس
  • بصل راس كبير مفروم وسط
  • زيت زيتون وملح وليمون

طريقة تحضير ورق العنب

  • اول شي نسلق ورق العنب نصف سلقة وبطفي الغاز تحته ونتركها بقلب المي حتى ما تنشف معي يعني ما بصفيها
  • بنقع الرز ونغسله عدة مرات، بخلط كل الخضرة
  • والملح وزيت الزيتون نص كاسة
  • ملعقة صغيرة قهوة بودرة يعطيها طعم لذيذ
  • ملعقة سماق ناعم رشة فلفل او معلقة كاري صغيرة
  • نتبل الحشوة ونبدأ بلف الورق مثل المعتاد
  • ويصفهن بطنجرة وبتقلها لحتى ما تفتح معي حبات الورق ويغمرها ماء بعد الاستواء نضيف عصير ليمونتين عليها وبطفي الغاز بتركها شي ربع ساعة ونصبها وبقدمها.

 

 

جدول اكلات رمضان (اليوم الثالث عشر)

  • طاجين باذنجان في الفرن. (أطباق رئيسية رمضانية)

مقادير طاجين بادنجان.

  • باذنجان مقطعه بشكل دائري
  • بندورة مقشرة ومقطعة دوائر
  • لحمة شقف مدهنه
  • ثوم ملح

طريقة عمل طاجين باذنجان في الفرن

  • نقلي اللحم لنتخلص من الزفر نضيف الماء الحار ويغلي حتى الاستواء نقطع جميع الخضار.
  • نقلي اللحم من جديد بالسمن وبعدين الباذنجان ويصف طبقات في الفخار نضيف ربع كاس من الماء ويطبخ حتى الاستواء.
  • نضيف بالاخير الثوم المفروم.
  • وبعدها ب٥دقايق نرش الجبنة من فوق
  • وتوضع بالفرن من فوق
  • حتى الاحمرار
  • ملاحظة اللي ماعندا فخارة بصينية عادي

 

كوكتيل تفاح وفراولة. (عصائر رمضانية)

مقادير كوكتيل تفاح وفراولة

  • 4 حبات تفاح أحمر مقطع بقشرته
  • عصير نصف حامضة أو حامضة كاملة حسب الحموضة لي تحبوها
  • عصير برتقالة
  • ملعقتين كبيرتين سكر( حسب الذوق )
  • كيس ڤانيلا
  • 250غ فراولة
  • ملعقة كبيرة مربى الفراولة(اختياري ممكن تعويضه بالعسل)
  • لتر ماء بارد

طريقة عمل كوكتيل 

  • في إناء نخلط التفاح و الفراولة مع عصير الحامض السكر و الڤانيلا و نتركها في الثلاجة تقريبا نصف ساعة حتى يذوب السكر و تتعسل المكونات.
  • في الخلاط نحط الفواكه و نضيف عصير البرتقالة و المربى و نطحن الكل مع إضافة الماء البارد.
  • خثارة العصير حسب الذوق لي يحب العصير خفيف يضيف عصير برتقالة ثانية، و ماء بارد.

 

 

 

جدول اكلات رمضان (اليوم الرابع عشر)

  • عمل المحاشي بانواعها. (اكلات رمضانية مصرية).

مقادير محاشي مشكلة.

  • كوسى وباذنجان
  • رز مصري
  • لحم مفروم
  • بصل 
  • فليفلة حلوة
  • زيت للقلي
  • بندورة معصورة بالخلاط
  • ماجي فلفل اسود وبهارات وكمون وكركم
  • ملح حسب الرغبة 
  • نعنع ناشف

طريقة المحاشي بالرز

  • الحشوة :نضع زيت بالمقلاه مقدار ملعقتين
  • ثم نضع اللحمه المفرومه ونقلبها حتى الاستواء
  • ثم نضع البصل مفروم ناعم
  • ثم فليفلة حلوة مفرومة ناعم حبة بندورة مفرومة ناعم رشة كمون حبه ماجي وكركم ورشة ملح فلفل اسود ونحركه على نار هادئة
  • نضع الارز المنقوع والمغسول في وعاء آخر ثم نضع خلطة اللحمة الي عملناها عليه ونرش نعناع ناشف
  • الطريقة نقور الكوسا أي نخرج منها الب تماما وكذلك الباذنجان ونفتح الفليفلة من الجنب
  • ونحشيها بالخلطه ثم نقليها حتى تتحمر على نار عاليه تتحمر دوم ان تستوي بس تاخذ لون ونصفها بالصينية ونضع بالخلاط بندورة وماجي وبهارات ورشة ملح وماء حسب كمية المحاشي ونضعها على المحاشي ونغلف الصينية بورق الالمنيوم (القصدير)ونضعها بالفرن لمدة ساعة حتى الاستواء.

 

سلطة البرغل الشامية. (أطباق مقبلات سهلة وسريعة)

مقادير سلطة البرغل

  • نصف بصلة مفرومة
  • ملعقة معجون طماطم
  • ودبس الرمان
  • ومي السماك
  • وشوية فلفل أحمر أو شطة
  • وشوية مي
  • البرغل
  • الصلصلة
  • بصل مفروم
  • طماطم مكعبات
  • معدنوس مفروم

طريقة عمل سلطة البرغل الشامية.

  • نصف بصلة مفرومة نحمسها ونضيف عليها ملعقة معجون طماطم ودبس الرمان ومي السماك وشوية فلفل احمر أو شطة وشوية مي هسه نضيف البرغل ونطفي النار حتى يتشرب الصلصة من يبرد نضيف الخلطة : بصل مفروم، طماطم مكعبات، معدنوس مفروم.

 

جدول اكلات رمضان (اليوم الخامس عشر)

  • صينية كباب بالفرن. (أطباق رئيسية رمضانية)

مقادير كباب بيتي بالفرن

  • كيلو ونصف لحمة حمراء لحمة عجل
  • نصف كيلو لية
  • 2 بصل
  • ملح حسب الحاجة
  • برغل ناعم
  • فلفل أسود ملعقة كبيرة خردل
  • هيل
  • قرفة

طريقة عمل كباب بيتي بالفرن.

  • نطحن بصلتين ناعم ونحطهم بمصفاة لتنزل ميتهم
  • ونضيفهم اللحمة ونضيف فنجان برغل ناعم مغسول ملعقة كبيرة خردل وملح وهيل وفلفل اسود.
  • ورشة قرفة صغيرة ونخلطهم كتير منيح
  • ونخلط حتى تتجانس المكونات تماما
  • بنجيب مية البصل ونحط معاها شوية زيت ونبلش نصفهم على السيخ
  • وأثناء التشكيل نحط ايدنا بمية البصل والزيت
  • نشكلها على السيخ ونطلعها من السيخ لان بدنا نحطها بالفرن في
  • حالة لدنا نحطهم على الفحم بنخليهم بالسيخ
  • نصفهم على ورقة زبدة
  • واذا ماتوفر ورق الزبدة عادي بندهن الصينية شوية زيت
  • وعلى الفرن بدهم بس من ربع لنصف ساعة على نار وسط حسب فرنك
  • وبنحط فحمة في صحن قصدير فيه زيت ونغطي الكباب لتأخذ طعم التدخين

 

كيكة الزعتر والجبن بالزبادي. (أطباق مقبلات سهلة وسريعة)

مقادير كيكة الزعتر والجبن بالزبادي

  • ١ كوب طحين
  • ١ كوب لبن رايب
  • رشة ملح
  • ٢ م ك سكر
  • ٢ بيضه
  • ١ م ك بيكنج باودر
  • رشة فانيليا
  • ١ م ك خل
  • فنجان زيت نباتي (عيار فنجان القهوة العادي)
  • للوجه:
  • ٤ حبات جبنه مثلثات
  • ٣م ك زعتر

طريقة عمل كيكة الزعتر والزبادي

  • نشعل الفرن على درجة حرارة ١٨٠
  • نخلط المواد الجافه معا، ثم نخلط البيض والخل والفانيلا معا، ونضعهم ع المواد الجافة، ثم الزيت واللبن.
  • ندهن جاط بايركس بالزيت والطحين، ثم نضع الخليط، ونوزع جبن المثلثات والزعتر على الوجه.
  • تقريبا بدها ربع ساعه بالفرن، وتختبر متلها متل اي كيكة، نحمر الوجه قليلا، تقطع عندما تبرد.

 

 

جدول اكلات رمضان (اليوم السادس عشر)

  • كبة مشوية بالفرن. (أطباق رئيسية رمضانية)

مقادير كبة مشوية

  • ٢ ك برغل ناعم
  • ماء بصلتين 
  • رشة ملح 
  • فليفلة حمراء
  • رشة نشا
  • هبرة ك
  • كيلو ونصف حشوة من فلفل اسود فليفلة حمرا ملح
  •  كيلو شحمة مفرومة

طريقة عمل الكبة المشوية

  • يغسل لمرة واحدة ويصفى من ماء البصلتين، رشة ملح فليفلة حمراء
  • ثرم بالمكنة وجه واحد وبنحط هبرة ك
  • ونجعكن مع بعض مزبوط مع رشة نشا
  • الحشوة
  • كيلوا ونص حشوة تنحط بطنجرة وبنحمسهن حتى تنشف من المي ونحط فلفل اسود وفليفلة حمراء ملح حسب رغبة
  • بنحط كيلوا شحمه مثرومه فوق الحشوة بنحركن للدوبان مع الحشوة ونطفي الغاز
  • وحسب رغبتك اذا بتحطي صنوبر او جوز
  • والأفضل الحشوة تعمليا مسا قبل شغل فيا ب١٢ساعه

 

طريقة عمل ليمون بالنعناع. (عصائر رمضانية)

مقادير سلاش الليمون بالنعناع

  • ٤ حبات ليمون شرائح
  • ربع كوب نعناع أخضر
  • ٢ فنجان سكر ( او حسب الرغبه)
  • ١ ليتر ماء بارد ومثلج
  • ١٢ مكعب ثلج

طريقة سلاش الليمون بالنعناع

  • ننزع بذور الليمون لانها مرة بالعصير، ثم نضعه مع باقي المكونات بالخلاط ونضرب جيدا.
  • ويقدم مثلج فريش ومزين بشرائح الليمون والنعناع

 

 

 

جدول اكلات رمضان (اليوم السابع عشر)

  • ستيك بقري. (أطباق رئيسية رمضانية).

مقادير ستيك بقري

  • قطع ستيك
  • ملح وفلفل
  • زبدة
  • الفطر بطل
  • وتوم وزبده وطحين وليمون وفلفل وماجي.
  • البطاطا ملح و ثوم وزبده فلفل وحليب

طريقة عمل ستيك بقري 

  • نكون مجهزين قطع الستيك وغاسلينو ونملحه ونرش عليه فلفل ومنجيب مقلاة نحط معلقتين زبده وبعدا نضع قطع الستيك شي عشر دقايق ونقلبهم للوجه الثاني ونغطيهم من شان يستوي ونظل نقلب حتى يحمرو وياخدو لون انا ظلوا ساعة تقريبا
  • نسلق البطاطا ونقشرها ونحط عليها ثوم وحبة ملح حتى تستوي وهي سخنة صفيها من الماء ونهرسها ونحط عليها معلقتين زبدة وفلفل وشي فنجان صغير حليب سائل وبهرسها منيح ونكورها كور صغار هلأ الفطر بجيب بصله بفرمها بزبدة وحتى تذبل بحط علبة فطر مقطع وبحرك وفلفل علبة ماجي وشوية مي وبعدا بعصر فوقا ليمونه ومعلقتين طحين وبحرك حتى تسمك وهيك يكون الصوص جاهز ونقلي بطاطا وسلطة جنبا وهيك بكون غدانا جاهز للصب وللتقديم

 

طريقة عمل قطايف رمضان. (أطباق حلويات رمضانية بالصور والمقادير)

مقادير عمل قطايف رمضان

  • كوبان دقيق منخول
  • كوب سميد ناعم
  • كوبان حليب دافي
  • كوبان ماء دافىء
  • 3-ملعقة كبيرة سكر
  • ربع ملعقة صغيرة ملح
  • ملعقة صغيرة خميرة
  • ملعقة صغيرة بيكنج بودرة

طريقة عمل قطايف رمضان

  • في الخلاط الكهربائي نضع الحليب الدافئ، نخلطهم مع الدقيق وفي بالتدريج ونضع باقي
  • المكونات لنحصل على عجينه ثقيله بعدين بعد عشر، دقائق نبلش نصب القطايف في مقلى أو على الجريل ملاحظة هامة ما تخلي عجينة القطايف تخمر، كثير عشان طلو في هاد الشكل

 

جدول اكلات رمضان (اليوم الثامن عشر)

  • كبة مقلية بدون ماكينة. (أطباق رئيسية رمضانية)

مقادير كبة مقلية.

  • 1 كغ برغل ناعم
  • 2 بصلة
  • وملح
  • وبهار
  • ربع كيلو لحمة هبرة

طريقة عمل الكبة المقلية المقرمشة.

  • الكبة المقلية لعشاقها. ينقع 1 كغ برغل ناعم عمقي ويدار على مفرمة اللحمة مع 2 بصلة وملح وبهار وربع كيلو لحمة هبرة وللحشوة لحمة ناعمة تقلى مع بصلة مفرومة وبهار وملح ومكسرات
  • تقطع العجينة إلى قطع وتحفر بالاصبعة وعمل تجويف داخلها وتحشى بالحشوة ويعاد غلقها من الأطراف بعد غمس الاصابع بالماء ثم تقلى بالزيت الساخن حتى تصبح لونها ذهبي وتوضع على ورق المطبخ ثم تقدم

 

كبة العدس المقلية. (أطباق مقبلات سهلة وسريعة).

مقادير عمل كبة العدس التركية.

  • نصف كوب عدس مجروش
  • كوب ونص مي
  • معلقة زيت زيتون
  • نصف معلقة صغيرة كمون
  • نصف كوب برغل ناعم مغسول
  • ملعقة فليفلة حمرا مبروشة
  • ملعقة كبيرة صلصة بندورة
  • وفلفل أسود
  • ملعقة بابريكا
  • عصير حامضة
  • وبقدونس مفروم
  • بصل أخضر مفروم
  • حبق ريحان مفروم

طريقة عمل كبة العدس التركية.

  • سلقت نصف كوب عدس مجروش بعد ما غسلته، مع كوب ونصف ماء حتى نضجوا ومطلوب يكون بعد عليهن مي مش ناشفين. 
  • وضفت عليها معلقة زيت زيتون ونصف ملعقة صغيرة كمون ونص كوب برغل ناعم مغسول بدون نقع وغطيها بالغطاء وحطيت منشفة عليها حتى تحتفظ بالحرارة. 
  • بمقلاة  زيت زيتون قليت بصلة مفرومة حتى اصفرت ضفت عليها معلقة فليفلة حمرا مبروشة او معجون الفليفلة وضفت معلقة كبيرة صلصة بندورة وفلفل أسود ملعقة بابريكا كشفت الطنجرة وكان العدس شرب المي ضفت عليها البصل وحركتهم بالمعلقة لانهم سخنين بكونوا وبعد شوي دعتكهم بأيديا وضفت عليهم عصير حامضة وبقدونس مفروم وبصل اخضر مفروم وحبق ريحان مفروم اختياري وملح ودعتكهم منيح وعملتهم اقراص وزينتهم بالجوز. 
  • وممكن نسكبها في صحن وتزين بزيت الزيتون.

 

جدول اكلات رمضان (اليوم التاسع عشر)

  • رز مدخن بالخضار. (أطباق رئيسية رمضانية)

مقادير رز مدخن

  • 10 قطع دجاج
  • نصف راس ثوم
  • رز بسمتي
  • بصل
  • 2 ملعقة كبيرة صوص طماطم
  • ربع كوب زيت زيتون ملعقة كبيرة
  • دبس الرمان
  • ملعقتين كبيرة خل ابيض
  • ملح
  • ملعقة صغيرة فلفل اسود
  • ملعقة صغيرة زنجبيل مطحون
  • ملعقة صغيرة هيل مطحون
  • 1 ملعقة لبن
  • ملعقة صغيرة كركم
  • ملعقة صغيرة كزبرة ناشفة
  • ملعقة صغيرة بابريكا حار

طريقة عمل رز مدخن بالدجاج.

  • 10 قطع دجاج
  • مقادير بهارات نقع الدجاج بفضل نقع قبل في يوم نصف راس ثوم 2 ملعقة كبيرة صوص طماطم ربع كوب زيت زيتون ملعقة كبيرة دبس الرمان ملعقتين كبيرة خل ابيض
  • ملح ملعقة صغيرة فلفل اسود ملعقة صغيرة زنجبيل مطحون ملعقة صغيرة هيل مطحون
  • 1 ملعقة لبن
  • ملعقة صغيرة كركم
  • ملعقة صغيرة كزبرة ناشفة
  • ملعقة صغيرة بابريكا حار
  • زعفران
  • أول خطوة نضيف الدجاج المقطع بنصفي بنخلي ع جنب
  • الخطوة الثانية :في وعاء نضع جميع البهارات المذكورة والزيت والخل ولبن وصوص الطماطم بعدين نسكبهم فوق الدجاج نتبلهم جيداً نخليهم في الثلاجة ليلة كاملة عشان يأخذ طعم التتبيلة
  • الخطوة الثالثة
  • طريقته الشوي اذا طبعا شوية الدجاج عالفحم ينفع ع جهتين بعدين نفلفل الرز البسمتي بس بضيف ملح عليه شوية زيت
  • عشان بدي بس يخلص الرز بقلي البصل المقلي ع الرز ونرص الدجاج المشوي وندخن الدجاج مع الرز.

 

كوكتيل بيتي. (عصائر رمضانية).

مقادير عمل كوكتيل بيتي.

  • موز
  • فراوله
  • تفاح
  • عنب
  • مشمش
  • كيوي
  • كأس حليب بارد
  • كاسه سكر

طريقة عمل كوكتيل بيتي.

  • بالخلاط نضع الفواكه ونضيف الحليب والسكر ونخلطهم ونضعها في الثلاجه ويقدم ويزين بالفواكه.

 

جدول اكلات رمضان (اليوم العشرون)

  • فتة دجاج باللبن. (أطباق رئيسية رمضانية)

مقادير فتة دجاج فلسطينية.

  • 2 صدر دجاج مقطع
  • م ص بودرة بصل
  • م ص بودرة ثوم 
  • م ص ملح
  • م ص بودرة ورق غار او ورقة غار
  • م ص كاري 
  • ربع ملعقة هيل مطحون 
  • ربع ملعقة فلفل ابيض 
  • م ص بهارات 
  • 2 ملعقة زيت
  • كوبين من الماء (مرقة الدجاج)
  • كوب رز طويل و مغسول ومنقوع
  • 2 ملعقة سمنة
  • كوب ونصف ماء
  • 0.5 كغ لبن زبادي 
  • ملعقة كبيرة طحينة
  • م ص ملح
  • توم مدقوق 
  • خبز مقطع ومقلي
  • رشة بهارات على الوجه
  • بقدونس مفروم مكسرات

طريقة عمل فتة الدجاج باللبن.

  • نضيف للمقلاة ملعقتين زيت وتضاف قطع الدجاج مع المنكهات من الملح و بودرة ورق الغار والثوم والبصل والكاري.
  • الهيل والفلفل الابيض وتقلب على نار حتى تأخذ اللون الابيض.
  • بعدها نضيف كوبين ماء وتغطى الى ان تستوي
  • يقلب الأرز مع ملعقة السمن على النار لمدة 2 د وبعدها نضيف كوب ونصف من الماء الساخن مع الملح ويغطى ويترك على نار هادئة ليستوي تماما..
  • نجهز صلصة الزبادي.
  • نضيف للبن الزبادي الطحينة مع رشة ملح و الثوم مدقوق و نخلطها جيدا
  • نقطع الخبز الى مكعبات متوسطة الحجم ونقليه بالزيت 
  • طريقة التقديم
  • نفرش الخبز المقلي بالجاط ..ونسقيه بقليل من مرق الدجاج 
  • ونضع فوقه الارز المطبوخ المستوي 
  • وقطع الدجاج المستوية
  • ونغطي وجه الجاط بصلصة اللبن الزبادي المجهزة 
  • نحمي السمنة في مقلاة ثم نسكبها مباشرة على الوجه ثم نزينه بالبقدونس واي نوع من المكسرات المتوفرة

 

عصير الخروب. (عصائر رمضانية).

مقادير عصير الخروب الطبيعي

  • نص كيلو خروب
  • كاسة سكر
  • لترين ماء

طريقة عمل عصير الخروب

  • نقوم بغلي لترين الماء
  • نضع كاسة سكر في قدر ع النار ونضيف كاسة ماء من الماء المغلي وندعها على النار حتى تصبح كالكراميل
  • نغسل الخروب وننقيه من الشوائب ونضيف له السكر الكراميل ونحركهم جيدا 
  • نضيف ما تبقى من الماء المغلي وندعها على النار لمدة نصف ساعة .
  • نترك الخروب حتى يبرد ثم نصفيه بمصفاة منخل ناعمة ونضعه في الثلاجة ونضيف مكعبات الثلج عند التقديم.

 

 

جدول اكلات رمضان (اليوم الواحد والعشرون)

  • طريقة عمل دبابيس الفراخ في الفرن. (اكلات رمضانية بالصور والمقادير).

مقادير دبابيس الفراخ بالبطاطس.

  • البطاطا 
  • قطع الدجاج بالطحين والملح والخل.
  •  كركم
  • كزبرة
  • بابريكا
  • فلفل اسود
  • زيت الزيتون
  • ثوم 

طريقة عمل دبابيس الفراخ بالفرن

  • البطاطا قطعتن بقشرهم وغسلت قطع الدجاج بالطحين والملح والخل. وحضرت التتبيلة ملح كركم كزبرة بابريكا فلفل اسود وشوية حار بودرة خلطتهم بزيت الزيتون وخلطت جزء منهم مع البطاطا والباقي مع قطع الدجاج وحطيته على صينية شبك وشويتهم حتى تحمروا في الفرن حوالي أربعين دقيقة وعملت ثوم الفروج بالبيت كتير طيب والف صحة. 

 

عجة الخضار المقلية. (أطباق مقبلات سهلة وسريعة)

مقادير عجة الخضار بدون بيض

  • 2 حبة بطاطا 
  • 2 حبه كوسا
  • نص كوب دقيق
  • 2بيضة
  • نصف باقة بقدونس مفروم 
  • بصل اخضر مفروم رشه بهارات ملح رشة فليفلة حمرا
  • 2 ملعقة زيت

طريقة عمل العجة.

  • نقشر البطاطا ونبرشها ونبرش الكوسا.
  • نخفق البيض ونضيف له الملح وبهارات الفلفل الأحمر مع البقدونس والبصل الأخضر المفرومين.
  • نضيف الى مزيج البيض البطاطا والكوسا المبروشة مع الطحين ونخلطهم مع بعض حتى يتماسك الخليط.
  • ونضيفهم للقالب المدهون بالزيت وندخلها للفرن المحمى مسبقا لمدة 20د.
  • تقدم وتزين بالخضار المتوفر.

جدول اكلات رمضان (اليوم الثاني والعشرون)

  • لازانيا بالخضار. (أطباق رئيسية رمضانية).

مقادير لازانيا لحم.

  • معلقتين كبار زيت
  • بصلتين مفرومين
  • اللحمة المفرومة
  • ثوم مهروس
  • فطر طازج مقطع أو معلب
  • ملعقتين كبار صلصة بندورة
  • حمرا معصورة او مبروشة حوالي كوبين
  • ملح فلفل اسود اوريجانو
  • خمس أكواب حليب
  • اربع ملاعق زبدة وملعقة زيت
  • خمس ملاعق كبيرة طحين
  • نص معلقة صغيرة ملح
  • وبرش جوز الطيب
  • بهار أبيض او أسود
  • شرائح اللزانيا
  • صلصة اللحم الحمراء
  • جبنة مبروشة

طريقة عمل اللازانيا.

  •  في طنجرة تحطي معلقتين كبار زيت زيتون وبتقلي بصلتين مفرومين ليدبلوا.
  • تضيفي اللحمة المفرومة وتقلبيهم ليأخذوا لون تضيفي ثوم مهروس وفطر طازج مقطع او معلب. 
  • تقلبيهم شوي ثم ضيفي ملعقتين كبار صلصة وقلبيهم دقيقة ثم بندورة حمرا معصورة او مبروشة حوالي كوبين وحركيهم ثم ملح فلفل اسود اوريجانو واتركيهم على الغاز يتسبكوا جيدا حوالي نص ساعة. 
  • اعملي البشاميل طنجرة تسخن خمس اكواب حليب وفي طنجرة ثانية تحطي اربع ملاعق زبدة وملعقة زيت حتى تذوب الزبدة تضيفي خمس ملاعق كبيرة طحين 
  • حركيهم حتى يتحمصوا شوي بدون ما يتغير لونهم اضيفي الحليب الساخن بالتدريج مع التحريك حتى تحصلي على صلصة البشاميل. 
  • حطي نصف معلقة صغيرة ملح وبرش جوز الطيب او بهار أبيض او أسود. 
  • تدهن صينية بايركس او صينية فرن بالزيت وتحطي شوي بشاميل و تصفي ورق شرائح اللازانيا بدون سلق فوقه صلصة اللحم الحمراء وفوقه شرايح لازانيا الى أن تفرغ الكمية ثم جبنة مبروشة ودخليهم فرن وسط حتى ينضجوا ويشقر الوجه حوالي نص ساعة.

 

تمر محشي فستق حلبي وكوكتيل حليب بالفستق والعسل. (تحلاية رمضانية، عصائر رمضانية)

المقادير

  • مقادير التمر المحشي تمر حسب الطلب
  • فستق حلبي محمص مطحون خشن
  • فستق محمص او فول سوداني مطحون خشن
  • 2 مقادير كوكتيل الحليب والفستق الحلبي
  • اربع كاسات حليب
  • كاسة فستق حلبي مجروش
  • عسل او سكر حسب الرغبة
  • مكعبات ثلج

طريقة عمل الوصفة

  • بنزع النوى من حبات التمر ونحشيها فستق حلبي او اي نوع مكسرات محمصة حسب الرغبة وتقدم.
  • طريقه الكوكتيل
  • نضع الحليب والفستق والعسل ومكعبات الثلج ونخلطهم على الخلاط ويقدم.

 

 

جدول اكلات رمضان (اليوم الثالث والعشرون)

  • صينية لحمة بالفرن. (أطباق رئيسية رمضانية).

مقادير لحم بالفرن.

  • كيلو لحمة شقف أو رأس العصفور
  • اربع حبات بصل مقطع دوائر
  • ملعقة بابريكا كبيرة
  • ملعقة بهارات لحمة كبيرة
  • ملعقة هيل ناعم صغيرة
  • ملعقة فلفل اسود كبيرة
  • ملعقة دبس الرمان
  • ربع فنجان قهوة زيت زيتون أو نباتي
  • باكيت ماجي بودرة
  • أربع حبات بندورة
  • وأربع حبات بصل مقشرة 
  • حبتين فلفل
  • ملعقة صغيرة سماق
  • ورشه بقدونس تزين الوجه

طريقة عمل اللحمة بالفرن.

  • في صينية بايريكس أو تفال عادي يكون البصل مقطع دوائر بنصفه بآخر الصينية في جاط ع جنب.
  • المكونات مع بعض ونضيف اللحم فوق البصل من فوق حبات البندورة والفلفل الحار و البصل الكامل الحب
  • وتغطينه بقصدير من ساعة ونصف إلى ساعتين بالفرن ع نار وسط وبعدين تحمر الوجه إذا كان لازمه تحمير.

 

سلطة سيزر الأصلية. (أطباق مقبلات سهلة وسريعة).

مقادير سلطة سيزر

  • خس مفروم خشن
  • بندورة مفرومه بحجم كبير مكعبات
  • بطاطا مقلية
  • صدر دجاج مقطع جوانح
  • طحينية
  • لبن 
  • عصير ليمون
  • ملعقة خل
  • ثوم بودر
  • بصل بودر
  • ملح

طريقة عمل سلطة سيزر

  • اول طبقة تفرم الخس خشن وترص في قاع الطبق
  • الطبقة الثانية توضع مكعبات البندورة المقطعة حجم كبير بشكل منظم.
  • الطبقة الثالثة يتم قلي مكعبات البطاطس المبهر بالفلفل الاسود والبابريكا والملح ووضعها
  • الطبقه الثالثه يزين الطبق بالدجاج المشوح على الغاز بزيت الزيتون
  • طريقة الدجاج :
  • تتبيلة الدجاج : ملعقتين لبن، ملعقة خل، ملعقة عصير ليمون، ملح، بابريكا، بهارات دجاج حمرا أو اي بهارات دجاج بتحبيها، ملعقة زيت زيتون وبهارات بصل وتوم باودر ثم تنقع بالثلاجه ساعه قبل القلي
  • ثم تسخن قلاية على النار فيها ملعقتين زيت زيتون ويشوح الدجاج المقطع جوانح مدة خمس دقائق ويقلب من حين لاخر ثم يزين به الطبق
  • الصوص :
  • ٣ ملاعق لبن، ملعقتين طحينية، ملعقة عصير ليمون ويتم إضافة الليمون حسب الرغبة، نصف ملعقة خل، رشة ثوم وبصل باودر.
  • يحرك الصوص جيدا ويوضع على الطبق بشكل خطوط

 

جدول اكلات رمضان (اليوم الرابع والعشرون)

  • دجاج بروستد مقرمش. (أطباق رئيسية رمضانية).

مقادير دجاج بروستد.

  •  دجاجة مقطعة 10 قطع
  •  كاسه شنينة او لبن
  •  ملعقة كبيرة بصل بودرة
  • ملعقة كبيرة ثوم بودرة
  • ملعقة كبيرة بابريكا حلوة
  • ملعقة كبيرة زنجبيل مطحون
  • ملعقة كبيرة بهارات الكيجن من العطار
  • رشة فلفل اسود
  • رشة ملح
  • بزيت غزير وحامي

طريقة عمل البروستد المقرمش.

  •  جيب دجاجة مقطعة 10 قطع ولازم تكون حجمها وسط يعني كيلو منيح او بتجيبي فخاذ انا اشتريت افخاذ لانو اكتر شي بنحبهم وقطعت كل فخده ل2 ونظفتهم منيح وغسلتهم. 
  • بجاط تاني حطيت كاسة شنينة او لبن الي متوفر وحطيت عليهم ملعقة كبيرة بصل بودرة ملعقة كبيرة ثوم بودرة وملعقة ك بابريكا حلوة وملعقة كبيرة زنجبيل مطحون ملعقة كبيرة بهارات الكاجن من العطار اذا مو متوفرة مش ضروري ورشة فلفل اسود ورشة ملح كلهم خلطهم مع بعض. 
  • حطيت الدجاج فيهم خليهم اقل شي ساعتين او قبل بيوم ازكى وازكى.
  • بنجيب بصحن طحين وجاط صغير فيه مي مثلجة نأخذ قطعة من الدجاج ونغطسها بالطحين وبعدها نحطها بماي المثلجة ونرفعها على طول ونرجع نغطسها بالطحين منيح. 
  • نكمل باقي الدجاج بنفس الطريقة هذه سر القرمشة الي فيها وبس نخلص نقليهم بزيت غزير وحامي وعلى نار هادئة حتى يستوي من جوا منيح وبس يتحمرو نشيلهم.

خلية نحل هشة. (أطباق مقبلات سهلة وسريعة)

مقادير خلية النحل مضبوطه

  • 4 كوب دقيق منخول
  • 3 ملعقة صغيرة  خميرة
  • رشة ملح
  • 3 ملعقة كبيرة سكر
  • 4 ملعقة كبيرة زيت زيتون
  • 3 ملعقة كبيرة لبن
  • كوب حليب سائل
  • قليل من الماء للعجن حسب حاجة الدقيق
  • الخميرة
  • ونصف كوب حليب دافي

طريقة عمل خلية نحل اسفنجيه

  • ضعي ملعقة كبيرة سكر مع الخميرة ونصف كوب حليب دافي ونخلطها ونتركها لما تتضاعف.
  • ثم ضيفي الملح والزيت واللبن وباقي الحليب والدقيق ونعجنها واذا احتاجت الماء ضيفي حسب الحاجة ويكون دافي.
  • ثم نتركها ترتاح ثم نقطعها كرات صغيرة ونتركها ترتاح ثم نحشيها قطع كيري ثم نضعها بصينية مدهونة زبدة وندهنها بكريمة حلويات او حليب سائل ونرشها سمسم او قزحة حسب الذوق و نخبزها بفرن متوسط ثم نحمرها ولما تطلع من الفرن سقيها بالقطر لا سميك ولا خفيف.

 

جدول اكلات رمضان (اليوم الخامس والعشرون)

  • دجاج محشي بالفريكة والخضار. (أطباق رئيسية رمضانية)

مقادير دجاج بالفريكة.

  • دجاجة وزن كيلوغرام
  • كوبين ونصف فريكة
  • ١/٢ ملعقة صغيرة  فلفل أسود
  • ١/٢ ملعقة صغيرة  بهار حلو
  • ١/٢ ملعقة صغيرة بودرة بصل
  • ١/٤ ملعقة صغيرة  قرفة
  • ١/٤ ملعقة صغيرة  هيل
  • ١/٤ ملعقة صغيرة  كركم
  • ١/٤ ملعقة صغيرة  قرنفل ناعم
  • رشة جوزة الطيب
  • ١/٢ ملعقة صغيرة  ملح
  • ملعقة كبيرة لبن رايب
  • ٢ ملعقة كبيرة عصير ليمون
  • ٢ ملعقة كبيرة زيت نباتي
  •  فلفل أسود حب
  • بهار حلو حب
  • هيل حب
  • عودين قرفة
  • ورق غار
  • ٣ حبات قرنفل
  • بصلة مقطعة أرباع
  • لكل  كوب فريكة كوب ونصف من مرق الدجاج
  • ملعقة صغيرة فلفل أسود
  • ملعقة صغيرة  بهار حلو
  • ١/٢ ملعقة صغيرة  قرفة
  • ١/٢ ملعقة صغيرة  هيل
  • ١/٤ ملعقة صغيرة  قرنفل ناعم
  • ١/٤ ملعقة صغيرة  جوزة الطيب
  • ٢ ملعقة صغيرة  ملح
  • بصلة متوسطة الحجم مفرومة ناعم
  • زيت نباتي
  •  مكسرات للزينة

طريقة عمل دجاج محشي بالفريكة والخضار.

  • ننقي الفريكة ونغسلها جيدا ثم نصفيها ونتركها جانبا، نضع ربع كوب من الزيت النباتي في قدر ونقلي المكسرات ثم نزيلها ونقلب البصلة في نفس الزيت حتى يصبح لونها أشقر. 
  • ثم نضيف الفريكة ونقلبها مع البصل جيدا حتى تجف تماما، ونضيف البهارات والملح ثم نضيف ٣ أكواب من مرقة الدجاج ونغطي القدر ونتركه على نار هادئة من البداية حتى تتشرب الفريكة كل المرق ثم نترك الفريكة حتى تبرد تماما مع الانتباه أن الفريكة غير ناضجة تماما. 
  • في هذه الاثناء نحمي الفرن ونحضر صينية لها شبك لشوي الدجاجة ونضع في قاعها فلفل أسود حب، بهار حلو حب، هيل حب، عودين قرفة، ورقتين غار، ٣ حبات قرنفل، بصلة مقطعة شرائح، ننظف الدجاجة ونجهز التتبيلة، نتبل الدجاجة من الداخل والخارج ونحشيها بالفريكة حتى ثلاثة أرباعها ونخيطها أو نغلقها بالأعواد الخشبية ونربط السيقان بخيط. 
  • ثم نحشي جلدة الرقبة حتى نصفها ونخيطها أو نغلقها بعود خشبي، ونثبت الأجنحة بأعواد خشبية، ونضع الدجاجة فوق الشبك ونضيف ماء ساخن في قاع الصينية. 
  • ثم نغطي الدجاجة بقطعة من ورق الزبدة وفوقها ورق ألومنيوم ونحكم إغلاقها، ثم ندخل الصينية إلى الفرن لمدة ساعة ثم نكشفها ونخفف حرارة الفرن إلى ٢٠٠ ونعيدها إلى الفرن حتى تتحمر. 
  • نقلب الدجاجة على الجانب الآخر حتى تتحمر، في هذه الأثناء نضع باقي الفريكة في قدر الفخار ونضيف لها ٣/٤ كوب من مرق الدجاج ونغطي القدر وندخلها الفرن لمدة نصف ساعة أو حتى تتشرب الفريكة كل المرق وتنضج تماما، نخرج القدر من الفرن ونزيل الغطاء ونضع الدجاجة فوق الفريكة وتزين بالمكسرات.

 

سلطة فتوش سهلة. (أطباق مقبلات سهلة وسريعة)

مقادير عمل الفتوش الفلسطيني.

  • بندور
  • خيار
  • خس فرنجي او خس عادي زي ما بتحبي
  • رمانه وحده كبيره حمرا
  • خبز مقطع مكعبات صغير
  • زيت لقلي الخبز
  • فلفل احمر واخضر واصفر
  • جزر
  • في ناس بحبو يحطو فجل وبصل وانا صراحه ما بحب في ازا انحطو ما بيضر هي بترجع للأذواق مو أكتر
  • ملح
  • رشة فلفل اسود
  • ليمون
  • نعنع ناشف
  • زيت زيتون ملعقة كبيره
  • خل تفاح
  • دبس رمان مقدار ملعقه كبيره
  • بندوره كرزيه للزينه على وجه الصحن

طريقة عمل الفتوش الفلسطيني.

  • نقلي الخبز المقطع مكعبات بالزيت الى
  • أن يصبح لونه اشقر ذهبي
  • ونضعه بالمصفاه جانبا
  • نغسل جميع الخضار جيدا ونقطعها قطع صغيرة
  • ونضعها بصحن
  • نفرط حبة الرمان ونضعها جانبا
  • بصحن عميق صغير نضع زيت زيتون والملح والفلفل الاسود والنعنع والخل ودبس الرمان ونحركهم جيدا
  • هيك بنكون خلصنا كل التحضيرات الجميله
  • عند التقديم نضيف شوي من الخبز المقرمش الى الخضار وشوية رمان
  • عشان نحافظ على القرشة المحببة للخبز
  • نضع الصوص الجميل من زيت وملح ودبس رمان وفلفل اسود ونعناع ناشف
  • نحركه جيدا قبل لا نضعه على الخضار ونحرك جيدا
  • اخر شي نضعه بصحن التقديم
  • نضع على وجهه خبز المقرمش وحبات الرمان الجميله.

 

جدول اكلات رمضان (اليوم السادس والعشرون)

  • القدرة الفلسطينية على أصولها. (أطباق رئيسية رمضانية).

مقادير قدرة فلسطينية باللحم.

  • لحمة حسب عدد الافراد
  • زيت المازولا
  • شرحات بصل
  • شرحات ثوم
  • قليل من الحمص
  • حمص نصف كيلو مسلوق وجاهز
  • 5 اسنان ثوم
  • رز كيلو
  • بهارات خاصه للقدرة من عند العطار
  • لوز
  • وبقدونس

طريقة عمل القدرة الفلسطينية بالفخار

  • نسلق اللحم الى ان يستوي
  • نحضر طنجرة اخرى ونضع قليل من زيت المازولا
  • شرحات بصل
  • شرحات ثوم
  • قليل من الحمص ونخبي الباقي للتزيين
  • نشوح كل هذا بالزيت المازولا الى ان تذبل البصلة
  • نكون منقعين الرز بماء فاتر شي 10 دقايق
  • نصفي الرز ونخلطه مع المكونات البصل والثوم والحمص نبقى نقلب الى ان الرز يتشرب الزيت وبهارات القدرة
  • نحضر الفخاره
  • ندهن بداخلها بزيت مازولا
  • نضع رز في القاع
  • نرتب اللحم
  • نضيف باقي الرز فوق اللحم
  • نضع كم قطعة في دهن على وجه الفخار، نغظيها بمرق اللحم ونغطيها بقصدير وندخلها للفرن
  • يحمص اللوز ونفرم البقدونس ونزين الاكل بالحمص واللوز والبقدونس.

 

طريقة عمل شوربة البروكلي بالحليب. (شوربات رمضانية)

مقادير شوربة البروكلي

  • نصف كيلو بروكلي
  • ٤ أكواب حليب
  • ١ ملعقة أكل زيت زيتون
  • ١ ملعقة أكل جبن سائل
  • ٥ ملاعق شوفان
  • ١ ملعقة شاي سكر
  • ١ ملعقة شاي من كل:
  • ملح
  • بابريكا
  • كمون مطحون
  • كزبرة مطحونة
  • ثوم بودرة
  • شرائح ليمون
  • توست

طريقة شوربة البروكلي

أقطع البروكلي قطع صغيرة وأسلقه لمدة ٧ دقائق مع اضافة السكر اليه للحفاظ على لونه الأخضر الجميل، أضع الزيت في قدر على النار وأضيفله الحليب واتركه الى ان يغلي، ثم أضيف اليه الشوفان والملح والبهارات، اتركه يغلي غلوتين وأضيف الجبن السائل، ثم أضيف البروكلي بعد ما صفيته واترك الشوربة تغلي على نار هادئة الى ان تثخن تقدم مع شرائح الليمون والتوست.

 

 

جدول اكلات رمضان (اليوم السابع والعشرون)

  • طريقة عمل شيش طاووق. (أطباق رئيسية رمضانية)

 

مقادير شيش طاووق.

  • كيلو صدور دجاج مخلية من العظم والجلد
  • توم بودرة
  • بصل بودرة
  • نص معلقة صغيرة فلفل حار بودرة
  • كركم
  • فلفل أسود
  • كزبرة ناعمة مطحونة
  • معلقة كبيرة بابريكا
  • هيل ناعم
  • ملح
  • عصير ليمون حامض
  • معلقتين كبار صلصة الصويا
  • ربع كوب زيت زيتون
  • ربع كوب خل
  • معلقتين كبار صلصة بندورة

طريقة عمل شيش طاووق

  • نخلطهم ونتركهم في النقعة عدة ساعات نشكلها في أسياخ خشبية. ونضعها على صينية فرن إذا عليها شبك افضل وممكن شويها على الفحم. جربوها كتير طيبة وبالعافية

 

طريقة عمل فلافل. (أطباق مقبلات سهلة وسريعة)

مقادير عمل فلافل

  • ١ كيلو حمص
  • ١ ملعقة شاي بيكربونات الصودا
  • ١ ملعقة أكل ملح
  • ١ ملعقة أكل ونصف بهارات فلافل
  • ١ باقة كراث
  • زيت غزير للقلي
  • ١ كوب ماء

طريقة عمل فلافل

  • أغسل وأنقع الحمص قبل يوم وأضيف له بيكربونات الصودا، عند الصباح اغسله جيدا واتركه ينشف من الماء بمصفى
  • أضعه في محضرة الطعام وأبدأ بطحنه مع أضافة الماء بالتدريج، افرم الكراث واضيفه الى الحمص في المحضرة واتركه يتجانس معه
  • أضيف الملح والبهارات ونعجنها تتكون عندي عجينة ملساء ومتجانسة
  • اتركها ترتاح في الثلاجة من نصف ساعة الى ساعة

 

جدول اكلات رمضان (اليوم الثامن والعشرون)

  • مقلوبة الباذنجان. (أطباق رئيسية رمضانية).

مقادير مقلوبة الدجاج.

  • نص كيلو رز
  • زيت
  • بصل
  • بطاطس
  • طماطم
  • باذنجان
  • فلفل أخضر
  • دجاج حسب الكمية
  • بهارات مشكله وكركم

طريقة عمل المقلوبة بالدجاج سهلة

  • نقطع الخضار حلقات ونقلي البطاطا والباذنجان والبصل.
  • نحمر الدجاج بالزيت الى ان يتغير لونه نقوم برص الخضار الطماطم والفلفل والخضار المقلية ثم وضع الرز فوقها واضافة الملح والبهارات واضافة الماء المعتاد ضيفيه للرز يعني فوق الرز بقليل مجرد ينشف الماء تقللي النار وتغطي عليه وتتركيه ينضج .بعدها تقلبيها بصينية.
  • برجر نباتي بالبطاطس. (أطباق مقبلات سهلة وسريعة)
  • مقادير برجر البطاطس
  • كيلو بطاطس مسلوقة ومهروسة
  • ملعقة كبيرة ثوم بودر
  • ملعقة كبيرة بصل بودر
  • 2 ملعقة كبيرة بقدونس او كزبرة خضراء
  • نصف ملعقة صغيرة بابريكا
  • نص ملعقة صغيرة كمون
  • نصف ملعقة صغيرة كزبرة ناشفة
  • ربع ملعقة صغيرة زعتر
  • نصف ملعقة صغيرة جنزبيل
  • ملح وفلفل اسود
  • للتغليف:
  • 2 بيضة _ دقيق _ خليط من البقسماط ودقيق الذرة الأصفر ويكونوا متبلين بملح وفلفل وكل التوابل السابق ذكرها

طريقة عمل برجر البطاطس.

  • نخلط البطاطس المسلوقة المهروسه مع التوابل والبقدونس
  • ونخلطهم كويس وبعدين نشكلها اقراص زى البرجر
  • وبعدين نضعها فى الدقيق ثم البيض
  • ويكون مربوب بملعقة لبن وملح وفلفل اسود وبعدين
  • البقسماط ونرصها فى صينيه وندخلها الفريزر
  • على الأقل ساعة وبعد كده نقليها فى الزيت على حرارة، متوسطة وبعد كده لما تحمر نطلعها على ورق مطبخ ثم تقدم.

 

جدول اكلات رمضان (اليوم التاسع والعشرون)

  • طريقة عمل الديك الرومي المحشى بالارز. (أطباق رئيسية رمضانية).

مقادير ديك رومي محشي رز.

  • ديك رومي
  • رز بسمتي
  • مكسرات منوعه
  • زبيب ناعم
  • توابل قرفه
  • بهار حلو
  • فلفل أسود
  • ورق على زنجبيل
  • بصله كبيره
  • ملح
  • جزر مقطع

طريقة عمل الديك الرومي المحشي بالأرز

  • نغسل الديك ونضع على أطرافه التوابل الخشنة والجزر المقطع لسحب الزفرة والبصل المقطع ويوضع بكيس الطبخ
  • على النار حتى الاستواء
  • نطبخ الرز بمرق المنكهة
  • نقلي المكسرات بالسمنة او الزيت
  • وتركها جانبا
  • نخرج الديك من من الكيس
  • نحشيه الرز المطبوخ تماما والمخلوط بالمكسرات ويدهن بالسمنه ويلف بسلوفان (ورق الألمنيوم) ويوضع بالفرن حتى الاشقرار

فطيرة التفاح الأصلية. (تحلاية رمضانية سهلة)

مقادير فطيرة التفاح

  • 250 غرام طحين
  • 100 غرام سكر ناعم
  • 130 غرام زبدة
  • بيضة واحدة
  • فانيليا ملعقة صغيرة
  • رشة ملح
  • نضع الطحين مع السكر والفانيلا والزبدة ونعجنهم باليد
  • حتى تصبح لدينا عجينة مفتتة نضع البيضه ونعجنها باليد كم دقيقة حتى تتماسك نغلفها بنايلون ونضعها بالثلاجة ساعة
  • مربى التفاح :
  • 400 غم تفاح مقطع قطع صغيره ما يعادل (ثلاث تفاحات كبار)
  • 60 غم سكر ( ربع كوب)
  • 60 غم ماء ( ربع كوب الا معلقه)
  • 60 غم (ربع كوب الا معلقه)عصير تفاح جاهز للنكهه ويمكن استبداله بالماء
  • 5 غرام قرفه (ربع معلقه)
  • برش ليمون

طريقة فطيرة التفاح

  • نضع جميع المكونات في وعاء ونغطيه على نار هادئة 15 دقائق تقريبا وبعدها بشوكة نعمل على تفتيت قطع التفاح ونحرك حتى ينضج ونضعه جانبا حتى يبرد
  • نأخذ منه ملعقتين كبار ونضع عليهم ملعقتين ماء ورشه قرفه ونضعه على نار قليلا ونعمل منهم سيروب لدهن الكيكه حين نضجها
  • بعدها نخرج العجينة من الثلاجة ونرش طحين على الشايش نعجنها نصف دقيقة حتى ترجع طريه ونرقها بسماكة 3-4 ملم ونلفها على المرق ونفردها بالصينية المدهونه زبدة
  • نشكلها باليد على حواف الصينيه ونقص الزوائد بالسكين وبالوسط نعمل فيها ثقوب بالشوكه حتى لا تنتفخ أثناء الخبيز 
  • ونضع فيها مربى التفاح و نساويه 
  • نقشر 3 تفاحات او حسب الحاجه ونقطعها شرحات رفيعة ونصفها بجانب بعض على شكل ورده 
  • بعد الانتهاء ندهنها 40 غم زبده سائحه( ثلاث ملاعق كبار) ونرشها بالسكر والقرفة حسب الحاجة وتخبز بحرارة 180 من الأسفل 25 دقيقه وبعدها يطفي الأسفل ويشغل العلوي من 10-15 دقيقة
  • وبعد نضجها تدهن بسيروب التفاح الذي أعددناه

 

جدول اكلات رمضان (اليوم الثلاثون)

  • طريقة عمل المكمورة باللحمة. (أطباق رئيسية رمضانية).

مقادير المكمورة الأردنية.

  • نصف دجاجة مسحبة بدون عظم او جلد
  • 3 حبات بصل متوسط الحجم
  • كاسة طحين ابيض
  • كاسة طحين قمح اسمر
  • زيت زيتون
  • ملح
  • بهارات مشكلة
  • زنجبيل رشة هيل رشة
  • سمسم وحبة البركة حسب الرغبة

طريقة عمل المكمورة باللحمة

  • سلقت قطع الدجاج ونسختها قطع صغيرة..
  • قطعت البصل لقطع صغيرة فرمة وسط يعني
  • قلبت البصل بزيت زيتون حتى يذبل
  • اضفت قطع الدجاج المسلوقة والمسحبة للبصل واضفت الملح والبهارات جميعها وخلطهم منيح وتركتهم ع جنب
  • عجنت الطحين باضافة الملح وقليل من زيت الزيتون والسمسم وحبة البركة وتركتهم يرتاحو
  • قطعت العجينة 8 كرات صغيرة
  • احضرت صينية فخار ودهنتها زيت زيتون
  • رقيت أول كرة لحد ما صارت رقيقة حطيتها بقاع الصينيه وحطيت فوقها بصل لحاله .
  • بعدين ابتديت اصف الرقائق كل وحده تحط عليها من الدجاج والبصل وهكذا حتى نفاذ الكمية
  • اخر طبقة حطيتها وغطيتها بالعجينة منيح ودهنتها زيت
  • بعد ما خلصت ترتيبهم في الصينية نخزتهم بعود الخشب من الأعلى وقفلت على الصينية بالقصدير وحطيت الصينية بالفرن على نار هادية لمدة نصف ساعة بالرف اللي بوسط الفرن مش فوق النار مباشرة
  • وكمان حطيتها تحت الشواية نصف ساعة وهي مغطية بالقصدير وطلعت محمرة لحالها
  • وقلبتها وقطعتها مثلثات وطلعت بتشهي.

 

طريقة عمل رولات المسخن بخبز الشراك. (أطباق مقبلات سهلة وسريعة)

  • بصل مفروم ناعم توضع على النار هادئة  مع ملعقة ملح لحتى يدبل وحطي معا صدر دجاج مقطع صغير وحطي زيت زيتون
  • بكمية وفيرة وقلبي لحتى يستوي الصدر واتركيها لغاية ما تبرد قطعي خبز شراك (خبز الشاورما) بشكل مثلثات ونحشيها ولفيها والصقي الطرف  بماء وطحين وتقلي الزيت غزير حتى تشقر او ممكن تشويها بالفرن بدال ما تدهنيها زيت

 

 

الى هنا أعزائنا المتابعين نكون قد وصلنا الى نهاية مقال جدول اكلات رمضان وصفة اكل مختلفة لكل يوم في رمضان، لمتابعة المزيد من الوصفات والمقالات المتعلقة بالمطبخ، تفضلوا بزيارة صفحاتنا على مواقع التواصل الاجتماعي:

فيس بوك

يوتيوب

انستغرام

عرض التعليقات (9)