تجربتي كيف خليت زوجي يجلي الجلي تعالوا اتعلموا

45 8٬718

تجربتي كيف خليت زوجي يجلي الجلي تعالوا اتعلموا
في قسم المنوعات في زاكي, نقدم لك عزيزي القارئ مجموعة من المقالات الثقافية والترفيهية التي تثري حياتك, والكثير منها مستمد من قصص حقيقية, لنتابع المقالة.

لو أعجبتك المقالة انشرها, فالدال على الخير كفاعله , واكتب لنا تعليقاُ في الأسفل.

تجربتي كيف خليت زوجي يجلي الجلي تعالوا اتعلموا
تجربتي كيف خليت زوجي يجلي الجلي تعالوا اتعلموا

في البداية أنا بحب أعرفك على زوجي, زوجي بشتغل كمصمم وهو دايماً قاعد على الابتب لساعات طويلة, وطبعه كسول وبيتوتي جداً, حتى هو قبل زواجي, كان مغترب للدراسة في بلد أجنبي, وطوال هذه الفترة بالعادة الطلاب المغتربين بتعلموا يطبخوا ويرتبوا, ( أنا هيك بعرف) كونوا كل اعتمادهم على أنفسهم, لكن زوجي الحمد لله ههههههه, ما كان منهم, كان دايماً يجيب الأكل جاهز, ويحكي الأكل مو أولوية في حياتي لأتعلم أطبخ, ويحاول ما يوسخ البيت حتى ما يضطر للترتيب, المهم…. بلا ما أطول عليكم أدخل معكم للموضوع.

هلأ السؤال اللي كلكم بتسألوني إياه, هو كيف خليت جوزك اللي ما عمرو عمل شي من شغل البيت يساعدك؟؟

وكمان نسيت أحكيلكم, هو من بيئة ذكورية يعني الزلمة أو الرجال ما بجلي ولا بكنس ولا بساعد هذا كله شغل البنت, ومش بس هيك, الزلمة اللي بشتغل في البيت يعني محكوم بالنسبة لإلو, أنا عارفة في منكم زواجهم والحمد لله نفس المشكلة.

الحل كتالي عزيزتي الزوجة:
أولاً/ ما تيأسي, والكلام الطبع غلب التطبع هذا غلط, أي إنسان ممكن تغيريه وممكن إقناعه والتأثير عليه.

ثانياً/ عشان تعرفي كيف تقنعي الرجل, لازم تفهي عقل الرجل كيف بفكر, الرجل ما بفهم بالتلميح, يعني ما تحكي صحبتي جوزها بساعدها في الجلي, جارتي جوزها أبو محمد بحضرلها الفطور, لأ احكلي بالمشرمحة, حبيبي بدي إياك تساااااااعدني في شغل البيت

وكمان الرجل ما بفهم من مرة أو مرتين لازم تكرري الكلام كتيييييييييييير, بس ديري بااااااالك لازم تختاري الوقت الصح, يعني ما يكون راجع من الشغل أو معصب أو جوعان, أو مو راايق, اختاري وقت حلو, وفي نص الكلام دخلي هذه الجملة: ” حبيبي ساعدني في الجلي, كتير ادي تعبنانين”,

والرجل بأثر فيه كتييييييير إنك تبرري كلامك بشي مقنع, يعني فعلاً أحيانا الست ما بتدلع هي فعلا اديها تعبانين أو حتى أحياناً خشنين من الجلي والتنظيف, وممكن تشكي من وجع في رجليك, طبعاً أنا ما بشجع على الكذب, أنا بحكي إنو شغل البيت ومواد التنظيف والجلي والحمامات  و متابعة الولاد والطبيخ والنفيخ كل هذا هيخلي رجليها واديها على الأغلب يجعوها

فدااااااااايماً كرري على جوزك في اللحظات الحلوة, واحكليوا كيف إنك تعبانة ومش قادرة تقومي من شغل البيت.

وملاحظة أخيرة لتنجي/
لو بدك جوزك يساعدك, لازم يحس إنك عنجد بتتعبي بشغل البيت يعني مو قاعدة على الفيس أو طول النهار عند الجارة, وبدك جوزك يساعدك, الاصل ترتيبي وتكوني في بيئة صحية ونظيفة , لكن مو كل البيت عليك, عودي جوزك يرتب ولو شي بسيط في البداية ولو يرفع ثيابه ويعلقهم, ولو يرفع كاسة الشاي على المطبخ, وبعدين عوديه أحيانا يرفع الأكل بعد ما تخلصوا الغدا وتحججي إنك بدك تشوفي حدا من ولادك… ليحس  بالتدريج إنو هذا الشي عادي

وكمان ذكريه إنو الرسول محمد ” صلى الله عليه وسلم”  قال: ” خيركم خيركم لأهله وأنا خيركم لأهلي”

وفي صحيح البخاري عن الأسود قال: سألت عائشة ما كان النبي صلى الله عليه وسلم يصنع في بيته؟ قالت: كان يكون في مهنة أهله -تعني في خدمة أهله فإذا حضرت الصلاة خرج إلى الصلاة.

فلو حابب زوجك يكون قدوته النبي, فالنبي كان يساعد أهل بيته, ودمتم بود ويارب كل بيوت المسلمين تكون بيوت سعادة وهنا.

اترك لنا رأيك بالوصفة في التعليقات ?, وشارك الوصفة مع أصدقائك ? لتحصل على المزيد من الوصفات المميزة ??? من زاكي ???

هل تحب مشاهدة وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب

عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية

عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد

احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي

 

 

عرض التعليقات (45)