ملهاش مزاج

55 5٬732
انت عارف ان مراتك ممكن تروح الكوافير كل اسبوع تعمل شعرها..و شوية ماسكات و باديكير و مانيكير… بس هي مالهاش مازاج

طيب عارف انها ممكن تخس وزنها الزيادة في شهرين تلاتة و تروح جيم مرتين في الاسبوع … بس هي مالهاش مزاج..

طيب عارف انها ممكن كل يومين تعملك اكلة جديدة و تقعد تفتكس و تخترع و تعملك كمان حاجة حلوة بعد الغدا؟…. بس للاسف مالهاش مزاج..

تعرف انها ممكن تعملك كل أجازة مفاجأة ..سواء برة البيت مع اصحابكو او جوا البيت لوحديكوا.. بس برضه مالهاش مزاج..

عارف انها ممكن كل يوم الصبح وهي بتصحييك تبقي مبتسمة و مبسوطة و بتضحك.. او تقابلك علي باب بيتكو اول ماتيجي بعد شغلك بحضن و شوق و رومانسيه… مالهاش مزاج .. معلش

طيب عارف انها ممكن تسميك علي موبايلها my baby.. و ممكن كل ماتكلمك تقولك يا حبيبي و يا قلبي و يا بيبي .. بس مالهاش نفس..

دي ممكن كمان تحبك بجنون.. و كل طلباتك تبقي علي قلبها احلي من العسل.. ممكن تغير من اسلوبها اللي بيضايقك.. و تتنازل عشانك عن حاجات مهمة بالنسبالها… بس هي حاسة ان مبقتش فيه حاجة مستاهلة..

طيب انت عارف هي مالهاش مزاج ليه..
عارف ليه مالهاش نفس و بقت محبطة و حاسة ان مفيش حاجة مستاهلة..

اصل سقف طموحاتها وقع علي دماغها..

و عمل طرااااااااااااخ … ايوة كدة بالظبط

من الاخر كدة… اسلوبك لوحده هو اللي بيتحكم فيها…
اسلوبك لوحده ممكن يخليها مزة.. عاشقة.. بتحبك و تموت فيك

وممكن يخليها *** ملهاش مزاج …14191947_581308218739259_3697398615093639413_n

عرض التعليقات (55)