اضحكوا واستمتعوا بس لاتقلدوا ههههههههههههه

101 4٬824

اضحكوا واستمتعوا بس لاتقلدوا ههههههههههههه منقووووووووووول ????
معكم صديقة زاكي المميزة الشيف Entsar Hazm
اليوم ماراح أكتب وصفة راح نغير جو مع بعض في قسم المنوعات في زاكي, قراءة ممتعة نتمناها لكم

اضحكوا واستمتعوا بس لاتقلدوا ههههههههههههه
اضحكوا واستمتعوا بس لاتقلدوا ههههههههههههه

يحرء أخت الساعة يلي غرت فيها من صاحباتي وعملت حساب فيسبوك .. ياعمي الفسبكة مو إلي !!!? فورا” بلشو صاحباتي يبعتولي إضافات لمجموعات نسوان مغلقة وسرية? لفت نظري عنوان بالخط العريض (( 5 نصائح لتجديد حياتك الزوجية والقضاء على الروتين? )) حفظت النصائح حبة حبة .. حبيت أقلع عين الروتين وغيّر جو ?..

كانت أول نصيحة ؟؟
1: بعد انتهاءك من تزيين نفسك .. لا تنسي أن تزيني مدخل البيت بالبوالين وتطفئي النور ..وعند دخوله حاولي تنيري ضوءا”خافتا” .. حتى يشعر بأنه دخل إلى عالم الخيال والرومانسية ويرمي هموم عمله خارجا” .. أجيت طبقها .. زينت نفسي .. واتبعت التوصيات بحذافيرها ? وأندق الباب مافتحتلو .. وفتح بالمفاتيح .. وبلش يقول لك وينك يامرة .. انا أجيت لشغّل الضو ما كنت لاقي الكبسة من العتمة ? هوي فات وبلش يدعس عالبوالين وطا طا طا طاطا طاطا .. بلش يعيط فكر اشتباك مسلح ? ويقول يا أميي يا أميييييي انا شغلت الضو متأخرة ..طلعت حماتي مرعوبة شافت ابنها بهالمنظر وبلشت تقلي لك شو عملتي فيه ..جيبي طاسة الرعبة يا مغضوبة ? ..

أجا اليوم تاني .. وحبيت نفذ نصيحة رقم 2 التي تنص على ؟؟؟
2 : عند قدوم زوجك من عمله إلى المنزل جهزي له طاولة العشاء وزينيها ببعض الشموع لكي تجعلينه يشعر بأنه ملك يجلس على مائدة ملكية . أجيت طبقها جبت شي 25 شمعة كنت فكر كل ما كتر شمع تزيد الرومانسية والحب اكتر .. والله ما كذبت خبر عبيت الطاولة وحتى الكراسي بالشموع ? اجا من الشغل وفتحتلو بإبتسامة عريضة ? وبلشت اسحبو لعند الطاولة مشان عيش الجو واللحظة ومسكتلو ايدو واخدتوع الطاولة … وهوي مستغرب وعما يقول شبا هي اكيد جنت ? رحت جحّشت وقعدتو عالكرسي المليان شموع .. وصار يصرخ يا اميي أخ يا امييي … طلعت حماتي لعندي وجها متل الساعة عقرب من فوق وعقرب من تحت .. ضل أسبوع عايش ع الميبو للحروق??

صار دور النصيحة رقم 3 يلي بتقول فيها؟ ؟؟
3 : حاولي أن تقلّدي بعض الحركات الرومانسية الموجودة في الأغاني والفيديو كليب انا الفلهوية فورا” فتحت على روتانا لقيت فيديو أليسا ((ع بالي حبيبي )) وكيف هيك بتجيب مخدّة وبتبلش تضربو ليطلع الريش ويبتسملا وبعدين يمسك ايدا ويطب عليها ويثبتها (( ع اساس هوي القوي ))ويضحكوا سوا? صار وقت السهرة قاعد يتابع أخبار التلفزيون .. اجيتو على روس اصابعي وحاملة المخدّة وماشية بنعومة .. ورحت خابطتو على راسو فيها .. هوي يا حرام من حلاوة الروح فز ع حيلو متفاجئ الضربة .. انا بصراحة حسيتو دايخ .. أصلي نسيانة انو مخدات حماتي يلي عطتني ياهون بلوكات مو مخدات … مو من ريش نعام متل ما توقعت☻.. كانو عبارة عن قطع ملابس بالية وصوف مقوّى عيار21 والضربة فيهون قاضية.. مسكني من أيدي .. انا من غبائي فكرت بثبتني عشان يبين الرجل القوي .. وصرت سبّلو برموشي .. وفجأة ما بلاقي غير بلش الدم ينفر من راسو وصار يصرخ وينك يا أميييي … ونط عليي وثبتني انا من غبائي بعدني عايشة جو فيديو كليب … طلعت حماتي ع صريخ ابنها .قالتلو خليك مثبتها. مسكت التلفون ودقت ع رقم .. اجت سيارة وطلعوا شي 5 دكاترة واحد منن معو قميص بينلبس عالمقلوب .. هنن بصراحة ما شكو فيني انو مجنونة لحتى قلتلون أمانة لا تاخدوني بس باقيلي طبّق 4 و 5 … 4 و 5 تركوني
أمانة .. باقي 4 و 5

عرض التعليقات (101)