داوود باشاا على طريقتي سهلة كتيررر والطعم واااو

16 4٬923

داوود باشاا على طريقتي سهلة كتيررر والطعم واااو
معكم صديقة زاكي المميزة الشيف نور اللوح

داوود باشاا على طريقتي سهلة كتيررر والطعم واااو

المقادير

  • كيلو لحمة هبرة (بدون دهن) مفروم ناعم
  • بصلة مبروشة .. ضمة بقدونس مفرومة ناعم عالأيد وتوم ناعم حص او تنين
  • بهارات وفلفل اسود وملح ..
  • حبة بطاطة مفرومة مربعات ومقلية
  • بصلة مفرومة جوانح (سلايز)
  • رب او دبس البندورة
  • نشا او طحين
  • صنوبر محمص
  • ماجي او مرقة لحمة
  • كزبرة ناشفة

الخطوات

بسم الله

اول شي بنخلط اللحمة مع البصل والتوم والبقدونس والبهارات والفلفل والملح ..

واكيد رح تسألو ليش عملت البقدونس والبصلة ع ايدي .. بصراحة بحس انو عالمكينة بس افرمن مع اللحمة .. بعد الطبخ بتصير اللحمة بتعلك .

بكور اللحمة وبحشي كل كرة شوية صنوبر

وبحط شوية زيت بصينية وبحمرهن بالفرن .. اووو بحط معلقتين زيت بالطنجرة وبقلبهن ل يحمرو ..

وبس لياخدو لون بشيلهن ع جنب

وبنزل البصل السلايز عالطنجرة ليستوي بالزيت

وبعدين بنزل اللحمة عالطنجرة وبحط معلقتين رب بندورة تلاتة حسب نوع رب البندورة يلي عندك انا بفضل (الدرة او الكسيح)

وبحط مي شي لتر ونص مي ومكعبين ماجي … او مرقة لحمة

وبخليهن يغلو

وبحط نتفة كزبرة ناشفة مطحونة (اختياري)

وبكاسة ع جنب بحط معلقة نشا او طحين و ربع كاسة مي وبحركن ليدوبو وبنزلن عالمرقة شوية شوي لحتى يعقد الصوص

وهي حركة اختيارية .. انا بحب الصوص تخين شوي ..

وبسقط البطاطا المقلية .. وبطفي الغاز … وبسكب الأكل

وبقدم جنبو رز بشعيرية .. وفي ناس بيحبو ياكلو بخبز

وفيكي تحطي البطاطا المقلية عالوش بتضل تقرش ..

وصحتين وألف هناااا ?

عرض التعليقات (16)