وهي عزومتي لامي وحماتي مسخن و اوزي
وهي عزومتي لامي وحماتي مسخن و اوزي
معكم صديقة زاكي المميزة الشيف ام بيسان مشعل
طريقه الاوزي
اول شي بنقع الأرز مخلط أرز بسمتي وارز تايجر حسب حاجتي وبعدين بفلفل الأرز بمرقه الدجاج والبهارات لحد الاستواء بعدين بقطع لحم خاروف قطع راس عصفور وبقليها بزيت حامي اول خمس دقايق بعدين بزيد الماء تقريبا كاسه وبغطيها تقريبا ساعه الا ربع وبعدين بقطع بصله وبقلبها مع اللحمه والجزر والبازيلاء وبحط رشه فلفل اسمر وملح وحب هال مطحون تقريبا نص ساعه وبسكب الأرز بعد ما يستوي بجاط التقديم وبزينو بالبزيلا والجزر واللحمه والمكسرات وصحتين وعافيه
طريقه المسخن
اول بتسلقي الجاج وبتجهزيه شي جيبي خبز طابون وقطعيه ارباع بعدين حطي تقريبا كأسه زيت زيتون بطنجره وخلي الزيت يحمى شوي وصيري حطي الخبز المقطع بس لحظه بالزيت وشيليه لا تقليه بس غطيه غط بس ثانيه وشيليه وبعدين بتقلبي كميه البصل يلي محتجاها بزيت الزيتون وبتشربي البصل بكاسه مرقه دجاج وبتتركيه ينضج مع بعض وبتحطي رشه ملح والسماق العجلوني الأصلي وبتطفي الغاز وبتحطي البصل على خبز الطابون المشوح بزيت الزيتون وبتدخليه الفرن يتحمر ادا بتحبيه محمر وإدا بدك بتقدري تخليه بدون تحمير وصحه وعافيه