كروسان رهييييب

38 5٬881

كروسان رهييييب
اكتر مرة بيطلع الكروسان رهيب
باول تعليق المراحل بالصورة بالتفصيل
معكم صديقة زاكي المميزة الشيف Jasmin Hasn

كروسان رهييييب
كروسان رهييييب

العجينة
نص كاسة طحين مع معلقة سكر ومعلقة خميرة وبنضيف عليهن نص كاسة مي دافية ونص كاسة حليب دافية وبنتركهن مغطايين لتتفاعل الخميرة وترتفع
بنضيف عليهن كاستين ونص طحين بالتدريج طبعا مع نص معلقة صغيرة ملح وتلت الكاسة زبدة طرية مو سائلة وبنعجنها لتصير متماسكة ولينة ونتركها تخمر مجددا ساعة لتتضاعف وبنقسمها 4 اقسام وبنكون مجهزين 125 غ زبدة طرية

كل قسم من العجينة بنمده بشكل دائرة وبندهن اول دائرة بالزبدة وبنحط عليها القطعة التانية وندهنها بالزبدة وبنكرر التالتة والرابعة وبنمد الطبقات كلهن دائرة واحدة ونلفها بشكل مستطيل وبنسكره بشكل ظرف ونرجع نمدها ونرجع نلفها مجددا ونغلفها بنايلون وبنتركها بالبراد ربع ساعة لتجمد الزبدة فيها (كل ما مديناها ونلفها كل ما طلعت معنا طبقات هشة ومورقة اكتر) انا كررتها مرتين بس

وباخر مرة خليته مستطيل وقطعته مثلثات وعملت 3 حشوات جبنة و زعتر وشوكولا وبنلفهن وبنحطهن بالصينية وندهنهن بالحليب ونغطيهن ليختمروا وبعدين بندخلهن الفرن من تحت بالاول بعدين بنرفعهن لياخدوا لون حلو

14606536_1129485613807232_4829690741189014463_n كروسان رهييييب

عرض التعليقات (38)