معمول التمر بطريقة ناجحة مليون بالمية

65 51٬346

معمول التمر بطريقة ناجحة مليون بالمية
معكم صديقة زاكي المميزة الشيف  Masa Queen 

 

معمول التمر بطريقة ناجحة مليون بالمية
معمول التمر بطريقة ناجحة مليون بالمية

معمول التمر:
1 كيلو طحين زيرو أبيض منقيم من هالكيلو ( كأس كبير) ونضع عواضها كأس كبيرطحين فرخة.
نصف كيلو سمنة نباتية باردة يعني ماتكون سايحة علأخر .
وبإمكانكم نصف كيلو السمنة تحطو مع بعض ربع كيلو سمنة نباتي وربع كيلو سمنة حيوانية.
1 كأس كبير سكر.
تلت أرباع كأس كبير ماء فاتر.
ملعقة وسط بودرة خميرة.
2ملعقة كبيرة حليب بودرة.
درررة محلب ناعم بس مانكتر.

لدهن وجه أقراص المعمول بفرشاة وقت يطلعو من الفرن:
ملعقة كبيرة سمنة حيوانية سايحة..

تمر منزوع البذور نعجنه مع رشة هيل ناعم وشوية زبدة وبهالحالة مابتدبق باليد وبتصير طعمته كتيير طيبةونكوره لكرات لنحشي الأقراص..

الخطوة الأولى (1): نفرك الطحين مع السمنة (باليد او بالعجانة الآلية) فرررك وليس عجن حتى يصبح قوامها يشبه الكريما.

الخطوة الثانية (2): نذيب السكر والخميرة والحليب البودرة والمحلب بالماء الفاتر ونضعهم فوق الخليط السابق ونعجنها بسرعة مدة (2دقيقة فقططط) ومانكتر عجن مشان ماتفسد لأن إذا كترنا عجن بتصير متل عجينة البيتزا. نكور كرات ونحشيهم ونشكل أقراص ونحمي الفرن من تحت ونشويهم ليحمر سفلهم وبعدها نحمرهم من فوق…

بس ليطلعو من الفرن بفرشاية ندهن وجههم بسمنة حلوب حيوانية وبتصير ريحتهم وطعمتهم زكية كتيير وصحة وهنا…

ملاحظات هامة:
اول شي نشكل كرة من العجين ونرقها عإيدنا عشكل قرص دائري ونحملها لازم ماتشقق أبدا وهيك معناها العجينة ناجحة وهي أول خطوة مهمة…

تاني خطوة مهمة: بإمكاننا أن نشتغل فيها بنفس النهار أو نتركها لترتاح لتاني يوم .

إذا ساخت شوي نضع كمية من العجين يلي بدنا نشتغل فيه بالبراد بعدها منطالعها ونشكلها اقراص..

أهم شي مانكتر عجن بالخطوة التانية وإلا بتخرب وبتصير متل عجينة البيتزا..

ماتكترو ماء لأن الماء بقسي عجينة المعمول.

معمول التمر بطريقة ناجحة مليون بالمية معمول التمر بطريقة ناجحة مليون بالمية 15139278_1718799805106533_28644140_n معمول التمر بطريقة ناجحة مليون بالمية 15139284_1718797295106784_607765246_n 15129891_1718796748440172_300423994_n 15134380_1718796378440209_460850141_n 15128586_1718796298440217_491314674_n 15151316_1718788888440958_805166398_n

عرض التعليقات (65)