شاورما اللحم بأزكى خلطة شاورما على أصولها

57 5٬312

شاورما اللحم بأزكى خلطة شاورما على أصولها
معكم صديقة زاكي الشيف المميزة  Om Basma

شاورما اللحم بأزكى خلطة شاورما على أصولها
شاورما اللحم بأزكى خلطة شاورما على أصولها

شاورما اللحم:
كيلو لحم عجل مقطع شرائح طوليه تلات فصوص توم كبار مدقوقين فنجان زيت زيتون معلقه كبيره بهارات مشكله وربع معلقة صغيره فلفل اسود ونص معلقة صغيره كركم ومعلقة كبيره كزبره ناشفه مطحونه ونص فنجان خل ابيض معلقه صغيره قرفه مطحونه معلقة كبيره ملح ناقصه الربع حبة بندوره متوسطه نغسل الحم ونبهرو ونخليه ليله كامله او اقل شي ٦ ساعات

نحط الحم بطنجره ونعلي النار عليها لتنشف ميتها بعد ما تنشف بنحط كاسة مي دافيه وبنخليها على نار وأطيه لتستوي وقبل الاستواء بعشر دقايق بحط حبة البندورة مقطعه صغير وبنخليها لتستوي وتنشف ميتها

صلصلة الطحينة :
فنجان طحينه فنجان الا ربع مي دافيه معلقة خل كبيره نص معلقة صغيره ملح ربع معلقة صغيره كمون مطحون نص ليمونه بنخلطهم كلهم مع بعض منيح ليتجانس الخليط

بنجيب بصله بنقطعها موزات وبننقعها بكاسة شاي خل مدة عشر دقايق لتروح حرارته وبنصفيه ونضيف على البصله نص معلقه صغيره سماق. وبنحتاج نص كاسة بقدونس مقطع وخبز لبناني او اي خبز تفضليه بنفرد الخبز وبنحط صلصلة الطحينة وفوقها الحم والبصل والبقدونس ونقدمها مع بطاطا مقليه وصحتين وعافيه

عرض التعليقات (57)