باونتي كيك والله لو عملتيها مرة راح تعمليها كتير

81 6٬955

باونتي كيك والله لو عملتيها مرة راح تعمليها كتير
معكم صديقة زاكي الشيف الموهوبة TASNEEM AHMAD

باونتي كيك والله لو عملتيها مرة راح تعمليها كتير

المقادير

  • ٣ كاسات طحين ٤ بيضات كاستين سكر كاسة زيت قلي كاسة مي تقريبا او اكثر بشوي لتصير معك عجينة مش جامدة كتير ٢ ملعقة كبيرة فانيلا ٢ ملعقة كبيرة بكنغ باودر معلقة صغيرة خل ٣ معالق كبار كاكاو هاي طبقة الكيك
  • الطبقة التانية ٢ كوب حليب سائل ٢ كوب جوز هند ٦ معالق طعام سميد ٢ ملعقة طعام زبدة نص كوب سكر
  • الطبقة الثالثة كوب حليب سائل علبة قشطة فنجان سكر ٣معالق كاكاو بكيت كريم كراميل بودرة

الخطوات

اول شي بتعملي الكيك بالقالب بتدهنيه زيت وطحين وبتحطي خلطة الكيك وبتشويها لحد ما تستوي

بعدين بس اطلعي الكيكة وتبرد بتقسميها بالعرض نصين

بترجعي نص الكيكة الي تحت بالقالب بعدين بتعملي الطبقة الثانية بتحطي كل المكونات عالنار وبضلك تحركي فيها لحد ما تمسك شوي وهي سخنة بديريها عالكيكة

وبتستني لتبرد الطبقة التانية وبتعملي الطبققة الثالثة برضو نفس الشي بتحطي كل المكونات عالنار وبضلك تحركي لتجمد شوي وبديريها فوق الطبقة التانية عطول لانها بسرعة بتجمد

وبتزينيها بلي بدك اياه

هاي الطريقة ممكن تكون صعبة

وبتقدري تعمليها بالبايركس او قالب التشيز بتطلع اسهل

بس انا لانو الصورة الي عندي هيك كنت عاملها بالقالب

بتمنى تشجعوني اول مرة بنزل وصفة

ولي بتحب تسال راح اجاوبها

باونتي كيك والله لو عملتيها مرة راح تعمليها كتير

عرض التعليقات (81)