وربات تركية بالجوز والقشطة

4 9٬745
وربات تركية بالجوز والقشطةوصفه متقنة وشهية وتعتبر من الحلويات الشرقيه المحبوبة لدى الجميع تابعو الوصفه مع
Samia Mahmoud.

 

وربات تركية بالجوز والقشطة
وربات تركية بالجوز والقشطة

طريقه العجينه:
4 كاسات طحين
نص ملعقه كبيره باكن باودر
ورشه ملح بنخلطهم سوا
بيضه
ملعقه كبيره خل ابيض
نص كاسه حليب سائل دافي
نص كاسه لبن
نص كاسه زيت نباتي

الطريقه:
– نخلط السوائل كلها ونحركها جيداً.

– بنضيف خليط الطحين شوي شوي ع خليط السوائل وبنصير نخلط ونعجن حتي نحصل ع عجينه لينه مطاطيه فيكي تتعاملها معها بنغطيها وبنتركها ترتاح شي ساعه.

– بعد ساعه بناخد العجينه وبنفردها ع شكل اسطواني وبنقطعها قطع قد حبه البيض الكبيره بطلع معك 28 قطعه بنغطيهم.

– وبنجيب صحن وبنحط نشا بناخد قطعه قطعه اول شي بنحطها بالصحن نشا وبناخدها بنفردها شوي قد حبه القطايف الكبيره او اكبر شوي وبعدين بنحط عليها نشا من فوق وتحت وهيك مع باقي القطع انا عملت اول 14 قطعه فردتهم شوي وحطيت نشا من تحت وفوق وبيناتهم وفردتهم كلهم قد رغيف كبير حتي اختفي النشا وصارت كتير رقيقه لفيتهم كلهم رول كبير قطعته شي 5 قطع وسط اخدت كل قطعه ارجعت فتحتها او فردتها وطبقت طرفها ع التاني ع شكل مثلث وحشيته قشطه وجبنه عملتها بالبيت صفيتهم بصنيه حطيت عليهم زبده سايحه او سمنه.

– دخلتهم الفرن ع درجه 140 لمده ساعه كامله وبس تستوي بنحط قطر بارد.

– بالنسبه للوربات بالجوز بناخد 14 قطعه وبنفردهم بنفس الطريقه قد رغيف كبير وبعدين بنحط الحشوه ع طرف العجينه وبنلفها ع شكل رول بنلفها مره مرتين وبعدين بنقطعها بالسكين وبنقطع الرول ع شكل مثلثات بنشيلهم بالسكين بنحطهم بالصنيه بندهنهم سمنه او زبده ع الفرن ع درجه 140 لمده ساعه كامله وبس تستوي بنحط قطر بارد.
11152680_10206825847464983_5864389896634082222_n

مقادير الحشوه:
جوز عين جمل مجروش ناعم وشويه قرفه بنحط عليهم شويه مي او ماء ورد
او صنوبر مجروش ناعم مخلوط مع شويه مي
او كاجو مجروش ناعم مخلوط مع شويه مي او فستق حلبي مجروش مخلوط مع شويه ماء

مقادير القشطة:
القشطه 3 كاسات حليب
نص ملعقه كبيره زبده
شويه ماء زهر
شويه فانيليا
سبع ملاعق نشا

– نضع المكونات على النار بس يغلي بنضيف شي 7 ملاعق نشا مذوبين بنص كاسه مي بنضيف شويه شويه وبنخلط لحتي يجمد وبعدين فيكي تضيفي علبه قشطه بوك وخليها تبرد وبنحطها بالتلاجه لوقت الاستخدام.

– الجبنه 2 لتر حليب ع النار بس يغلي بنطفي النار و بنضيف 6 ملاعق خل ابيض راح ينفصل الجبنه عن المي صفيها منيح واغسليها مره وصفيها منيح اخلطي الجبنه مع القشطه.

وربات تركية
وربات تركية

image

شاهدي الوصفات بالفيديو:

 

لمتابعة وصفات زاكي الزاكية كتير تابعونا على جروبكم “زاكي”:
وربات تركية بالجوز والقشطة

عرض التعليقات (4)