وصفة الكاتو المزينة بالكريما بطريقة احترافية

24 3٬397

وصفة الكاتو المزينة بالكريما بطريقة احترافية
مع سيدة الابداع Ghamra Sy

 

وصفة الكاتو المزينة بالكريما بطريقة احترافية

 

مقادير الكاتو
6 بيضات وسط او 5 كبار
2 كاسة سكر
3 كاسة طحين كاتو
3/4 كاسة زيت مازولا
3/4 كاسة مي سخنة كتير
ظرف فانيليا
ظرفين بكنج مبودر
بشرة ليمون او برتقال

الطريقة
بنخل الطحين والبكنج مبودر على جنب
وبطبق تاني 6 بيضات وظرف فانيليا والبشرة او ملعقة صغيرة خل ابيض بالمضرب شي خمس دقايق بضيف السكر وبخفقهم شي خمس دقايق بضيف الزيت وبخفقهم كمان شوي

بعدين ببلش بضيف الطحين شوي شوي وبالملعقة بحركهم ع شكل نصف دائرة وخط لبين مايخلص كلو بجيب 3/4 كاسة مي سخنة كتير وبضيفها ويحركها بالملعقة ليندمج كلو ببعضو

بسكبو بقالب مدهون زيت وطحين وع فرن حامي درجة 160 بحطو عالشبك الوسط لمدة ساعة بدون ما افتح عليه بس براقبو من برا بعد مرور ال 3/4 (تلت ارباع ) الساعة وبختبروا بعود أسنان من الوسط اذا ماطلع بالعود شي معناها بطفي عليه من تحت وبشغل من فوق لمدة دقيقتين وبطفي وبتركو بالفرن ليرتاح شي عشر دقايق بعدين بطالعو وبالسكين بحدد أطرافو وبقلبو ع طبق وبرجع بقلبو مرة تانية ع طبق تاني

بس برد القالب بقصو لنصين وبجيب كاسة فيها ملعقتين قطر و4 ملاعق مي وبالريشة بدهن قلبو بيعطي طراوة للقالب وطعمة طيبة

بكون مجهزة الكريما بتكون عبارة عن كاستين كبار كريما شانتيه وكاسة حليب بارد عالمضرب لبين ماتنفش وتعلق بالمضرب بنضف المضرب من الكريما وببلش بدهن القسم الاول وبعدين برجع القسم التاني فوق القالب وبدهنو كلو بشكل نظامي وبحاول قدر الامكان انو اصقل الكريما وبالنسبة لطريقة التزيين
انا عملت شكل وردات بوساطة راس كريما وشكل سلة كما بوساطة راس تاني

 

وصفة الكاتو المزينة بالكريما بطريقة احترافية وصفة الكاتو المزينة بالكريما بطريقة احترافية وصفة الكاتو المزينة بالكريما بطريقة احترافية

عرض التعليقات (24)