قصة الصحفية لانا الحلقة الثانية مقدمة من حنين طه

37 5٬470

قصة الصحفية لانا الحلقة الثانية مقدمة من حنين طه
نتابع معكم اليوم باقي مجريات قصة الصحفية لانا وذلك في
قسم المنوعات في زاكي, قراءة ممتعة نتمناها لكم,وننتظر أراؤكم على القصة في التعليقات.

 

screen-shot-2016-11-28-at-3-44-38-pm

#الصحفية_لانا ٢

بقيت يومين تعبانة بعد الي شفته بدار المسنين ( لازم اكون اقوى من هيك صحيح الي شفته والي سمعته هناك شي لا يمكن تحمله بس ما بزبط اكون ضعيفة جهزت اوراقي وكل شي بلزمني واتجهت لمشفى الامراض العقلية تحدثت انا والطبيب المسؤول هناك
– شوفي يا اخت لانا ولا مريض من هون رح يقدر انه يساعدك ويحكيلك قصته لانهم لا هم بوعيهم ولا اتوقع حاليا هم عارفين حالهم ليش هون بس انا بقدر اساعدك بشي وهو انك تختاري عشوائي خمس مرضى حسب الاسماء الي بالسجلات وانا بعطيكي ملفاتهم وبامكانك بعد هيك تكتبي عنهم والممرضة سهام رح تساعدك وفعلا اخترت ٥ اسماء هيك ما بعرف لا قصتهم ولا شكلهم ….حتى اقرا واكتب بنفس الوقت عنهم .. اخدت الملفات تبعتهم وبلشت اقرأ وحتى ما انسى اي شي بقرءو كنت اكتب مباشرة عن كل حالة بعد ما اكون قرأت عنهم وكنت حابة الكتابة تكون على شكل سرد من صاحب القصة مو مقال وخلص …..يتبع

انا وفاء بنت ذكية حلوة اجتماعية خلصت جامعة بتخصص عالي ومعدل برفع راسي بعد ما خلصت بلشت العرسان تيجي على بيتنا من كل مكان وكل واحد عمره شكل وشغله شكل وحتى مظهره شكل وما كنت لاقية ولا بأي حدا فيهم الشي الي انا بدي اياه وبيوم اتصلت وحدة من معارف امي بتحكيلها انه ابن اخوها بدور على عروس وسمعنا انه عندك بنت خرج خطبة وزواج اذا بتسمحولنا نيجي احنا والشب وما بتعرفي يمكن يتم النصيب وفعلا اجا الشب وامه وابوه وعمته الي هي صاحبة امي شب ما شاء الله عنه كامل مكمل ادب وجمال وفهم بصراحة شب بتتمناه اي بنت ومن طريقة كلامه حسيت اني عجبته متل ما هو عجبني وبعد ايام رجعو علينا وتمت الخطبة بتذكر وقتها انه كل البنات الي من جيلي حسدوني عليه تزوجت انا وماهر وعشنا حياة جدا سعيدة كل شي بطلبه منه ملبى بعمره ما قصر معي هدايا الي ولاهلي بكميات هائلة ومرة من المرات سمعته بحكي عالتلفون ( مش على كيفها اهم شي ما تخلي بايدها ولا اي شي تقدر توصل لاهلها فيه ) ما بينت لماهر ولا اي شي ولا حتى حسسته اني سمعت ايشي ……. يتبع

صرت اجمع معلومات وابحبش هون وهون لحتى عرفت بالنهاية زوجي تاجر شو انا كنت بعرف انه تاجر بس ما بعرف تاجر شو طلع تاجر خسيس بوهم البنات ببعض البلاد انه هو جايبهم ليخدمو بالبيت وهو جايبهم لاشياء غير اخلاقية سكتت اول فترة حتى هو لاحظ علي اني مش طبيعية كل ليلة كانت تمر علي بعد ما عرفت حقيقته تكون اصعب من الليلة الي قبلها وبعد تفكيررر طويل قررت اني افضحه وبلشت اجمع معلومات وادلة وارتب الاوراق واللاشياء الي لازمة حتى ادينه واحط بالحبس دخلت على مكتبه بليلة من الليالي وكنت عم بحط بوراق جوا الشنتة فجأة ضوا علي الضو كان ياسر انا سكنت مكاني من الخوف ما عرفت انطق حكالي انا كنت عارف انك بتعرفي بس ما كنت بعرف انك حقيرة لدرجة ممكن تأذي فيها زوجك والي انتي ما بتعرفيه مزبوط مين انا .. تحول الانسان الطيب الحنون لوحش بشري لئيم حبسني بغرفة لقيت فيها كل انواع التعذيب والضرب وكان كل يوم يشربني شي لون ابيض بعدين عرفت انها مادة عشان تذهب العقل عشان لو بيوم انكشف بشي عن طريقي يقدر يثبت اني مجنونة وفعلا هاد الي صار بعد مدة من الضرب كنت شبه فاقدة عقلي طلعني من الغرفة وبلش يهتم فيي واتصل على اهلي حكالهم انا ووفاء روحنا من السفر بس وفاء صاير شي بعقلها واهلي اجو لعندي كل يوم انا كنت اشوف دموع امي بعيونها علي وعمل حاله الانسان الحنون وصار ينقل فيي من دكتور لدكتور وكلهم اجمعو اني مجنونة لما جيت عالمصح كان باقي شوية عقل فيني حكتلهم قصتي بس ما حدا صدقني وبعد ما قعدت هون نتفة العقل الي كانت موجودة طارت كل مرة كان يجي يزورني كنت الم المصح علي وانا اصرخ بس اشوفه خلص انا هلا من وراه صرت وفاء المجنونة

ناديت عالممرضة سهام وسألتها طالما انتو بتعرفو عنه هالمعلومات ليش ما تحكو للشرطة ويمكن تقدرو تساعدو وفاء وتكشف حقيقيته
– الشرطة حاولت كتير بالبداية تمسك ايشي عليه بس كان محصن حاله مزبوط واكيد ما حدا رح يصدق وحدة مجنونة متل وفاء لكن ربنا كشفه وحقيقته بانت وهلا هو بالسجن بس للاسف هالشي ما عاد ينفع وفاء لانها خلص صارت متل ما انتي شايفة

بصراحة بعد ما قرأت معلومات ملف وفاء وبعد ما كتبتلكم اياه ما عاد الي نفس اكمل طلبت فنجان قهوة وقعدت شوي اخد نفس وانا كل حزن والم على فتاة انسلبت حياتها وحريتها عشان انسان بلعب بحياة البشر …. يتبع

انا حسام شب شخصية وسيم متعلم القرش بلعب بايدي لعب بملك افخم انواع السيارات وكل شي بلبسه من اغلى الماركات وعايش من بلد لبد ومرة كانو اصحابي مجتمعين عم بلعبو شدة جيت عندهم سمعتهم بحكو عن البورصة والربح الي ممكن نحصله بضربة وحدة من البورصة الطمع عمى على عيوني وحطيت كل شي بملكه بالبورصة وفجأة لقيت حالي عالحديدة ما عندي شي ما بملك ولا شي كل العز والجاه والغنا راح صفيت لحالي ما معي اكل صفيت بالشارع وخسرت عقلي الي اهم من كل مصاري الدنيا يمكن تحكو في حدا بصير فيه هيك كرمال مصاري اه فيه لما تلاقي حالك خسرت كل شي بتملكه متلي ……

سألت الممرضة سهام طيب حسام هلا كيف يعني انا ما بتصور انه في انسان يصير فيه هيك كرمال المصاري
– يمكن يا اخت لانا مفكرة انه المصاري وسخ الدنيا بس كلنا عايشين فيها وبلاها احنا ولا شي ….. يتبع

انا جيهان وحدة تحملت الفقر ومستوى معيشي دون الفقر خلصت صف عاشر وصار لازم اتزوج لانه لازم نخفف مصروف على ابوي شوي خاصة انه احنا اربع بنات وولد وعند اول فرصة زواج صحتلي تزوجت واحد ما بنقدر نحكي عنه لا عاطل ولا منيح يعني لا يعتبر سيء بس المادة بتلعب دور خاصة انه وضعنا كان على قده ويا دوب الراتب كان يكفينا لأخر الشهر وبعد فترة حملت بابني جهاد كنت شايفة الدنياا فيه هو كان فرحة عمري وفرحة سنيني كل يوم حبي اله يكبر اكتر واكتر …. اجا علي زوجي حكالي ام جهاد حضري حالك بدنا نروح رحلة احنا واخواني عالبحر انبسطت كتير واخدت لجهاد احلى ملابس السباحة وحضرت لوازم الرحلة وطلعنا …
– خالتو ممكن ناخد جهاد يلعب معنا كرة ( ولاد عمه طلبو مني ) بالبداية ما رضيت بس بعدين اتطلعت عليه هو حابب يلعب ما حبيت اكسر بخاطره قلتلهم حبيبي خدوه بس لا تبعدو وبعد ساعة زمن رجعو اه رجعو بس بدون جهاد ابني ما رجع معهم حاولت اتمالك اعصابي
– جهاد وين ابني وين
كلهم ببكو خالتو والله كان يلعب معنا وفجأة بطل مبين قلبنا الدنيا عليه خبرنا الشرطة ومع كل عمليات البحث المستمر ما لقيناه انا ما بعرف هو اخده البحر ولا اخده بشر ولا هو وين اااخ يا ضي عيوني بس لو اعرف انت وين يمكن ارتاح شوي جهاد راح واخد عقلي معه يا ريته اخد روحي وريحني من هالحياة ….. يتبع

انا غيداء بنت من عيلة غنية كل شي بدي اياه موفرلي كوني وحيدة اهلي بدرس بالجامعة شايفة حالي بمالي وبجمالي شايفة نفسي فوق البنات كلها كنت امشي يا ارض اشتدي ما عليكي حدا قدي حبني شب من عيلة فقيرة ابوه بشتغل عند ابوي وحاول كتير يتقرب مني بس وحدة متلي تفتح مجال لواحد متله ايشي مستحيل وظل يحاول معي كتير وكل مرة اقابله بالرفض وحتى لما فكر يبعت امه لعنا حتى تطلب ايدي بهدلتها وطردتها من بيتنا وحكتلها خالة انتي من عقلك جاي تطلبيني انا لابنك ومرة من المرات وبهداك اليوم الاسود كنت طالعة من البيت وبعد ما مشيت شوي اعترض طريقي وحكالي يا بتتزوجيني يا اما والله بدمرك ما رديت عليه ولا اخدت بكلامه وفجأة لقيته طلع من كيس قنينة ورشها كلها عوجهي للاسف كانت مية نار سفرني بابا لافضل المستشفيات واكبر الدكاترة اشرفت على علاجي بس للاسف بدل ما يزبطوه كانو بخربوه بزيادة تشوه وجهي الحلو وللاسف تشوه معه عقلي ….
– سيستر سهام كيف وضعها هلا لجيهان
– ما بتحب تشوف حدا انطوائية بتكره الكل
– طيب يعني ما اخدت عبرة بلي صار معها وانه بسبب كبريائها خسرت كل شي
– يمكن هي تكون غلطانة بس هي كمان من حقها تختار مين بدها تتزوج هو كان اناني ليعمل معها هيك بالنهاية مش ذنبها اذا ما حبته
وبعد لحظات طويلة من الصمت فتحت اخر ملف لاكتب عنه …. يتبع

انا عز الدين انولدت بمرض في العقل بصيب طفل واحد من بين كل ١٠٠ طفل لما امي كانت حامل فيني الدكاترة ما عرفو اني مريض بهيك مرض انولدت وبلشت امي تذمر مني ومن صعوبة النمو العقلي عندي الاطباء وقتها خبروها اني ما رح اكون متل الاطفال التانين الي بعمري وحكولها كمان انه هاد بالنهاية طفل بحاجة لحب ورعاية وكل شي بشوية تعاون بنحل بس انا بعدها كلمات امي بترن بداني رن لما كانت تحكي للجارات انا ناقصني اربي معتوه ولما كانت تحكي لابوي شوفلك صرفة معه ترا انا ما بربي واحد متخلف مجنون سلفاتي مش احسن مني يكون عندهم ولاد كاملين وانا لا لحتى بالنهاية قرروا يحطوني بهالمكان يمكن انا اقدم واحد موجود هون واكتر واحد صحبة معهم كلهم بعرف اتعامل معهم كلهم وبحن عليهم واحد واحد

سكرت الملفات وسكرت عيوني على الف دمعة ودمعة يا الله قديه كنا نشوف ناس عندهم مرض نفسي وننفر منهم بعمرنا ما سألنا حالنا شو الي وصلهم لهون ولا ليش هم هيك بهالحالة ورسالة اخيرة متل ما في عقوق والدين كمان في عقوق ابناء خافو الله الي مو قد الخلفة لاتخلف والله في متل عز الدين كتير ساعدوهم لانه هم مو نكرة ولا بعمرهم حيكونو هيك والله يهونها عجميع الناس
باقي عندي يوم لقاء الناس المعنفات غدا وبعدها بتطلع النتيجة لنعرف مين افضل صحفي

#حنين_طه

عرض التعليقات (37)