img
الرئيسة / منوعات / قصة كناين ام لطفي الحلقة 1

قصة كناين ام لطفي الحلقة 1

/
/
/
6538 مشاهدات

قصة كناين ام لطفي الحلقة 1
نقدم لكم في قسم المنوعاات في زاكي, هذه القصة الاجتماعية الهادفة, نتمنى أن تنال على إعجابكم, من يُنهي قراءتها يكتب كلمة “تم” في التعليقات, ويخبرنا رأيه في القصة, ليصلك باقي الحلقات.

قصة كناين ام لطفي الحلقة 1

ملاحظة هاي القصة مسلسل ورح تنزل على نظام حلقات كل يوم حلقة

#كناين_ام_لطفي
الحلقة الاولى

كناين ام لطفي
طبعا ام لطفي بتكون امي مرة مسكينة وعالبركة يعني كناينها محظوظات فيها بس الله بلاهم ببنت حما متلي
ما بتعدى على حق حدا بس بنفس الوقت الي بيجي فيي بطحنه
انا نجاح عمري بحيطان العشرين ما تزوجت مش لانه في عيب لا سمح الله بس لاني ما بحب اتحمل حدا هيني قاعدة وحرتاحة وبنام ببيت اهلي لساعة 7 الصبح وما شاء الله عني

ام لطفي ( ييييييي يما هاي الساعة المباركة الي ازوجك فيها لا تخاف من بكرة ها رح ادورلك على بنت حلال انت الف وحدة بتتمناك )
صطيف ( بدي اياها بيضة وطويلة وعيونها وساع)
ام لطفي ( لا تخاف لا تخاف طلبك عندي )

دقت امي عصدرها وحكت لصطيف كلمتها المعهدوة ( الف بنت بتتمناك مش عارفة بصراحة من وين جايبة هالثقة مع انها صارت طالبيتيلو نص بنات حارتنا والحارة الي جنب حارتنا وكلهم رفضو )

نجاح ( صباح الخير يما شو هاد حاملة كل هاي بدنا نلقطها )
ام لطفي ( اه جابهم اخوكي لطفي من الحسبة اليوم الصبح خضر وملينات )
نجاح ( بس والله هدول تلقيطهم بهد الحيل )
ام لطفي ( انتي بس يحطوكي للاكل اما تشتغلي شغلة تنفع الله ورسوله لا روحي جيبيلي الشرشف المنقط من رف خزانتي وافرديه بالحوش حطي عليه الحاملات نلقطهم بلاش يعبو الدنيا وبوجهك عند ام اسماعيل وام بكر بتناديلي اياهم يجيو يساعدوني ومنه بياخدو حصتهم وبتسلى معهم )
نجاح ( طيب يلا )
ام لطفي ( ولك لا توكليها نية بكرة بصير بطنك يوجعك )

رحت عملت فتلة عند خالتي ام اسماعيل وخالتي ام بكر خبرتهم يجو يساعدو امي بالحاملات ويشربولهم فنجان قهوة
خالتي ام اسماعيل طلعت قبلي وسبقتني على بيتنا وخالتي ام بكر قالتلي خمس دقايق وبجي
فردنا هالشرشف بالحوش وصرنا نلقط
ام لطفي( والله تاخرت ام بكر ها هي الباب بدق قومي يا نجاح افتحي الباب)
ام بكر( يمسيكم بالخير يا جماعة
خليكم خليكم يا جماعة والله ما بتقومو )

ام لطفي ( شو ليش تاخرتي يا ام بكر )
ام بكر ( كنت بالمؤسسة من شوي وصلت يباي فقعت من الشوب اي افتحيلك هالباب شوي يا نجاح نتفس
عاملين عروض بتجنن اربع علب فول بنص ليرة وشوال الرز بليرة ونص وخمس علب سردين ب ليرة )
نجاح ( ليش ما جبتي صباح بنتك يا خالتي بتسلى انا واياها )
ام بكر ( هسا بتلحقني بس بتضب بالاغراض)
ام لطفي ( هسا يا جماعة جبتكم لحتى تدلوني على عروس لابني مصطفى بدنا اياها حلوة ومنيحة وبنت ناس)
ام اسماعيل( بدك تزوجي مصطفى قبل لطفي يا ام لطفي)
نجاح ( خالتي ام اسماعيل انتي بتوكلي ولا بتلقطي)
ام اسماعيل ( ياعليكي يا نجاح متبعتيلي شو باكل )
ام لطفي( وبعدين يا نجاح ما تسكتي )
نجاح ( شو حكيت انا )
ام لطفي( هسا بالاول بدي اخطبله لمصطفى ولطفي ما هو خاطب اول ما يطلعو المستأجرين الي فوقنا بزوجه وبسكنه )
ام بكر( وخطيبته قابلة )
نجاح ( هو من كثر ما بشوفها معطيته موعداثنين وخميس يروح عندها كانه ماشية هالسنة والله العليم بتصوم وبتتزكي صيامها بجية لطفي عندها )
ام لطفي ( ولك انتي مش ناوية تسكتي قومي من هون في كيس بالتلاجة في كم حبة كوسا كبار ما بنفعو للحشي روحي قطعيهم وجهزيهم نعمل عليهم كوسا حوس )
نجاح ( ااافت طيب يا رب تزوجي ولادك عالسريع ويجي حدا بساعدني شوي )

ام اسماعيل( عندي عروس بتجنن بس مش حافظة رقم اهلها )
ام لطفي ( ايدي بزنارك يا ام اسماعيل
ولك يا نجاح يا نجاح وين بتغطي )
نجاح ( مش حكيتلي افوت اقطع الكوسا )
ام لطفي ( اتركي من ايدك هسا وروحي جيبيلي الدليل من جوا بسرعة )

نجاح ( ها وهي جبته شو اسم العيلة يا خالتي ام اسماعيل )
ام اسماعيل ( القنفذ )
نجاح ( يا خوفي نقرب منها تصير بتشوك
القنفد
القنفذ
القنفذ
القنفذ
يا خالتي ما في القنفذ
ام اسماعيل ( دوري منيح يا نجاح كيف ما في )
نجاح ( والله ما في )
ام اسماعيل( طيب جربي حسونة القنفذ )
نجاح ( عيلتهم حسونة ولا القنفذ )
ام اسماعيل ( بدك الصحيح عيلتهم حسونة بس لقبهم القنفذ )
نجاح ( ها هي حسونة شو اسم ابوها )
ام اسماعيل ( ابوها اسمه خالد )
نجاح ( يا خاتي زاغو عيوني وانا بدور ما في خالد )
ام اسماعيل( ما هو امه لخالد وسته تقاتلو شو بدهم يسموه فسجلوه خليل بس بنادوه خالد )
تجاح ( اللهم طولك يا روح )
ام اسماعيل ( اي مالك يا نجاح مش طايقة حالك كلي حاملة كلي )

رنت امي عالجماعة وبلشت تمدح وتوصف باخوي مصطفى انا للحظة انصدمت بهالمواصفات فكرت امي بتحكي عن بيت ناس تانين بس لا عادت اسم مصطفى تلت مرات اكيد رايحة تخطبها لاخوي مصطفى
بهالوقت دخل ابوي عالبيت وخالتي ام اسماعيل قد ما بتيجي بتقعد عنا نسيت انه هاد بيتنا مش بيتهم قامت غطت راس امي وقعدت
نجاح ( عفكرة يا خالتي هاد ابوي مش عمي ابو اسماعيل انتي الي لازم تغطي مش امي)
مسكينة قامت عحيلها متل الي مسكتها كهربا بس يلا من قوة الايمان هاد
روحو خالتي ام اسماعيل وخالتي ام بكر واحنا حطينا الغدا مع راس بصل وشوية زيتون وبعد هيك شويت الحاملة بالفرن مع كاسة شاي بنعنع وقعدنا مع ابوي نسهر شوي
وبلشت امي تحكيله عن العروس ومصطفى قاعد جنب امي متل البنت المستحية بطلع بابوي وبنزل راسه
واتفقو انه تاني يوم يروحو عند الجماعة بعد العصر

تاني نهار صحتني امي الساعة 7 الصبح نشطف وننظف هالبيت الي كله غرفتين ونص وكل الي فيه قردين وحارس من وين بتوسخ ما بعرف
نظفنا البيت ولا هو جرس البيت برن كانت خالتي ام بكر ومعها بنتها صباح فتنا انا وصباح عالمطبخ نسلق زهرة ونحضر للفطور حتى نعمل مشاط
نجاح ( بتعرفي يا صباح انا لو علي اخدتك انتي لاخوي مصطفى طيبة ومسكينة وعلى قد الايد كمان )
صباح ( الله يسامحك يعني انا على نياتي )
نجاح ( يباي كيف فهمتيها وك انتي اختي اصلا ما بزبط اخدك لمصطفى انا بدي وحدة احرث عليها وانتي مسكينة ما بزبط )
صباح ( طيب طيب خلصي ركبي بريق الشاي وحطيلنا خلينا تفطر ولا تنسي تحطيلنا برازق بعد الفطور )

خلصنا فطور وصرنا نحضر بحالنا شو بدنا نلبس حتى نروح ننقد سعيدة الحظ هووالله ما انا عارفة هي حتكون سعيدة والا الله يعينها
اجا مصطفى وقعد يزمر بسيارته ما هو بشتغل عسيارة بوظة بوزع اسكيمو

ام لطفي ( وك يا نجاح خلصينا شو بتعملي )
نجاح ( يلا يلا حطيت النشا عاشاري بس بكوي فيه )
مصطفى ( يما شو بدنا نوخد بايدنا )
نجاح ( انا بقترح نوخد تنين كيلو وربات اوجه واحسن )
ام لطفي( طب خلصي انتي يا ام الاقتراحات )
والله ورحنا عند هالجماعة شو ناس مقدرين وصحاب واجب ضيافة رايحة وضيافة جاي ما خلو كولا وفواكه وعاملة امها كيكة زاكية بس شكله مكترة فيها بيض
وبعد شوي دخلت سناء مبدئيا بس شفتها احاسيسي كلها تجمدت زمبركات شعري وقفت
يخزي العين شو حلوة حكيت بيني وبين حالي مستحيل توافق عمصطفى بس متل ما بقولو كل قمحة مسوسة الها كيالها الاعور
تربع ابوي وبلش يخطب ويعبر وطلبها لسناء واهلها طلبو يومين ليسألو عن مصطفى
وبهاليومين مصطفى لا نام ولا ارتاح وهو رايح جاي يسألني نجاح فكرك اهلها بوافقو
وبعد يومين الساعة تنين الظهر بالزبط رنت امها واعطتنا الموافقة والمسا تحركو الزلام حتى يحدو المهر ويتفقو عكل شي
وامي تضرب اخماس باسداس خايفة يطلبو مهر عالي مهي بنت حلوة وبتساهل وصارت بدها تبيع سنسالها الذهب الحلبي قال عشان تدفع المهر
نجاح ( يما استهدي بالله هالسنسال كل ما دق الكوز بالجرة بدك تبيعيه
اذا بدك ترممي البيت بدك تبيعه واذا حدا بمرض بتصيري بدك تبيعيه حتى وصيتك لبعد ما تموتي نبيع السنسال ونعملك بيت اجر مرتب بحقه انا بقول اعطيني اياه وريحي حالك
لسا الجماعة ما بين خيرهم من شرهم خلينا نروح ونشوف وبعدها لكل حادث حديث )
ام لطفي ( اااخ منه لسانك امشي قدامي امشي )

……يتبع في الحلقة القادمة
#حنين_طه

150 تعليقاً

اترك رداً على ♥بنوته♥ إلغاء الرد

لن يتم نشر عنوان بريدك الإلكتروني.